Pijush Hazarika:
দৈনিক অগ্ৰদূত ডিজিটেল ডেস্ক:জলসিঞ্চন বিভাগৰ অভিযন্তা -ঠিকাদাৰৰে হোৱা এক বৈঠকত বিভাগীয় মন্ত্ৰী পীযুষ হাজৰিকাৰ কঠোৰস্থিতি ৷ কর্তব্যত গাফিলতি কৰা জলসিঞ্চন বিভাগৰ ঠিকাদাৰক ব্লেকলিষ্টেডৰ নিৰ্দেশ মন্ত্ৰী গৰাকীৰ৷ বৃহস্পতিবাৰে দিছপুৰত বিভাগীয় উচ্চপদস্থ বিষয়াৰ উপস্থিতিত মন্ত্ৰী গৰাকীয়ে ঠিকাদাৰ সকলৰ কামকাজৰ ক্ষতিয়ান লৈ থকাৰ সময়তে একাংশ ঠিকাদাৰে নিবিদা লাভ কৰাৰ এক – দুবছৰৰ পিছতো লেহেমীয়া গতিত কাম কৰাৰ তথ্য পোহৰলৈ অহাৰ পিছতে খড়্গগ্ৰস্ত হৈ পৰে ৷ মন্ত্ৰী গৰাকীয়ে তৎকালীনভাৱে কাৰ্যকৰী হোৱাকৈ দুজনকৈ ঠিকাদাৰৰ প্ৰতিষ্ঠানক কর্তব্যত গাফিলতি কৰাৰ অভিযোগত ব্লেকলিষ্টেডৰ নিৰ্দেশ দিয়ে বিভাগীয় বিষয়াক ৷
এই সন্দৰ্ভত মন্ত্ৰী গৰাকীয়ে ঠিকাদাৰৰ হৈ বিল প্ৰস্তুত কৰি দিয়া অভিযন্তাকো একপ্ৰকাৰ কঠোৰ সকীয়নি দি কয়,ৰাজনৈতিক হস্তক্ষেপ মতে কাম হ’বলৈ দিয়া নহ’ব ৷ যদি কাম কৰিবলৈ মন আছে এমাহত কাম কৰি দিব লাগিব । অন্যৰ্থাই জলসিঞ্চন বিভাগত কোনো ঠিকাদাৰেই কাম নাপায়। কাম নকৰা ঠিকাদাৰক গামোচা পিন্ধাই বিদায় দিয়া হ’ব বুলিও স্পষ্ট কৰি দিয়ে ৷
