Neanderthals:✒️আধুনিক মানুহ বা হোমো ছেপিয়েন্সৰ স’তে মিলন হৈছিল নিয়াণ্ডাৰথালসকলৰ। অৱশ্যে ইজনে সিজনক পছন্দ কৰাৰ ভিত্তিতেই সেই মিলন হৈছিল। নিয়াণ্ডাৰথাল মানব → সম্পর্কীয় এক জিন গবেষণাত সম্প্রতি এনে আভাস পোৱা গৈছে।
গৱেষণাত দেখা গৈছে যে অধিকাংশ মিলনেই হৈছিল নিয়াণ্ডাৰথাল মানৱ আৰু আধুনিক মানৱীৰ মাজত। ইয়াৰ বিপৰীত অতি কমেই হৈছিল।
আধুনিক মানুহ বা হোমো ছেপিয়েন্সেই হৈছে সম্প্রতি পৃথিবীত বর্তি থকা একমাত্র মানব প্রজাতি। ‘হোমো’ গণৰ বাকী আত্মীয়সকল সময়ৰ লগে লগে পৃথিৱীৰ পৰা হেৰাই গৈছে। তেনে এক আত্মীয়ই হৈছে নিয়াণ্ডাৰথাল।
আজিৰ পৰা প্ৰায় ৪০ হেজাৰ বছৰৰ আগলৈকে তেওঁলোক পৃথিবীত তিষ্ঠি আছিল। আফ্রিকা মহাদেশৰ বাহিৰত বসবাসকাৰী আধুনিক মানুহৰ ডিএনএত এতিয়াও নিয়াণ্ডাৰথাল জিনৰ ধাৰা পোৱা যায়।
পোৱা যায় প্রায় দুই শতাংশ পর্যন্ত য়িাণ্ডাৰথাল ডিএনএ। ইয়াৰ পৰাই স্পষ্ট হয় যে দুই মানৱ প্ৰজাতি মাজত যৌন মিলন হৈছিল। এইবাৰ জনা গৈছে যে সেই মিলন পৰস্পৰক পছন্দৰ ভিত্তিতে হৈছিল।
দুই ভিন্ন মানৱ প্ৰজাতিৰ মিলনক লৈ সম্প্রতি এক গবেষণা কৰে পেনছিলভেনিয়া বিশ্ববিদ্যালয়ৰ জেনেটিক্স বিভাগৰ গৱেষকসকলে। সেই জিন গবেষণাতে দেখা গ’ল যে অধিকাংশ ক্ষেত্রতে আন্তঃপ্রজাতি মিলনত জড়িত আছিল নিয়াণ্ডাৰথাল মানৱ আৰু আধুনিক মানৱী।
বিপৰীত দিশটো অর্থাৎ নিয়াণ্ডাৰথাল মানৱী আৰু আধুনিক মানৱৰ মাজত মিলন বৰ বেছি হোৱা নাই বুলিয়েই দাবী কৰিছে গৱেষকৰ দলে। সম্প্রতি ‘ছায়েন্স’ জার্ণেলত এই গবেষণা প্রকাশ পাইছে। জিন বিশ্লেষণত উঠি অহা তথ্যৰ ভিত্তিতে গবেষকসকলে দাবী কৰিছে যে মিলনৰ বাবে সংগী নিৰ্বাচনৰ ক্ষেত্ৰত দুই মানর প্রজাতিৰ নির্দিষ্ট কিছু পছন্দ আছিল।
তেওঁলোকে অনুমান কৰিছে যে হয় আধুনিক মানৱীসকলে নিয়াণ্ডাৰথাল মানৱক বেছি পছন্দ কৰিছিল, নতুবা নিয়াণ্ডাৰথাল মানৱসকলে আধুনিক মানবীসকলক পছন্দ কৰিছিল, কিংবা উভয়েই।
