Ceasefire violation:পুঞ্চ সীমান্তত পুনৰ যুদ্ধবিৰতি চুক্তি উলংঘন পাকিস্তানৰ , সেনাৰ তীব্ৰ প্ৰতিক্ৰিয়া
পুনৰ কোনো প্ৰৰোচনা নোহোৱাকৈ পাকিস্তানে সীমান্তত থকা সেনা শিবিৰত নিৰ্বিচাৰে গুলীচালনা কৰে। দেওবাৰে জম্মু-কাশ্মীৰৰ পুঞ্চ সীমান্তত পাকিস্তান সেনাই এই আক্ৰমণ আৰম্ভ কৰে। অৱশ্যে এই আক্ৰমণত কোনো লোক হতাহতিৰ খবৰ পোৱা নাই। ভাৰতীয় সেনাইও চুবুৰীয়া দেশৰ এনে উচটনিত তীব্ৰ প্ৰতিক্ৰিয়া প্ৰকাশ কৰিছে।
যোৱা কিছুদিনৰ পৰা, পাকিস্তানৰ বিৰুদ্ধে জম্মু-কাশ্মীৰৰ কেবাটাও অঞ্চলত যুদ্ধবিৰতি উলংঘা কৰাৰ অভিযোগ উত্থাপিত হৈছে।
দেওবাৰে পুৱা প্ৰায় ১১.৩০ বজাত, পাকিস্তানী সৈন্যই পুঞ্চৰ গুলপুৰ চেক্টৰত একেধৰণৰ গুলীচালনা কৰে। অধিকৃত কাশ্মীৰৰ ৰাৱালাকোটৰ নক্কাৰকোট দলঙৰ পৰা বনাঞ্চলেৰে আৱৰি থকা ভাৰতীয় সেনাৰ শিবিৰত কমেও ১৮ ৰাউণ্ড গুলী চালনা কৰা হৈছে বুলি এজন সেনা বিষয়াই জনাই।
অৱশ্যে, ভাৰতীয় সৈন্যসকলে প্ৰতিশোধ ল’বলৈ কুণ্ঠাবোধ কৰা নাই। প্ৰতিশোধ স্বৰূপে কমেও ৬০ ৰাউণ্ড গুলী চালনা কৰা হয়। এনকাউণ্টাৰটোত কোনো লোক হতাহত হোৱাৰ খবৰ পোৱা হোৱা নাই।
পাকিস্তান সেনাৰ এনে আক্ৰমণৰ সন্দৰ্ভত সেনা বিষয়াসকলে দাবী কৰে যে পাকিস্তানী সন্ত্ৰাসবাদীয়ে দীৰ্ঘদিন ধৰি অঞ্চলটোৰ মাজেৰে অনুপ্ৰৱেশ কৰিবলৈ চেষ্টা কৰি আহিছে।
পাকিস্তানৰ বিএটি সেনাই উপত্যকাটোক বিচলিত কৰিবলৈ তেওঁলোকৰ কাৰ্যকলাপক সমৰ্থন কৰি আছে। ইয়াৰ পূৰ্বে, উগ্ৰপন্থীসকলে অঞ্চলটোত অনুপ্ৰৱেশ কৰিবলৈ চেষ্টা কৰিছিল, প্ৰতিশোধমূলক গুলীচালনাত কেবাজনো উগ্ৰপন্থী নিহত হয়।
আনহাতে, পাকিস্তানে যোৱা সপ্তাহত নিয়ন্ত্ৰণ ৰেখাত আক্ৰমণ কৰিছে। আইইডি বিস্ফোৰণত এজন সেনা বিষয়াসহ দুজন লোক নিহত হয়। আন দুজন সৈনিক আহত হয়। সেই আক্ৰমণৰ প্ৰতিক্ৰিয়াস্বৰূপে পাকিস্তানক শক্তিশালী প্ৰত্যুত্তৰ দিবলৈ সেনাই কুণ্ঠাবোধ কৰা নাই। উল্লেখ্য যে প্ৰতিশোধ স্বৰূপে,কেবাজনো পাকিস্তানী সৈন্য নিহত হোৱাৰ দাবী কৰে ভাৰতে।
