হিন্দুসকল হৈছে সমগ্র বিশ্বৰ ভিতৰতে সবাতােকৈ সহনশীল। শিৱসেনাৰ মুখপত্র ‘সামনা’ত লিখা এক নিবন্ধত এইদৰে মন্তব্য কৰিলে বলিউডৰ জনপ্রিয় গীতিকাৰ-চিত্রনাট্যকাৰ জাভেদ আখতাৰে। মঙলবাৰে ‘সামনা’ত আখতাৰৰ এই লেখাটো প্রকাশ পায়। উল্লেখ্যযে কিছুদিন পূর্বে টেলিভিছনৰ এক সাক্ষাৎকাৰত আখতাৰে কৈছিল, “ঠিক যিদৰে তালিবানে এখনইছলামিক ৰাষ্ট্র বিচাৰে, ঠিক তেনেকৈ কিছুসংখ্যকে হিন্দু ৰাষ্ট্র বিচাৰে।
তালিবান বৰ্বৰ এইটো ঠিকেই। কিন্তু আৰ এছ এছ, ভি এইচ পি, বজৰং দলক যিসকলে সমর্থন কৰে তেওঁলােকো একে।’ আখতাৰৰ এই মন্তব্যক যােৱা ছয় ছেপ্টেম্বৰত শিৱসেনাই ‘সামনা’ৰ সম্পাদকীয়ত কঠোৰভাৱে সমালােচনা কৰি আৰ এছ এছক তালিবানৰ স’তে তুলনা কৰাটো অমর্যাদাকৰ বুলি অভিহিত কৰিছিল।
এই মন্তব্যৰ বাবে আখতাৰ যথেষ্ট সমালােচিত হৈছিল। অৱশেষত জনপ্রিয় গীতিকাৰজনে’সামনা’ত এক নিবন্ধ লিখি তেওঁৰ মন্তব্যৰ সন্দৰ্ভত স্পষ্টীকৰণ দিলে। এই প্ৰৱন্ধত আখতাৰে কয়,‘বহুতৰে সমালােচনা মই শুনিব লগা গৈছে। নিবন্ধৰ জৰিয়তে ইয়াৰ উত্তৰ দিব বিচাৰিছাে। মই সাক্ষাৎকাৰত কৈছিলাে যে সৰহসংখ্যক হিন্দু সমগ্র পৃথিৱীৰ ভিতৰতে সহনশীল। মই এই কথাও দোহাৰি আহিছাে যে ভাৰত কেতিয়াও আফগানিস্তানত পৰিণত নহয়। কাৰণ ভাৰতবাসী প্রকৃতিগতভাৱে মৌলবাদী নহয়। ভাৰতীয়ৰ ডি এন এত ভাৰসাম্যতা বৰ্তাই ৰখাৰ গুণ আছে।’