চিকিৎসা বিশেষজ্ঞসকলে কৈ আহিছে যে নিতৌ খোজ কঢ়াটো স্বাস্থ্যৰ বাবে উপকাৰী। নিয়মীয়াকৈ খোজ কঢ়াৰ অভ্যাসে ঘাইকৈ শৰীৰত তেজৰ সঞ্চালন বৃদ্ধি কৰি স্বাস্থ্যৰ উপকাৰ সাধন কৰে। এনে অৱস্থাতে এজন ইজৰাইলী গবেষকে আঙুলিয়াই দিছে যে খোজ কাঢ়োতে ভৰি দুখনৰ বেঙা কমকৈ মেলিব লাগে।
অর্থাৎ ক’ৰবালৈ ওলাই যাওঁতে সময় মিলাবলৈ বুলি দীঘল বেঙা মেলি খৰধৰকৈ খোজকঢ়াৰ পৰিৱৰ্তে স্বাভাবিকভাবে খোজৰ সংখ্যা বৃদ্ধি কৰি খোজকঢ়াৰ অভ্যাস গড়ি তুলিব লাগে। জনাথন ৰবিন’বিটজ নামৰ এই অধ্যাপকজনৰ মতে খোজৰ সংখ্যা বৃদ্ধি কৰি খোজ কাঢ়িলেও অধিক সময় নালাগে।
অর্থাৎ এনেদবে খোজ কাঢ়োতে দূৰত্ব বৃদ্ধি নাপায়। দৰাচলতে চিনা-পৰিচিত স্থানলৈ খোজৰে যাওঁতে কেইখোজমান বৃদ্ধি কৰাহে উচিত। অর্থাৎ বেঙা কমকৈ মেলি খোজ কাঢ়িব লাগে। এনেদৰে খোজ কাঢ়িলে অতিৰিক্ত ভ্রমণৰ প্রয়োজন নাথাকে। এনে অভ্যাসে স্বাস্থ্য উন্নত কৰিব পাৰে।
ৰবিন’ৱিটজ হৈছে বাৰ-ইলান বিশ্ববিদ্যালয়ৰ অধ্যাপক। তেওঁ ‘ম’ৰ ৱাকিং’ শীর্ষক এক প্ৰকল্পৰ কাম কৰি আছে।এই প্রকল্পৰ অধীনত খোজ কঢ়াৰ বিভিন্ন উপকাৰিতা সম্পৰ্কত তেওঁ গবেষণা কৰি আছে। ইয়াৰ অংশৰূপে তেওঁ নিজৰ বিশ্ববিদ্যালয়ৰ ২১০০ কর্মচাৰীক লৈ এক অধ্যয়ন সম্পন্ন কৰে।
তেওঁৰ দিহা মতে এই কর্মচাৰীসকলে বিশ্ববিদ্যালয়লৈ অহা-যোৱা কৰোতে খোজৰ সংখ্যা বৃদ্ধি কৰে। একেদবে তেৱোঁ বাছৰ পৰা নামি কন্যাৰ ঘৰলৈ যাওঁতে অধিক খোজ পেলায় বা খোজৰ সংখ্যা বৃদ্ধি কৰে। গৱেষণাৰ জৰিয়তে তেওঁ এই সিদ্ধান্তলৈ আহে যে বিশ্ববিদ্যালয়ৰ কৰ্মচাৰীসকলে খোজৰ সংখ্যা বৃদ্ধি কৰিলেও কর্মস্থলীলৈ অহাৰ সময়ৰ তাল মিলাবলৈ সক্ষম হয়।
গড় হিচাপত এই কর্মচাৰীসকলে ন মিনিট সময় প্রতিদিনে খোজ কাঢ়ে। ইয়াৰ জৰিয়তে তেওঁলোকৰ স্বাস্থ্যও উন্নত হয়। সম্প্রতি ৬৭ বছৰীয়া ববিন’রিটজে এই সম্পৰ্কত কয়, ‘পূৰ্বৰ দৰে একে সময়তে আপুনি কৰ্মস্থলীলৈ বুলি ঘৰৰ পৰা ওলাব পাৰে আৰু খোজৰ সংখ্যা বৃদ্ধি কৰিলেও একে সময়তে কর্মস্থলীত উপস্থিত হ’ব পাৰে। এয়া এক সহজ পৰিবৰ্তন হ’লেও ইয়ে স্বাস্থ্যৰ প্ৰতি গুৰুত্বপূৰ্ণ বৰঙণি আগবঢ়ায়।’
