BTC Poll Results 2025: বিটিচিত কিং মেকাৰ হোৱাৰ দিশে বিজেপি !

শেহতীয়াকৈ লাভ কৰা তথ্য অনুসৰি ৪০ খন আসনৰ ভিতৰত মেজিক নম্বৰ ২১ কোনো এটা দলেই স্পৰ্শ কৰিব পৰা নাই ৷ ফলাফল অনুসৰি বিপিএফ ১৮,বিজেপি ১১ আৰু ইউপিপিএল ১১ খন আসনত লাভ কৰিছে অগ্ৰগতি ৷

ইউপিপিএলৰ মুৰব্বী প্ৰমোদ বড়ো দুটা সমষ্টিৰ এটাত আগবাঢ়ি থকাৰ বিপৰীতে আনটো সমষ্টিত পিছ পৰি আছে ৷ আনহাতে বিপিএফৰ মুৰব্বী হাগ্ৰামা মহিলাৰীয়ে দেৱৰগাঁও আৰু চিৰাং দুৱাৰ দুটা সমষ্টিতে তেওঁৰ এসময়ৰ সতীৰ্থ তথা ইউপিপিএল প্ৰাৰ্থী খাম্পা বৰগয়াৰী আগবাঢ়ি আছে। নিৰ্বাচন ফলাফলৰ ৰেহৰূপ দেখি এটা কথা স্পষ্ট হৈছে যে কোনো এটা দলেই সংখ্যাগৰিষ্ঠতা লাভ নকৰাৰ ফলত কিংমেকাৰ হোৱাৰ দিশে অগ্ৰসৰ বিজেপি ৷ অৰ্থাৎ চৰকাৰ গঠন কৰিবলৈ হ’লে বিপিএফ কিম্বা ইউপিপিএলে সহায় ল’ব লাগিব বিজেপিৰ ৷ বিজেপিৰ সমৰ্থনতহে বিটিচিৰ মনচদত বহিব পাৰিব বিপিএফ কিম্বা ইউপিপিএল ৷

তাৎপৰ্যপূৰ্ণভাৱে যে প্ৰদেশ কংগ্ৰেছৰ সভাপতি হিচাপে গৌৰৱ গগৈয়ে দায়িত্ব লোৱাৰ পিছত প্ৰথমটো নিৰ্বাচনৰ সন্মুখীন হৈ শূন্যতে সন্তষ্ট থাকিবলগীয়া হয় কংগ্ৰেছ। বিটিচিত একপ্ৰকাৰ বিধ্বস্ত কংগ্ৰেছ। কোনো এটা সমষ্টিতে অগ্ৰগতি লাভ কৰিবলৈ সক্ষম নহ’ল কংগ্ৰেছ ৷

উল্লেখ্য যে,কোকৰাঝাৰ, চিৰাং, ওদালগুৰি, বাকসা আৰু তামুলপুৰত অনুষ্ঠিত বিটিচি পৰিষদীয় নিৰ্বাচনত মুঠ ৩১৬ গৰাকী প্ৰাৰ্থীয়ে প্ৰতিদ্বন্দ্বিতা কৰিছিল। বিগত ২০২০ ৰ পৰিষদীয় নিৰ্বাচনত ইউ পি পি এল-বিজেপিয়ে যৌথভাৱে নিৰ্বাচনী যুঁজত অৱতীৰ্ণ হৈ বিপিএফৰ পৰা ক্ষমতা দখল কৰাৰ বিপৰীতে ২০০৩ চনত বিটিচি গঠনৰ পিছৰে পৰা ক্ষমতাত থকা হাগ্ৰামা মহিলাৰী নেতৃত্বাধীন দলটোৱে ১৮খন আসনেৰে একক বৃহত্তম দল হিচাপে আত্মপ্ৰকাশ কৰাৰ পিছতো বিৰোধী দলত বহিবলগীয়া হৈছিল ৷