British Airways: ইৰাণৰ ওপৰত আমেৰিকাৰ আক্ৰমণৰ পাছৰে পৰা বন্ধ কৰোঁ দিয়া হৈছে ইৰাণৰ আকাশমাৰ্গ। লগতে বন্ধ হৈ আছে ইজৰাইলৰ আকাশমাৰ্গ। যাৰ বাবে চেন্নাইৰ পৰা যাত্ৰা আৰম্ভ কৰিও পুনৰ উভতিবলগীয়া হ’ল লণ্ডন অভিমুখী ব্ৰিটিছ এয়াৰৱেজৰ এখন বিমান।
তথ্য অনুসৰি,দেওবাৰে পুৱা পাঁচ বাজি ৩৫ মিনিটত বিমানখন যাত্ৰা কৰাৰ কথা আছিল। কিন্তু ৪০ মিনিট পলমকৈ ছয়টা ২৪ মিনিটত চেন্নাইৰ পৰা লণ্ডন অভিমুখে ৰাওনা হয় ২০৬ জন যাত্ৰী।
আৰব সাগৰ অঞ্চলত উপস্থিত হোৱাৰ লগে লগে পাইলটজনক জনোৱা হয় যে ইৰাণৰ আকাশমাৰ্গ বন্ধ হৈ আছে।
ইয়াৰ পাছতে পাইলটে চেন্নাই বিমানবন্দৰৰ বিমান পৰিবহণ নিয়ন্ত্ৰণৰ স’তে যোগাযোগ কৰে। অনুমতি পোৱাৰ লগে লগে বিমানখনে ‘ইউ-টাৰ্ণ’ কৰি উভতি অহাৰ সিদ্ধান্ত লয়। পুৱা আঠ বাজি ৫০মিনিটত বিমানখনে চেন্নাই বিমানবন্দৰত অৱতৰণ কৰে ।
প্ৰসংগক্ৰমে দেওবাৰে পুৱা আমেৰিকাৰ সেনাই ইৰাণৰ ফৰ্ড’, নাটানজ আৰু ইছফাহানত অৱস্থিত তিনিটা পাৰমাণৱিক কেন্দ্ৰত আক্ৰমণ চলায়। ইৰাণেও এই আক্ৰমণৰ কথা স্বীকাৰ কৰিছে।
ইয়াৰ পাছত ইয়াৰ আকাশমাৰ্গ বন্ধ হৈ পৰে। ইয়াৰ লগতে ইজৰাইলেও নিজৰ আকাশমাৰ্গ বন্ধ কৰাৰ সিদ্ধান্ত লৈছে।ইয়াৰ লগতে ইজৰাইলেও নিজৰ আকাশমাৰ্গ বন্ধ কৰাৰ সিদ্ধান্ত লৈছে।
উল্লেখ্য যে, ইয়াৰ বাবেই মধ্যপ্ৰাচ্যলৈ যোৱা কেবাখনো বিমানে সমস্যাৰ সন্মুখীন হৈছে।