Super 20:
গোৰ্খা উন্নয়ন পৰিষদ আৰু গোৰ্খা ছাত্ৰ সন্থাৰ সহযোগত চাণক্য আইএএছ একাডেমী, গুৱাহাটীয়ে ৯ মে’, ২০২৩ তাৰিখে চানক্য আইএএছ একাডেমীৰ গুৱাহাটীস্থিত কেন্দ্ৰত গোৰ্খা সম্প্ৰদায়ৰ ইউপিএছচি-এপিএছচি প্ৰাৰ্থীসকলৰ বাবে এক বৃহৎ পৰিসৰত সদৌ অসম বৃত্তি পৰীক্ষাৰ আয়োজন কৰে।উক্ত বৃত্তি পৰীক্ষাত ‘ছুপাৰ ২০’ কাৰ্যসূচীৰ বাবে নিৰ্বাচিত হ’ব বিচৰা ৬০০ তকৈও অধিক শিক্ষাৰ্থী্যে অংশগ্ৰহণ কৰে।
‘ছুপাৰ ২০’ কাৰ্যসূচী হৈছে গোৰ্খা উন্নয়ন পৰিষদৰ অধ্যক্ষ প্ৰেম তামাং আৰু চাণক্য আইএএছ একাডেমীৰ উত্তৰ-পূব ভাৰতৰ সঞ্চালিকা কুৰঙ্গ নয়নী চেতিয়াৰ এক সপোনৰ প্ৰকল্প য’ত গোৰ্খা সম্প্ৰদায়ৰ প্ৰাৰ্থীসকলকো সন্মানীয় অসামৰিক সেৱাৰ অংশীদাৰ কৰাৰ পৰিকল্পনা কৰা হৈছে।
এই উদ্দেশ্যে গোৰ্খা উন্নয়ন পৰিষদৰ অধ্যক্ষ প্ৰেম তামাঙে ৯ মে’ত ঘোষণা কৰা ‘ছুপাৰ ২০’ কাৰ্যসূচীৰ জৰিয়তে সদৌ অসম বৃত্তি পৰীক্ষাত অৱতীৰ্ণ হোৱা সমূহ প্ৰাৰ্থীৰ মাজৰ পৰা ২০ গৰাকী শিক্ষাৰ্থীক বাছনি কৰা হ’ব।
‘ছুপাৰ ২০’ক চানক্য আইএএছ একাডেমীৰ গুৱাহাটীস্থিত কেন্দ্ৰত প্ৰয়োজনীয় প্ৰশিক্ষণ আৰু নিৰ্দেশনা প্ৰদানৰ জৰিয়তে অসামৰিক সেৱাৰ পৰীক্ষাৰ বাবে সাজু কৰি তোলা হ’ব। প্ৰাৰ্থীসকলক চাণক্য আইএএছ একাডেমীৰ উন্নীত ফাউণ্ডেচন পাঠ্যক্ৰমত চাণক্য আইএএছ একাডেমীৰ উত্তৰ-পূব ভাৰতৰ সঞ্চালিকা কুৰঙ্গ নয়নী চেতিয়াৰ নিৰ্দেশনাত প্ৰশিক্ষণ প্ৰদান কৰা হ’ব।
শিক্ষাৰ্থীসকলক অফলাইন আৰু অনলাইন শ্ৰেণী, দিল্লীৰ বিশিষ্ট শিক্ষক,চাণক্য প্ৰকাশনৰ অধীনত নৱতম আৰু বিস্তৃত অধ্যয়ন সামগ্ৰী, প্ৰাৰম্ভিক আৰু মূল উভয়ৰ বাবে প্ৰশ্নাৱলী, অসামৰিক বিষয়াৰ সৈতে কথোপকথন আৰু সপ্তাহত ৭ দিন পুথিভঁৰালৰ সুবিধা প্ৰদান কৰা হ’ব।
চাণক্য আইএএছ একাডেমীৰ উত্তৰ-পূব ভাৰতৰ সঞ্চালিকা কুৰঙ্গ নয়নী চেতিয়াই কয় যে চাণক্য আইএএছ একাডেমীয়ে শিক্ষাৰ্থীসকলক প্ৰস্তুতিৰ বাবে ৩৬০ ডিগ্ৰী পদ্ধতি প্ৰদান কৰাত বিশ্বাস কৰে। প্ৰস্তুতিৰ স্থিৰ আৰু সাম্প্ৰতিক দিশটোক সমান গুৰুত্ব দিয়া হয়, যাতে শিক্ষাৰ্থীসকলে ভৱিষ্যতৰ অসামৰিক কৰ্মচাৰীৰ দৰে চিন্তা, অনুভৱ আৰু কাম কৰিবলৈ অনুপ্ৰাণিত হয়।