Kanda Express:
দৈনিক অগ্ৰদূত ডিজিটেল ডেস্ক:বজাৰত হঠাতে চেনি সহ কেতবোৰ খাদ্য সামগ্ৰীৰ মূল্য বৃদ্ধি পোৱাৰ সমান্তৰালভাৱে পিয়াঁজৰ মূল্যই হাফ চেঞ্চুৰী অতিক্ৰম কৰি চেঞ্চুৰী হোৱাৰ দিশে অগ্ৰসৰ হোৱাত গ্ৰাহক ৰাইজৰ মাজত তীব্ৰ প্ৰতিক্ৰিয়া সৃষ্টি হৈছে ৷ পিয়াজৰ উৰ্ধমুখী মৃল্যবৃদ্ধি ৰোধৰ বাবে বিশেষ ব্যৱস্থা গ্ৰহণ কৰিছে কেন্দ্ৰীয় চৰকাৰে ৷
দেশৰ পিয়াজৰ অন্যতম উৎপাদনস্থলী মহাৰাষ্ট্ৰৰ নাছিকৰ পৰা অসমলৈ পিয়াজ অনাৰ ব্যৱস্থা কৰিছে কেন্দ্ৰীয় চৰকাৰে৷ সেই অনুসৰি বুধবাৰে নাছিকৰ পৰা কঢ়িয়াই অনা ৮০০ টন পিঁয়াজ ভৰ্তি ‘কাণ্ডা এক্সপ্রেছ’ নামৰ বিশেষ ৰে’ল খন বুধবাৰে গুৱাহাটী ৰে’ল ষ্টেচনত আহি পোৱাৰ সম্ভাৱনা আছে ৷ ইয়াৰ লগে লগে বজাৰত প্ৰতি কিলোত ৬০-৭০ হোৱা পিয়াঁজ ৩৫ টকাত পোৱাৰ ব্যৱস্থা কৰিছে প্ৰশাসনে ৷
আনহাতে পিয়াঁজ ভৰ্তি ”কাণ্ডা এক্সপ্ৰেছ’ খনে গুৱাহাটীলৈ অহাৰ পথত কোচি,চেন্নাই আৰু দিল্লীতো পিঁয়াজ দি আহিব ৷
