Bill Gates Company Oxytech is Busy Making Mosquitoes:
গৱেষণাগাৰত জন্ম দিয়া হৈছে বৃহৎ বৃহৎ আকাৰৰ মহ। বিশ্বখ্যাত প্রযুক্তিবিদ বিল গেটছৰ গৱেষণা প্রতিষ্ঠান অক্সিটেক এতিয়া ব্যস্ত মহ তৈয়াৰ কৰাত। কিন্তু কি কাৰণত প্ৰতিষ্ঠানটোৱে মহ তৈয়াৰ কৰিছে।জানিলে আপুনি আচৰিত হ’ব। গাড়ী, ঘৰ বা কোনো যন্ত্রপাতি নিৰ্মাণ নহয়, গেটছৰ অক্সিটোক ব্যস্ত বৃহদাকাৰৰ মহ তৈয়াৰ কৰাত।
কিন্তু এই বৃহৎ আকাৰৰ মহবোৰ হৈছে ভাল মহ। ‘ইউপাৰ মছকিউটো আচলতে আন এবিধ মহ যিকোনো ৰোগ সংক্ৰমিত নকৰে। অর্থাৎ ই আন মহৰ দৰে মানৱ স্বাস্থ্যৰ বাবে ক্ষতিকাৰক নহয়। ‘ছুপাৰ মছকিউটো হৈছে এবিধ ভাল মহ। কিন্তু মানৱৰ কি কামত আহিব এই ভাল মহ ?
অগ্নিটেকে প্ৰকাশ কৰা অনুসৰি, প্ৰতি বছৰে বিশ্বত মহজনিত নানা ৰোগত আক্ৰান্ত হৈ কমেও ছয় লাখ মানুহৰ মৃত্যু হৈ আহিছে। মহবাহিত এইসমূহ ৰোগত ভিতৰত আছে ডেংগী, মেলেৰিয়া, চিকুলগুন্যাৰ দৰে ভয়ংকৰ ৰোগসমূহ। গেটছৰ গৱেষণা প্ৰতিষ্ঠান অক্সিটেকে জনোৱা অনুসৰি, এইবোৰ ৰোগ বিশ্বৰ পৰা নিৰ্মূল কৰিবলৈকে তেওঁলোকে গৱেষণাগাৰত তৈয়াৰ কৰিছে বৃহৎ বৃহৎ আকাৰৰ ভাল মহ।
এই মহে ৰোগ সৃষ্টি নকৰে, বৰঞ্চ নানা মহবাহিত ৰোগৰ পৰা মানুহক সুৰক্ষা প্ৰদান কৰিব। ব্ৰিটেইনত থকা গেটছৰ গৱেষণাধর্মী সংস্থা অক্সিটেকৰ মতে, ইঞ্জিনীয়াৰিং পদ্ধতিৰে তৈয়াৰ কৰা এইসমূহ প্রকাণ্ড মহৰ ভিতৰত আছে এক বিশেষ ধৰণৰ জিন। এই জিনে আন মহৰ অৰ্থাৎ মানৱৰ বাবে ক্ষতিকাৰক ৰোগসমূহ।মহৰ প্ৰজনন প্ৰতিৰোধ কৰিব পাৰে ।
গৱেষক প্ৰতিষ্ঠান অক্সিটেকে জনোৱা অনুসৰি, তেওঁলোকে গৱেষণাগাৰত তৈয়াৰ কৰা বৃহৎ বৃহৎ আকাৰৰ মহবোৰ হৈছে মতা বা পুৰুষ মহ। স্ত্রী মহৰ স’তে বৃহৎ আকাৰৰ এই মতা মহৰ মিলন হ’লে স্ত্ৰী মহৰ মৃত্যু হ’ব । ইয়াৰ ফলত নতুনকৈ মহৰ জন্ম হ্ৰাস পাব। অর্থাৎ মহৰ জন্ম নিয়ন্ত্ৰণ সম্ভৱ হ’ব।
মহৰ জন্ম নিয়ন্ত্ৰণ হ’লে মহৰ সংখ্যা সীমিত হ’ব আৰু ফলত মহবাহিত ৰোগৰ প্রকোপো হ্রাস পাব। অক্সিটেকে তৈয়াৰ কৰা এই প্ৰকাণ্ড আকাৰৰ মহ কোনো ব্যক্তি বা প্রতিষ্ঠানে বিচাৰিলে ক্ৰয় কৰিব পাৰিব।
মহ সমূহ কিনি নিজৰ অঞ্চলত বা ঘৰৰ আশে-পাশে এৰি দিলে উক্ত স্থানত মহৰ প্ৰজনন হ্ৰাস পাব আৰু ইয়াৰ জৰিয়তে সহজে নিয়ন্ত্ৰণ কৰিব পাৰিব মহৰ দ্বাৰা সৃষ্টি হোৱা ডেংগ, চিকুলগুন্যা, ‘মেলেৰিয়াসহ নানা ভয়াবহ ম’হক ৷