BetaPictorisB : দৈনিক অগ্ৰদূত ডিজিটেল ডেস্ক: সৌৰজগতৰ বাহিৰত থকা এটা নির্দিষ্ট গ্ৰহৰ পৰা পোনপটীয়াকৈ ৰেডিঅ’ তৰংগ চিনাক্ত কৰা বুলি দাবী কৰিছে একাংশ জ্যোতির্বিজ্ঞানীয়ে। গৱেষকৰ দলৰ মতে, কোনো একক বহিঃগ্রহ বা এক্স’প্লেনেটৰ পৰা ৰেডিঅ’ নির্গমনৰ এনে পোনপটীয়া চিনাক্তকৰণ এয়াই প্রথম।
এই নতুন গৱেষণাই এতিয়াও পিয়াৰ ৰিভিউ বা বিশেষজ্ঞ মূল্যায়নৰ পৰ্যায় পাৰ কৰ নাই। ফলত গৱেষণাৰ ফলাফলক প্রাথমিকৰূপে গণ্য কৰা হৈছে। গৱেষণাত যিটো গ্ৰহৰ ৰেডিঅ’ সংকেত ধৰা পৰিছে, তাৰ নাম
‘বিটা পিক্টোৰিছ বি’।
পৃথিৱীৰ পৰা প্রায় ৬৩ আলোকবর্ষ দূৰৰ পিক্টৰ নক্ষত্রমণ্ডলত অৱস্থিত এই গ্রহটো এটা তৰুণ আৰু বিশাল গেছ জায়েন্ট। গৱেষকসকলে অনুমান কৰিছে যে ইয়াৰ ভৰ বৃহস্পতিৰ প্রায় নৰ পৰা ১৩ গুণ বেছি। ই বিটা পিক্টোৰিছ নামৰ এটা তৰুণ নক্ষত্ৰক কেন্দ্ৰ কৰি গঢ়ি উঠা গ্রহমণ্ডলৰ অংশ।
হার্ভার্ড আৰু স্মিথছোনিয়ান চেণ্টাৰ ফৰ এষ্ট্র’ফিজিক্সৰ গৱেষক কেভিন এন অর্টিজ ছেবায়োছৰ নেতৃত্বত এই গৱেষণা চলোৱা হয়। দক্ষিণ আফ্ৰিকাৰ ৰেডিঅ’ টেলিস্কোপ এৰে ব্যৱহাৰ কৰি তেওঁলোকে বাৰে বাৰে ৰেডিঅ’ তৰংগৰ বিস্ফোৰণ বা ‘বার্স্ট’ চিনাক্ত কৰে।
গৱেষণাত অ’ৰেগান বিশ্ববিদ্যালয়ৰ গৱেষকসকলো যুক্ত আছিল।অৱশ্যে এই সংকেতটো গ্ৰহৰ পৰাই আহিছে নে তাৰ নক্ষত্ৰৰ পৰা, সেয়া নিশ্চিত কৰাটোৱেই আছিল বৃহৎ প্রত্যাহ্বান।
গৱেষকসকলে ৰেডিঅ’ সংকেতৰ অৱস্থান আৰু তাৰ বৈশিষ্ট্য বিশ্লেষণ কৰি ইয়াক ‘বিটা পিক্টোৰিছ বি’ৰ স’তে যুক্ত কৰে। এইক্ষেত্রত নক্ষত্রটোৰ তুলনামূলকভাবে কম চৌম্বকীয় সক্রিয়তায়ো গৱেষকসকলক সহায় কৰিছে।
দূৰৰ কোয়াছাৰক ৰেফাৰেল পইণ্টৰূপে ব্যৱহাৰ কৰি ৰেডিঅ’ উৎসটোৰ অৱস্থান আৰু নির্ভুলভাৱে নিৰ্ধাৰণ কৰা হয়। গৱেষকসকলে ধাৰণা কৰিছে যে এই ৰেডিঅ’ বিস্ফোৰণবোৰ প্রাকৃতিক অৰোৰা বা মেরুজ্যোতি সংক্রান্তীয় নির্গমন।
অর্থাৎ, ‘বিটা পিক্টোৰিছ বি’ৰ ক্ষেত্ৰতো একেই ধৰণৰ প্ৰক্ৰিয়াই কাম কৰিব পাৰে বুলি বিজ্ঞানীসকলে ধাৰণা কৰিছে।এই পৰ্যবেক্ষণৰ মাধ্যমেৰে গ্ৰহটোৰ চৌম্বক ক্ষেত্র সম্পর্কেও গুৰুত্বপূৰ্ণ তথ্য পোৱা গৈছে।
গৱেষণাত ৰেডিঅ’ তৰংগ নিৰ্গত হোৱা অঞ্চলত প্রায় ১,২৫০ গচ চৌম্বক ক্ষেত্ৰৰ ইংগিত পোৱা গৈছে। অৱশ্যে বিভিন্ন গ্ৰহৰ বিভিন্ন অঞ্চলৰ চৌম্বক ক্ষেত্ৰৰ জোখ তুলনা কৰা হৈছে, সেয়ে এই সংখ্যাসমূহক পোনপটীয়াকৈ সমতুল্যৰূপে চোৱা উচিত নহয়।
গৱেষকসকলে স্পষ্ট কৰিছে যে এই আৱিষ্কাৰ ভিনগ্ৰহৰ প্ৰাণ বা কোনো কৃত্রিম যোগাযোগ সংকেতৰ প্ৰমাণ নহয়। বৰঞ্চ দূৰৱৰ্তী গ্ৰহৰ চৌম্বক পৰিৱেশ বুজাৰ বাবে ই নতুন এক পদ্ধতিৰ দুৱাৰ মুকলি কৰি দিব পাৰে। ভৱিষ্যতে একেই প্রযুক্তি ব্যৱহাৰ কৰি আৰু গেছ জায়েন্ট এক্সে’প্লেনেটৰ চৌম্বক ক্ষেত্র পৰীক্ষা কৰি চাব বিচাৰে বিজ্ঞানীসকলে।
ইয়াৰ ফলত দূৰৱৰ্তী গ্ৰহৰ বায়ুমণ্ডল, নক্ষত্ৰৰ বিকিৰণৰ স’তে সিবোৰৰ মিথস্ক্রিয়া আৰু সম্ভাব্য বাসযোগ্য পৰিৱেশ সম্পৰ্কে আৰু অধিক তথ্য পোৱা যাব পাৰে।