আধুনিক মানুহৰ আবির্ভাব হৈছিল আজিৰ পৰা প্ৰায় চাৰে তিনি লাখ বছৰৰ পূর্বে। আফ্রিকা মহাদেশত আমাৰ প্ৰজাতিৰ প্ৰথম আবির্ভাব ঘটে। দীর্ঘ সময় ধৰি আফ্রিকা মহাদেশৰ ভিতৰতে সীমাবদ্ধ আছিল আধুনিক মানুহৰ জনগোষ্ঠী। বহুত পাছতহে আধুনিক মানুহে আফ্ৰিকাৰ বাহিৰত ভৰি ৰাখে।
আনুমানিক ৬০-৭০ হেজাৰ বছৰৰ পূৰ্বে তেওঁলোক আফ্ৰিকাৰ পৰা ইউৰোপত বিয়পি পৰে। যদিও কিছু জীৱাশ্ম প্রমাণে ইংগিত দিয়ে যে আৰু আগতেই আধুনিক মানুহে আফ্ৰিকাৰ বাহিৰত বিয়পি পৰিবলৈ আৰম্ভ কৰিছিল। অৱশ্যে ব্যাপক হাৰত তেতিয়াও বিয়পি পৰা নাছিল।
আধুনিক মানুহে আফ্রিকা এৰি ইউৰেছিয়াত বিয়পি পৰিবলৈ ক আৰম্ভ কৰাৰ সময়তে তেওঁলোক নিয়াণ্ডাৰথালসকলৰ মুখামুখি হয়। আধুনিক মানুহে ইউৰেছিয়াত ভৰি ৰখাৰ পূৰ্বেই নিয়াণ্ডাৰথাল মানৱ প্রজাতিয়ে তাত বাস কৰিছিল। এই দুই প্ৰজাতিৰ মাজত যে যৌন মিলন হৈছিল, সেই প্রমাণ আগতেই পোৱা গৈছে। অতীতৰ গৱেষণাত দাবী কৰা হয় যে প্রায় ৪৫ৰ পৰা ৫০ হেজাৰ বছৰৰ পূৰ্বে আজিৰ মানুহ আৰু নিয়াণ্ডাৰথালসকলৰ মাজত প্রজনন ঘটিছিল।
তাৰ পাছত আজিৰ পৰা প্ৰায় ৪১ হেজাৰ বছৰৰ পূৰ্বে নিয়াণ্ডাৰথালসকল পৃথিৱীৰ পৰা বিলুপ্ত হৈ পৰে। অৱশ্যে তেওঁলোকৰ ডিএনএ এতিয়াও কিছু মানুহৰ মাজত ৰৈ গৈছে।
সম্প্রতি ‘হোমো’ গণৰ এটা প্রজাতিয়েই পৃথিৱীত বর্তি আছে, সেইটো হৈছে আধুনিক মানুহ। বিগত কিছু বছৰত এই দুই প্ৰজাতিৰ আন্তঃপ্রজননক লৈ অনেক গৱেষণা হৈছে।
আন এক সাম্প্রতিক গৱেষণাত উঠি আহিছে যে নিয়াণ্ডাৰথালসকলৰ মাজতো হয়তো চুম্বনৰ প্ৰচলন আছিল। সেই গৱেষণাতে দাবী কৰা হয় যে আদিমানৱসকলৰ স’তে নিয়াণ্ডাৰথালসকলৰ কেৱ শাৰীৰিক মিলনেই হোৱা নাই; উভয়ৰ মাজত চুম্বনো হৈছিল। এইবাৰ জনা গ’ল যে দুই প্রজাতিয়ে মিলনৰ সংগীও নিৰ্বাচন কৰিছিল পৰস্পৰৰ পছন্দৰ ভিত্তিত। পেনছিলভেনিয়া বিশ্ববিদ্যালয়ৰ গৱেষকসকলৰ মতে, এয়া কোনো বিচ্ছিন্ন ঘটনা নাছিল বা কম সময়ৰ বাবে এই ‘পছন্দৰ সংগী’ নিৰ্বাচনৰ ব্যৱস্থা নাছিল।
কে’বা হেজাৰ বছৰৰ পৰাই এই পৰস্পৰক পছন্দ কৰাৰ ধাৰা চলি আহিছে। অৱশ্যে কিয় এই পছন্দ কেৱল নিয়াণ্ডাৰথাল পুৰুষ আৰু আধুনিক মানৱীৰ মাজতেই সীমিত আছিল, অথচ বিপৰীত বৰ বেছি হোৱা নাছিল; সেই বিষয়ত এই গৱেষণাই কোনো আলোকপাত কৰা নাই।