২৪ ঘণ্টা সময় দিছে উচ্চতম ন্যায়ালয়ে। এই সময়সীমাৰ ভিতৰত দিল্লী আৰু ইয়াৰ চুবুৰীয়া ৰাজ্যসমূহে কাৰখানা আৰু গাড়ী প্ৰদূষণৰ বিৰুদ্ধে ব্যৱস্থা ল’ব লাগিব। শীৰ্ষ আদালতত তিৰষ্কৃত হোৱাৰ চাৰিদিনৰ ভিতৰত বিদ্যালয় বন্ধ কৰিলে কেজৰিৱাল চৰকাৰে ।
দিল্লীৰ পৰিৱেশ মন্ত্ৰী গোপাল ৰায়ে জনাইছে, “বায়ু প্ৰদূষণ হ্ৰাস হোৱাৰ পূৰ্বানুমান পোৱাৰ পাছত আমি বিদ্যালয়খন আৰম্ভ কৰিছিলো। অৱশ্যে, প্ৰদূষণৰ মাত্ৰা বৃদ্ধি হোৱাৰ বাবে, পৰৱৰ্তী নিৰ্দেশ নোপোৱাৰ লৈকে বিদ্যালয়সমূহ বন্ধ কৰা হৈছে। ”
বৃহস্পতিবাৰে প্ৰদূষণ সংক্ৰান্ত এক গোচৰৰ শুনানিত দিল্লী চৰকাৰৰ কাৰ্যক তোলাধোনা কৰে উচ্চতম ন্যায়ালয়ে । মুখ্য ন্যায়াধীশ এন ভি ৰমনাই প্ৰদূষণ নিয়ন্ত্ৰণৰ বাবে কেজৰিৱাল চৰকাৰৰ পদক্ষেপৰ ওপৰত তীব্ৰ অসন্তুষ্টি প্ৰকাশ কৰিছিল। তেওঁ কয়, “মই ভাবো চৰকাৰে প্ৰদূষণ নিয়ন্ত্ৰণ ৰখাৰ বাবে একো কৰা নাই, কেৱল সময় অপচয় কৰিছে।” ”
বিদ্যালয়সমূহ মুকলি কৰাৰ বাবে কেজৰিৱাল চৰকাৰক ভাবুকি দি আদালতে কয়, “তিনিৰ পৰা চাৰি বছৰৰ শিশুৱে বিদ্যালয়লৈ গৈ আছে আৰু প্ৰাপ্তবয়স্কসকলে ঘৰত কাম কৰি আছে। তেওঁ লগতে কয়, “এইবাৰ আমি আপোনাৰ চৰকাৰ চলাবলৈ কাৰোবাক নিযুক্তি দিম। ”
১৩ নৱেম্বৰৰ পৰা বন্ধ থকাৰ পাছত সোমবাৰৰ পৰা দিল্লীৰ বিদ্যালয়, মহাবিদ্যালয় আৰু শিক্ষানুষ্ঠানসমূহ পুনৰ মুকলি কৰা হয়। অৱশ্যে, আদালতৰ দ্বাৰা ভাবুকি দিয়াৰ পাছত শিক্ষানুষ্ঠানসমূহ পুনৰ বন্ধ কৰি দিয়া হয়। ৰাজধানীৰ সকলো নিৰ্মাণৰ ক্ষেত্ৰতো নিষেধাজ্ঞা জাৰি কৰা হৈছে।