নিতৌ খোজ কঢ়াটো অত্যন্ত গুরুত্বপূর্ণ বুলি তেওঁ মন্তব্য কৰে। খোজ কঢ়াৰ সময় বৃদ্ধি কৰিলে যাতায়াতৰ সময় বৃদ্ধি পায় বুলি সচৰাচৰ থকা ধাৰণা খণ্ডন কৰি বিশেষজ্ঞজনে লগতে কয়, ‘বেছি খোজ পেলাই খোজ কাঢ়িলেও দৰাচলতে কেতবোৰ ক্ষেত্ৰত সময় কমহে প্রয়োজন হয়। অধিক খোজ পেলাই খোজ কঢ়াৰ উপকাৰিতা সম্পর্কে আমি মানুহৰ মাজত সচেতনতা সৃষ্টি কৰিবলৈ বিচাৰো। আমি মানুহক জনাব বিচাৰো যে দৈনন্দিন জীৱনত অধিক খোজ পেলাই খোজ কঢ়াটোরে স্বাস্থ্যৰ ওপৰত ইতিবাচক প্রভাৱ পেলায়। আমি মানুহক সৰু সৰু খোজ পেলাবলৈ উৎসাহিত কৰিছো।’
অধ্যাপক ৰবিন ‘ৱিটজে এই বুলিও আঙুলিয়াই দিছে যে নিতৌ ২০ মিনিট সময় খোজকঢ়াৰ অভ্যাস কৰিলে অকাল মৃত্যুৰ আশংকা হ্রাস পাব পাৰে। তেওঁৰ মতে খৰধৰকৈ ২০ মিনিটকৈ সময় খোজকঢ়াৰ অভ্যাস গঢ়ি তুলিলে ২৫ শতাংশ পর্যন্ত অকাল মৃত্যুৰ সম্ভাৱনা আশংকা দূৰ হয়। ‘দৈনন্দিন চলা-ফুৰাৰ সূচীৰ স’তে খোজকঢ়াৰ কাৰ্যক সংলগ্ন কৰাটো হৈছে শাৰীৰিক কাৰ্যকলাপ বৃদ্ধিৰ এক প্রায়োগিক আৰু বহনক্ষম উপায়।এই ক্ষেত্ৰত ব্যস্ততাৰে দিনটোৰ অধিক সময় পাৰ কৰাসকলৰ ক্ষেত্রত অধিক ফলপ্রসূ হয়।’
শাৰীৰিক পৰিশ্ৰম বা কাম-কাজ বৃদ্ধিৰ পৰামৰ্শ আগবঢ়োৱা বিভিন্ন ফিটনেছ এপ আছে যদিও এইসমূহে গন্তব্যস্থলীত উপস্থিত হ’বলৈ কোন পথৰে খোজকঢ়া উচিত সেই কথা নকয়। অধ্যাপক ৰবিন’ৱিটজৰ পুত্ৰ সেনাবাহিনীত কৰ্মৰত হৈ থাকোতে আঘাতপ্রাপ্ত হয়। আৰোগ্য হ’বলৈ ধৰাৰ সময়ত পুত্ৰকো এনেদৰে খোজকঢ়াই তেওঁ আৰোগ্য কৰা বুলি জানিবলৈ দিয়ে। তেওঁৰ পুত্ৰই নিতৌ ৪০ মিনিট খোজকঢ়াৰ অভ্যাস গঢ়ি তোলে। গতিকে খোজকঢ়াৰ উপকাৰিতা বহু বেছি বুলি গৱেষকসকলে মন্তব্য কৰিছে।