কভি’ড ভাইৰাছত আক্ৰান্ত মানেই মৃত্যু নহয় ৷শংকাৰ কাৰণ ইয়াৰ দ্বাৰা দ্ৰুতগতিত হোৱা সংক্ৰমণ ৷এই ভাইৰাছবিধৰ সংক্ৰমণৰ গতি ইমানেই দ্ৰুত যে প্ৰতিৰোধৰ ক্ষেত্ৰত সতৰ্কতা অৱলম্বন নকৰিলেই বিপদ ঘনীভূত হয় ।এইবিধ ভাইৰাছ নতুন বাবে ইয়াৰ পৰা উপশম লাভ কৰাৰ ক্ষেত্ৰত বৰ্তমানলৈকে কোনো ঔষডা° উপলদ্ধ হোৱা নাই ৷
সকলোবোৰ গৱেষণাৰ পৰ্যায়তে সীমাবদ্ধ হৈ আছে। তদুপৰি ইয়াৰ সংক্ৰমণৰ গতি সন্দৰ্ভতো নিশ্চিত তথ্য লাভ কৰাটো সম্ভৱ হোৱা নাই ৷অৱশ্যে এটা কথা ঠিক যে যদিও ভাইৰাছবিধ দ্ৰুতগতিত বিয়পি পৰে তথাপি আক্ৰান্তৰ মৃত্যুৰ হাৰ বেছি নহয়। পাঁচ ছয় শতাংশ ৰোগীৰ মৃত্যু হয় ৷সেইবাবে এটা কথা নিশ্চয়কৈ ক’ব পাৰি যে কৰ’নাত আক্ৰান্ত হ’লেই মৃত্যু হ’ব তেনে নহয়।
কেতিয়াবা এই ৰোগবিধ শৰীৰত প্ৰবেশ কৰিলেও ৰোগ প্ৰতিৰোধ ক্ষমতা বৃদ্ধি হোৱাৰ কাৰণে লক্ষণসমূহ ফুটি নুঠে ৷তদুপৰি কিছুমানৰ শৰীৰত ভাইৰাছ বিধে প্ৰৱেশ কৰাৰ ১৪ দিন পাছত ইয়াৰ শক্তি লাহে লাহে হ্ৰাস পাবলৈ ধৰে ৷যিসকলৰ ৰোগ প্ৰতিৰোধ ক্ষমতা কম তেওঁলোক কৰ’না ভাইৰাছত আক্ৰান্ত হোৱাৰ প্ৰৱণতা বেছি ৷যিসকল লোকে সঘনাই চাবোনেৰে হাত ধোৱাৰ লগতে প্ৰয়োজনত চেনিটাইজাৰ ব্যৱহাৰ কৰে,সামাজিক দূৰত্ব বজাই ৰাখে আৰু ঘৰৰ ভিতৰত সোমাই থাকে তেওঁলোকক কৰ’না ভাইৰাছে আক্ৰান্ত কৰিব নোৱাৰে বা আশংকা নাথাকে ।
এজন ব্যক্তিয়ে যদি কোনো লোকৰ পৰা এক মিটাৰ আঁতৰত থাকে ৷তেন্তে ভাইৰাছে আক্ৰমণ কৰিব নোৱাৰে। তদুপৰি মোবাইল ফোন ব্যৱহাৰ কৰোতেও সকলোৱে সাৱধানতা অৱলম্বন কৰিব লাগে ৷কৰ’না বুলিয়েই নহয়,আন ভাইৰাছো ম’বাইলৰ আইনত বহু সময়লৈ থাকিব পাৰে ।এইখিনিতে এটা কথা উল্লেখ কৰিব লাগিব যে কাৰোবাৰ শৰীৰত এই ৰোগৰ লক্ষণ ফুটিলেই তেওঁৰ মৃত্যু হ’ব তেনে নহয়,মাথো নিৰ্ভৰ কৰে ৰোগ প্ৰতিৰোধ ক্ষমতাৰ ওপৰত ৷সেইবাবেই ৰাইজ শংকিত নহৈ সতৰ্কতাৰে জীয়াই থকাৰ সংকল্প গ্ৰহণ কৰক ৷