Curry leaves:✒️নৰসিংহ এক অতি উপকাৰী ঔষধি গুণৰে ভৰা উদ্ভিদ। নৰসিংহৰ পাত আঞ্জা ৰান্ধি খোৱা হয়। সৰু-ডাঙৰ উভয় ধৰণৰ মাছৰ আঞ্জা নৰসিংহ পাতৰে তৈয়াৰ কৰা হয়। এনে আঞ্জা জুতি লগা হোৱাৰ লগতে স্বাস্থ্যৰ বাবে উপকাৰী।
নৰসিংহ পাতৰে বেচনৰ বৰ ৰান্ধিও খোৱা হয়। বহুতে নানা ধৰণৰ ব্যঞ্জনত নৰসিংহৰ পাত ব্যৱহাৰ কৰে। ডাইল তৈয়াৰ কৰোতেও নৰসিংহৰ পাত ব্যৱহাৰ কৰা হয়। নৰসিংহৰ পাত কেঁচাই খালেও বহু সুফল পাব পাৰি।
পুৱা খালী পেটত কেইখিলামান নৰসিংহৰ কেঁচাপাত চোবাই খালে বহু উপকাৰ পাব পাৰি। নৰসিংহৰ পাত পানীত সিজাই সেই পানী । চেকি পান কৰিলেও সুফল পাব পাৰি।
তদুপৰি নৰসিংহৰ পাত মিক্সাৰত খুন্দি ইয়াৰ জুচ তৈয়াৰ কৰিও পুৱা খালী পেটত পান কৰিব পাৰিব। নৰসিংহ এইদৰে খালে ৰক্ত শৰ্কৰা নিয়ন্ত্ৰণত থকাৰ লগতে পেটৰ বহু ৰোগৰ পৰা সকাহ পোৱাৰ লগতে ছাল উজ্জ্বল হয়।
অৱশ্যে গেষ্ট্ৰিকৰ সমস্যা থাকিলে খালী পেটত নৰসিংহ নোখোৱাই ভাল।