বাংলাদেশৰ ক্রিকেটাৰ মুস্তাফিজুৰ ৰহমানক আইপিএল খেলাত বাধা আৰোপ কৰাৰ পাছতে দুয়োখন দেশৰ ক্রিকেটীয় সম্পর্কও জটিল হৈ পৰিছে বিচিচিআইৰ নির্দেশত কলকাতা নাইট ৰাইডার্ছে এই সিদ্ধান্ত গ্রহণ কথাৰ পাছতে দেওবাৰে বাংলাদেশেও ভাৰতলৈ আহি আগন্তুক টি-২০ বিশ্বকাপৰ নেখেলাৰ সিদ্ধান্ত লয়।
এই সন্দর্ভত বাংলাদেশে ক্রিকেট ব’র্ডে কালি সন্ধিয়া বিশ্ব ক্রিকেটৰ অভিভাৰক সংস্থা আইচিচিলৈ এক পত্র প্রেৰণ কৰে এই পত্রত টি-২০ বিশ্বকাপৰ বাংলাদেশৰ খেলসমূহ আন এক আয়োজক দেশ শ্রীলংকালৈ স্থানান্তৰ কৰাৰ আহ্বান জনাইছে।
বিশ্বৰ নির্ধাৰিত সুচী অনুসনি, বাংলাদেশে লীগ পৰ্বৰ চাৰিওখন মেচ ভাৰতে খেলৰ কথা আছিল। আইচিচিৰ এক সূত্রই জনোৱা মতে, বাংলাদেশৰ দাবী মানি দেশখনৰ মেচসমূহ শ্রীলংকাৰ এখন স্টেডিয়ামত আয়োজনৰ ব্যৱস্থা কৰা হ’ব পাৰে।
অৱশ্যে দেওবাৰে আইচিচিৰ তৰফৰ পৰা কোনো আনুষ্ঠানিক সিদ্ধান্ত জনোৱা নাই বাংলাদেশ ক্রিকেট ব’র্ডে এক বিবৃতিত জনায় যে ব’র্ডে দেশখনৰ অন্তর্বর্তীকালীন চৰকাৰৰ নির্দেশ অনুসৰি এক বৈঠকত মিলিত হয় আৰু বিশ্বকাপৰ মেচ খেলিবলৈ ভাৰতলৈ নহাৰ সিদ্ধান্ত গ্রহণ কৰে।
অইচিচিলৈ প্রেৰণ কৰা পত্রত বিচিবিয়ে জনাইছে যে ভাৰতত খেলাত নিৰাপত্তাৰ আশংকা আছে। এই বিষয়তে আইচিচিয়ে বাংলাদেশৰ মেচ স্থানান্তৰৰ সিদ্ধান্ত ল’ব পাৰে বুলি ধাৰণা কৰা হৈছে। ইপিনে, ভাৰতৰ ওপৰত চাপ সৃষ্টি কৰিবলৈ বাংলাদেশৰ মহম্মদ ইউনুছৰ চৰকাৰে আগন্তুক আইপিএলৰ মেচৰ সম্প্রচাৰ দেশখনত বন্ধ কৰাৰ চিন্তাও কৰিছে।
