সপ্তম বেতন কমিছনৰ অধীনত (7th Pay Commission) কেন্দ্রীয় চৰকাৰী কর্মচাৰীসকলৰ ডিয়াৰন্স এল’ৱেন্স (ডিএ) বা ডিয়াৰেন্স ৰিলিফ (ডিআৰ) বাঢ়ি ৩৮ শতাংশ হ’ল । যিটো ২০২২ৰ জুলাইৰ পৰা কার্যকৰ হ’ব । অর্থাৎ কেন্দ্রীয় চৰকাৰী কর্মচাৰীসকল আৰু অৱসৰপ্রাপ্ত কর্মচাৰীসকলৰ ডিএ আৰু ডিআৰ চাৰি শতাংশ বৃদ্ধি কৰা হ’ল ।
বুধবাৰে প্রধানমন্ত্রী নৰেন্দ্র মোদীৰ পৌৰাহিত্যত কেন্দ্রীয় মন্ত্রীসভাৰ বৈঠক অনুষ্ঠিত হয় । ইয়াৰ পাছত যৌথ সাংবাদিক বৈঠকত কেন্দ্রীয় মন্ত্রী অশ্বিনী বৈষ্ণৱ আৰু অনুৰাগ সিং ঠাকুৰে জনায়, আজি কেন্দ্রীয় মন্ত্রীসভাৰ বৈঠকত ডিএ (DA) আৰু ডিআৰ (DR) চাৰি শতাংশ বৃদ্ধি কৰাৰ সিদ্ধান্ত লোৱা হৈছে । অর্থাৎ সপ্তম বেতন কমিছনৰ অধীনত কেন্দ্রীয় চৰকাৰী কর্মচাৰী আৰু অৱসৰপ্রাপ্ত কর্মচাৰীসকলে ৩৮ শতাংশ হাৰত ডিএ আৰু ডিআৰ লাভ কৰিব ।
চাৰি শতাংশ ডিএ আৰু ডিআৰ বৃদ্ধিৰ বাবে কেন্দ্রৰ কিমান টকা ব্যয় হ’ব ? কেন্দ্রীয় মন্ত্রী অনুৰাগে জনখিছে, চাৰি শতাংশ ডিএ আৰু ডিআৰ বৃদ্ধিৰ ফলত চলিত বিত্তবর্ষত (২০২২-২৩) কেন্দ্রৰ কোষাগাৰৰ পৰা ১২,৮৫২ কোটি টকা বাঢ়ি যাব । কিন্তু ডিএ আৰু ডিআৰ বৃদ্ধিৰ ফলত দেশৰ কেন্দ্রীয় চৰকাৰী কর্মচাৰী আৰু পেনছনভোগীসকল লাভৱান হ’ব ।
