Two Govt Joint meeting in shillong:
দৈনিক অগ্ৰদূত ডিজিটেল ডেস্ক:আগষ্ট মাহৰ দ্বিতীয়টো সপ্তাহত চুবুৰীয়া ৰাজ্য মেঘালয়ৰ ৰাজধানী চহৰত খাচী ছাত্ৰ সন্থাই ক’লা দিৱস উদযাপনৰ নাম অসমৰ পৰ্যটন বাহনত আক্ৰমণ কৰাৰ লগতে পৰ্যটকক শাৰীৰিক ভাৱে প্ৰহাৰ কৰাৰ প্ৰতিবাদত তিনিদিন ধৰি মেঘালয়ৰ কেব সহ অন্যান্য বাহন অসমত প্ৰৱেশত বাধাৰোপ কৰিছিল অসম ৰাজ্যিক চালক সন্থাই৷ অৱশ্যে পিছত দুই ৰাজ্যৰ মুখ্যমন্ত্ৰী তৎপৰতাত এক শান্তিপূৰ্ণ বাতাবৰণ ঘূৰাই অনাৰ স্বাৰ্থত গুৱাহাটীৰ কইনাধৰাত মেঘালয়ৰ উপ-মুখ্যমন্ত্ৰী এছ ধৰ আৰু অসমৰ সীমান্ত সুৰক্ষা মন্ত্ৰী অতুল বৰাৰ মাজত অনুষ্ঠিত বৈঠকমৰ্মে অসমৰ চালক সকলে তেওঁলোকৰ পথ অৱৰোধ স্থগিত ৰাখি বৰ্তমান দুয়ো ৰাজ্যৰ যানবাহন নিয়মীয়াকৈ চলাচল অব্যাহত আছে যদিও এক স্থায়ী শান্তিৰ বাবে মঙলবাৰে পুনৰ এক মন্ত্ৰী পৰ্যায়ৰ এক বৈঠক অনুষ্ঠিত হয় শ্বিলঙত৷বৈঠকত অসমৰ হৈ উপস্থিত থাকে সীমান্ত সুৰক্ষা মন্ত্ৰী অতুল বৰা আৰু মেঘালয়ৰ হৈ উপ-মুখ্যমন্ত্ৰী এছ ধৰ উপস্থিত থাকে৷ দুয়ো ৰাজ্যৰ বৈঠকত আয়ুক্ত সচিব পর্যায়ত যৌথ সমিতি গঠন সন্দর্ভতো হয় আলোচনা ৷ উল্লেখ্য যে ইয়াৰ পূৰ্বে ১৯ আগষ্টত দুই ৰাজ্যৰ কেব চালক সন্থাৰ এক বৈঠক অনুষ্ঠিত হৈছিল ৷
