Chirang BPF candidate Paniram Brahma:
বিটিচিৰ ২২ টা পৰিষদীয় সমষ্টিৰ প্ৰাৰ্থীৰ নাম ঘোষণাৰ পিছতেই উৎফুল্লিত চিৰাঙৰ বিপিএফৰ কৰ্মী I চিৰাং জিলাৰ সদৰ কাজলগাঁৱত ১৫ নং কাজলগাঁও পৰিষদীয় সমষ্টিৰ বিপিএফৰ বৰ্তমানৰ পাৰিষদ পানীৰাম ব্ৰহ্মৰ পুনৰ নাম প্ৰাৰ্থী হিচাবে বিপিএফ প্ৰধান হাগ্ৰামা মহিলাৰীয়ে ঘোষণা কৰাৰ পিছতে কাজলগাঁৱত পানীৰাম ব্ৰহ্মক বিপিএফৰ বিভিন্ন গোটে শুভেচ্ছা জনোৱাৰ লগতে আদৰণি জনোৱা পৰিলক্ষিত হৈছে। ব্যাপক উৎসাহ উদ্দিপনা দেখিবলৈ পোৱা গৈছে বিপিএফ কৰ্মী সকলৰ মাজত।
বিটিচিৰ প্ৰাক্তন অধ্যক্ষ তথা পাৰিষদ পানীৰাম ব্ৰহ্মই পূণৰ প্ৰাৰ্থিত্ব লাভৰ পিচত সংবাদ মাধ্যমৰ আগত কয় যে এইবাৰ কাজলগাঁও পৰিষদীয় সমষ্টিত মোৰ বিজয় নিশ্চিত কাৰণ সকলো জনগোষ্ঠীৰ লোকসকলে দৈনিক আমাৰ দলত যোগদান কৰি আছে লগতে মোৰ লগত সম্পৰ্ক ভাল আছে সকলো জাতি-জনগোষ্ঠীৰ লোকৰ সৈতে।
ইউপিপিএল আৰু বিজেপিয়ে সকলো শক্তি প্ৰয়োগ কৰিলেও মোক পৰাজয় কৰিব নোৱাৰে। কাৰণ যোৱা ৫ টা বছৰ। ইউপিপিএলে প্ৰতিশ্ৰুতি দিয়া ধৰণে কোনো কাম কৰা পৰিলক্ষিত হোৱা নাই বাবে নিজৰ দলীয় কৰ্মকৰ্তা সকলে দল এৰি বিপিএফত যোগদান কৰি আছে ।
পানীৰাম ব্ৰহ্মৰ নাম প্ৰাৰ্থীৰ হিচাবে ঘোষনা কৰাৰ পিছতে উৎফুল্লিত হৈ পৰিছে চিৰাং জিলাৰ সদৰ কাজলগাঁও ব্লক বিপিএফৰ কৰ্মী সকলে। কাজলগাঁওস্থিত দলীয় জিলা কাৰ্যালয়ত বিপিএফ কৰ্ম কৰ্তা সকলৰ ব্যাপক উৎসাহ পৰিলক্ষিত হয় । প্ৰাৰ্থীক লৈ এক আনন্দমুখৰ পৰিৱেশৰ সূচনা হয় কাজলগাঁওত।
ইপিনে শাসকীয় বিজেপি-ইউপিপিএৰ দলে এতিয়াও প্ৰাৰ্থী তালিকা প্ৰকাশ নকৰা লৈয়ো নিজৰ প্ৰতিক্ৰীয়া প্ৰকাশ কৰে বিপিএফ প্ৰাৰ্থী পানীৰাম ব্ৰহ্মই। তেঁও কয় বহু প্ৰাৰ্থীত্ব প্ৰত্যাশীৰ মাজৰ পৰা বাছনি কৰিব পৰা নাই প্ৰাৰ্থী। এইখিনিতে উল্লেখ্য যে বিপিএফ প্ৰাৰ্থী পানীৰাম ব্ৰহ্ম বিগত সময়ত তিনিবাৰকৈ পাৰিষদ নিৰ্বাচিত হোৱাৰ লগতে এবাৰ বিটিচিৰ অধ্যক্ষৰ আসনো কলংকৃত কৰিবলৈ সক্ষম হৈছিল ।
এইটো কাজলগাঁও পৰিষদীয় সমষ্টিতে ইউপিপিএল দলৰ দুজনকৈ সাংসদ ক্ৰমে ৰাজ্যসভাৰ সাংসদ ৰণগৌৰা নাৰ্জাৰী পানীৰাম ব্ৰহ্মৰ সৈতে পৰাজিত হৈ ৰাজ্যসভালৈ নিৰ্বাচিত হৈছিল আৰু কোকৰাঝাৰ লোক সভাৰ সাংসদ জয়ন্ত কুমাৰ বসুমতাৰীয়ো কাজলগাঁও পৰিষদীয় সমষ্ঠিৰ ভোটাৰ । প্ৰাক্তন মন্ত্ৰী চন্দন ব্ৰহ্ম এই সমষ্টিৰ পৰাই প্ৰথমবাৰ বিটিচিৰ উপ -মুখ্য কাৰ্যবাহী সদস্য হৈছিল । যাৰ বাবেই হাইপ্ৰফাইল পৰিষদীয় সমষ্টি হিচাবে চিহ্নিত হৈছে কাজলগাঁও পৰিষদীয় সমষ্টি ।