Kamrup Metro DC Pressmeet:খচৰা ভোটাৰ তালিকা সন্দৰ্ভত কামৰূপ মহানগৰ জিলা আয়ুক্তৰ সংবাদমেল

দৈনিক অগ্ৰদূত ডিজিটেল ডেস্ক:দেশৰ অন্যান্য ৰাজ্যৰ লগতে অসমতো চুড়ান্ত ভোটাৰ তালিকা প্ৰকাশ পাব ২০২৭ৰ ৪ জানুৱাৰীত ৷ কামৰূপ মহানগৰ জিলাৰ আয়ুক্ত স্বপ্নীল পালে বৃহস্পতিবাৰে আয়ুক্ত সভাকক্ষত আয়োজিত এক সংবাদমেলত খচৰা ভোটাৰ তালিকাত নাম অন্তৰ্ভুক্ত হোৱা জিলা খনৰ ভোটাৰৰ এক পৰিসংখ্যা দাঙি ধৰে ৷ সেই অনুসৰি মহানগৰ জিলাত নাম অন্তভুৰ্ক্ত হোৱা ভোটাৰৰ সংখ্যা ১০,৬১,৩৫২ গৰাকী৷ইয়াৰে ৫,১০,৩৭০জন পুৰুষ হোৱাৰ বিপৰীতে মহিলা ভোটাৰৰ সংখ্যা ৫,৫০,৯৫০ গৰাকী ৷ তৃতীয় লিংগৰ ভোটাৰৰ সংখ্যা ৩২ গৰাকী ৷ আনহাতে জিলা খনত মুঠ ভোটকেন্দ্র সংখ্যা ১,২১৮ টা I

ইপিনে জিলা খনৰ সমষ্টি ভিত্তিত ভোটাৰৰ পৰিসংখ্যা এনেধৰণৰ-দিছপুৰ বিধানসভা সমষ্টিত মুঠ ভোটাৰ সংখ্যা ২,৪৬,৩৬৭ জন৷ ইয়াৰে ১,১৮,৪৯৮জন পুৰুষ হোৱাৰ বিপৰীতে মহিলা ভোটাৰৰ সংখ্যা ১,২৭,৮৫৭গৰাকী৷ তৃতীয় লিংগৰ ভোটাৰ সংখ্যা ১২ গৰাকী৷ একেদৰে দিছপুৰ সমষ্টিত মুঠ ভোটকেন্দ্র হ’ল ২৭২ টা ৷

নিউ গুৱাহাটী সমষ্টিৰ মুঠ ভোটাৰৰ সংখ্যা ১,৯২,৭৭৫ জন৷ ইয়াৰে পুৰুষৰ সংখ্যা ১,০৬,৬২১ গৰাকী আৰু মহিলাৰ সংখ্যা ১,১৩,০০৮ গৰাক। তৃতীয় লিংগৰ ভোটাৰ হ’ল মাত্ৰ ৫ গৰাকী৷ সমষ্টিটোত মুঠ ভোট কেন্দ্রৰ সংখ্যা ২১৯টা।

আনহাতে মধ্য গুৱাহাটী বিধানসভা সমষ্টিত মুঠ ভোটাৰৰ সংখ্যা ১,৯৩,৪৪২ জন৷ইয়াৰে পুৰুষ হ’ল ৯৪,৭৮১ জন আৰু মহিলাৰ সংখ্যা ৯৮,৭৫৯ গৰাকী৷ তৃতীয় লিংগৰ ভোটাৰৰ সংখ্যা মাত্ৰ ২ গৰাকী৷ সমষ্টিটোত মুঠ ভোটকেন্দ্র হ’ল ২১৮ টা ৷

জালুকবাৰী বিধানসভা সমষ্টিত মুঠ ভোটাৰৰ সংখ্যা ২,১৯,৬৩৫ জন৷ ইয়াৰে পুৰুষ হ’ল ৯৮,৭৫২জন আৰু মহিলাৰ সংখ্যা ১,১০,৩৭৪ গৰাকী৷ তৃতীয় লিংগৰ ভোটাৰ হ’ল৭ গৰাকী।৷ সমষ্টিত মুঠ পুলিং ষ্টেচনৰ সংখ্যা ২৪৭ টা৷

আনপিনে ডিমৰীয়া বিধানসভা সমষ্টিত মুঠ ভোটাৰৰ সংখ্যা হ’ল ২,১৯,৬৩৫ গৰাকী৷ ইয়াৰ ভিতৰত পুৰুষ ১,০৬,৬২১জন আৰু মহিলা ১,১৩০০৮ গৰাকী৷ আনহাতে তৃতীয় লিংগৰ ভোটাৰৰ সংখ্যা মাত্ৰ ৬ গৰাকী। সমষ্টিটোত মুঠ পুলিং ষ্টেচন ২৬২ টা ৷