Shubhanshu Shukla: ✒️মহাকাশৰ পৰা বিদায়! পৃথিৱীলৈ ৰাওনা হয় সুভাংশু শুক্লাকে ধৰি চাৰিজন মহাকাশচাৰীয়ে । সোমবাৰে বিয়লি চাৰি বাজি ৪৫ মিনিটত ‘আনডকিং’ প্ৰক্ৰিয়া আৰম্ভ হয়।
সম্পূৰ্ণ স্বয়ংক্ৰিয়ভাৱে পৃথিৱীলৈ আহিব ড্ৰেগন মহাকাশযানখন। উৰণৰ কম্পিউটাৰে নিজেই সমগ্ৰ উভতি অহা যাত্ৰা পৰিচালনা কৰিব। এই মহাকাশযানখনৰ গতিবেগ প্ৰায় ২৬,৫০০ কিলোমিটাৰ প্ৰতি ঘণ্টাত।
কেপচুলটো কেলিফৰ্ণিয়াৰ উপকূলৰ প্ৰশান্ত মহাসাগৰত অৱতৰণ কৰিব। এই অৱতৰণ সকলোৱে চাব পাৰিব। নাছাই এই অৱতৰণ প্ৰক্ৰিয়া লাইভ সম্প্ৰচাৰ কৰিব।
উল্লেখ্য যে, কিছু মাহ পূৰ্বে ভাৰতীয় মূলৰ মহাকাশচাৰী সুনীতা উইলিয়ামছেও অৱতৰণ প্ৰক্ৰিয়াটো লাইভ চোৱাৰ সুযোগ পাইছিল।
মঙলবাৰে ভাৰতীয় সময় অনুসৰি দুপৰীয়া ২:৪০ বজাত (আনডকিঙৰ ২২ ঘণ্টাৰ পাছত) সুভাংশুয়ে পুনৰ পৃথিৱীৰ বায়ুমণ্ডলত প্ৰৱেশ কৰিব। এই সময়ত মহাকাশযানখনে ঘণ্টাত ২৭ হেজাৰ কিলোমিটাৰ বেগেৰে যাত্ৰা কৰিব বুলি নাছাই প্ৰকাশ কৰিছে।
বায়ুমণ্ডলৰ লগত ঘৰ্ষণৰ বাবে কেপচুলটোৱে ১৯০০ ডিগ্ৰী চেলছিয়াছ পৰ্যন্ত উষ্ণতা পোৱাৰ সম্ভাৱনা আছে। কেপচুলটো হিট শ্বিল্ডৰ দ্বাৰা সুৰক্ষিত কৰা হ’ব।
বায়ুমণ্ডলৰ ফলত হোৱা ঘৰ্ষণৰ ফলত মহাকাশযানখনত প্লাজমা জমা হোৱাৰ বাবেও চমুকৈ যোগাযোগৰ বিকলতা সম্ভৱপৰ।
উল্লেখ্য যে,এই অভিযানৰ আনুমানিক ব্যয় ৫০০ কোটি টকা। এই অভিযানৰ সফলতা নিশ্চিত কৰাৰ লগতে প্ৰয়োজনীয় কাৰিকৰী দিশ, লজিষ্টিক সমন্বয় আৰু নিৰাপত্তাৰ ব্যৱস্থা বুজিবলৈ অতি গুৰুত্বপূৰ্ণ।
মহাকাশত বাস কৰা আৰু কাম কৰাৰ জটিলতা বুজিবলৈ প্ৰথম পদক্ষেপ হিচাপে AX-4 অভিযানে ভাৰতৰ ভৱিষ্যত মহাকাশ অন্বেষণত যথেষ্ট সহায় কৰিব।
