UNESCO:✒️ইটালীৰ বন্ধনশৈলীয়ে ইউনেস্ক’ৰ পৰা দুর্লভসাংস্কৃতিক ঐতিহ্যৰ স্বীকৃতি অর্জন কৰিলে। উল্লেখ্য যে বিশ্বত প্ৰথমবাৰৰ বাবে এখন দেশক এই সম্মান প্রদান কৰা হৈছে। নতুন দিল্লীত অনুষ্ঠিত হৈ থকা ইউনেস্ক’ৰ এক গুরুত্বপূর্ণ সভাই কালি ভাৰতৰ দীপাৱলী উৎসৱক মানৱ জাতিৰ দুর্লভ সাংস্কৃতিক ঐতিহ্যৰ স্বীকৃতি প্রদান কৰে।
ইয়াৰ পাছতে ইটালীৰ বন্ধন প্ৰকৰণ শৈলীলৈ সংস্থাটোৱে এই স্বীকৃতি আগবঢ়াইছে ইয়ে বিশ্বৰ প্রেক্ষাপটত দেশখনৰ সম্মান বৃদ্ধিৰ লগতে আন্তর্জাতিক পর্যটকক অধিক আকৰ্ষণ কৰিব বুলি আশা কৰা হৈছে। ইউনেস্ক’ব এই স্বীকৃতিক লৈ উৎফুল্লিত হৈছে ইটালীৰ প্রধানমন্ত্রী জিঅ’র্জিয়া মেল’নিও।
সামাজিক মাধ্যমত এটা প’ষ্টত প্রধানমন্ত্রীগৰাকীয়ে কয়, ‘বিশ্বত প্ৰথমবাৰৰ বাবে আমি এই স্বীকৃতি লাভ কৰিছো। আমি কোন আৰু আমাৰ পৰিচয় কি তাক এই স্বীকৃতিয়ে সম্মান জনাইছে। আমি ইটালিয়ানসকলৰ বাবে ৰন্ধনশৈলী কেৱল খাদ্য বা বিভিন্ন ৰেচিপিয়ে নহয়, ইয়ে সংস্কৃতি, পৰম্পৰা, কাম আৰু সম্পদক সূচায়।’
এই স্বীকৃতি প্রদানৰ সময়ত ইউনেস্ক’ৱে মতপোষণ কৰে যে ইটালীৰ বন্ধনশৈলী হৈছে বন্ধন প্ৰকৰণৰ পৰম্পৰাৰ এক সাংস্কৃতিক আৰু সামাজিক বান্ধোন। একেদৰে ইটালীৰ চৰকাৰে দেশখনৰ বন্ধন প্রকৰণৰ পৰম্পৰাক এক সামাজিক আচাৰৰূপে অভিহিত কৰি আহিছে। দেশখনৰ চৰকাৰৰ মতে তেওঁলোকৰ বন্ধন প্ৰকৰণৰ শৈলীয়ে পৰিয়ালসমূহ আৰু জন সমষ্টিক বান্ধি ৰাখিছে।
আনহাতে, ইউনেস্ক’ৱে উল্লেখ কৰিছে যে বন্ধন কার্য হৈছে প্রেম প্রকাশৰ এক ভংগিমা। ইটালীৰ লোকসকলে সদায় খাদ্যৰ ক্ষেত্ৰত গুৰুত্ব আৰোপ কৰে। সপ্তাহটোৰ প্ৰতি দেওবাৰে দুপৰীয়াৰ আহাৰ শিশুৰ পৰা আৰম্ভ কৰি জ্যেষ্ঠজনলৈ সপৰিয়ালে একেলগে গ্ৰহণৰ অলিখিত নিয়ম দেশখনত আছে। ইয়াৰ দ্বাৰা পাৰিবাৰিক বান্ধোনো সৱল হয়।
কাৰণ পৰিয়ালৰ সকলোৱে হাঁহি-ধেমালিৰে দিনৰ আহাৰ গ্ৰহণ কৰে। এই সম্পৰ্কত ৰোমৰ লা ছেপিয়েঞ্জা বিশ্ববিদ্যালয়ৰ অধ্যাপক তথা ইটালীৰ ইউনেস্ক’ অভিযানৰ সহযোগী পিয়েৰ লুইগিয়ে কয়, ‘খাদ্য ৰন্ধাটো হৈছে প্ৰেমৰ ইচাৰা। ইয়াৰ দ্বাৰা আমি কেনেকৈ মৰমৰ আদান-প্রদান কৰো আৰু আনৰ তত্ত্বাৱধান লওঁ সেয়া প্রতিফলিত হয়।’
ৰন্ধা-বঢ়াৰ জৰিয়তে এজনে নিজৰ আৰু আনৰ যতন লোৱাটোও সূচায়। উল্লেখ্য যে ইটালীৰ ৰাষ্ট্ৰীয় জিডিপিৰ ১৫ শতাংশই আহিছে কৃষিজাত খাদ্য যোগান শৃংখলৰ পৰা। গতিকে ইউনেস্ক’ৰ এই স্বীকৃতিয়ে দেশখনৰ কৃষি খণ্ডকো অধিক উজ্জীৱিত কৰাৰ সম্ভাৱনা প্ৰৱল হৈছে। একেদৰে দেশখনত যুগ যুগ ধৰি চলি অহা পৰিয়ালভিত্তিক ৰেস্তোৰাঁসমূহেও অধিক প্রাণ পাব বুলি আশা কৰা হৈছে। শেহতীয়াভাৱে এনে ৰেস্তোৰাঁসমূহ আর্থিক ক্ষেত্রত প্রত্যাহ্বানৰ সন্মুখীন হৈছে। বজাৰত বিৰাজ কৰা আর্থিক জটিলতাই এই ৰেস্তোৰাঁসমূহক প্রত্যাহ্বানৰ সন্মুখনলৈ ঠেলি দিছে। অথচ এনে ৰেস্তোৰাঁসমূহে হৈছে ইটালীৰ ৰন্ধন খাদ্য ব্যৱসায়ৰ ৰাজহাড় স্বৰূপ।
উল্লেখ্য যে ইয়াৰ পূৰ্বে ২০১০৩ ইউনেস্ক’ৱে ফ্ৰান্সৰ খাদ্যক ঐতিহ্যৰ তালিকাত অন্তর্ভুক্ত কৰে। একেদৰে এনে স্বীকৃতি স্পেইনৰ আষ্টুৰিয়ান অঞ্চল, ছেনেগালৰ কীবু জেন ডিছ, ব্রাজিলৰ পৰম্পৰাগত খাদ্যয়ো লাভ কৰিছে।