Plastic biskut:
দৈনিক অগ্ৰদূত ডিজিটেল ডেস্ক:এক চাঞ্চল্যকৰ তথ্যই প্ৰায়েই মানুহৰ মাজত উদ্বেগৰ সৃষ্টি কৰে। সেয়া হৈছে পৃথিৱীৰ অধিকাংশ ঠায়েই ভৰি পৰিছে প্লাষ্টিকৰ আবৰ্জনাৰে। পৃথিৱীৰ ভূমিভাগৰ সমান্তৰালকৈ সাগৰৰ তলিতো জমা হৈছে প্ৰচুৰ পৰিমাণৰ প্লাষ্টিক, যি জৈৱবিয়োজ্য নহয়। ফলত ধ্বংস নোহোৱাকৈ সেইবোৰ বছৰৰ পাছত বছৰ ধৰি জমা হৈ আছে। আনকি মানুহৰ খাদ্যতো যে ক্রমাগতভাবে মাইক্র’ প্লাষ্টিক মিহলি হৈ পৰিছে, সেই খবৰো প্ৰায়েই শুনা যায়।
কিদৰে কমাব পৰা যাব প্লাষ্টিক? এই প্লাষ্টিক বাৰু মানুহৰ খাদ্যজগতৰ অংশ হৈ পৰিব পাৰে নেকি? সম্প্রতি ছাদার্ণ ইলিনয়েছ ইউনিভাৰচিটি কাৰ্বনডেলৰ এদল গৱেষকে তৈয়াৰ কৰিছে এনে এক খাদ্যযোগ্য কুকি, যাৰ মুখ্য উপাদানসমূহৰ মাজত অন্যতম হৈছে প্লাষ্টিকৰ বটল আৰু উদ্ভিজ্জ আবৰ্জনা। এই কুকিৰ নাম ৰখা হৈছে ‘মাইক্র’বাইটছ’। বিস্কুট জাতীয় এই খাদ্যবিধ কেৱল খোৱাই নহয়, বৰঞ্চ ইয়াৰ দ্বাৰা পেট ভৰাবও পৰা যাব।
‘নাছা ডীপ স্পেচ ফুড চেলেঞ্জ’ৰ বাবে এই প্রকল্পটো নিৰ্মাণ কৰা হৈছিল। সম্প্রতি ইয়াক বিশ্বৰ দুটা সমস্যা- খাদ্য নিৰাপত্তাহীনতা আৰু প্লাষ্টিক প্ৰদূষণৰ মোকাবিলাৰ সম্ভাব্য উপায়ৰূপে দাঙি ধৰা হৈছে। আমেৰিকান কেমিকেল ছ’চাইটিৰ এক বৈঠকত গৱেষকৰ দলটোৱেএই কুকী উপস্থাপন কৰে।
তেওঁলোকে দাবী কৰে যে এই পদ্ধতিত প্লাষ্টিক আৰু উদ্ভিজ্জ আবর্জনাক ভোজ্য উপাদানলৈ ৰূপান্তৰিত কৰি, পুষ্টিকৰ আৰু প্ৰ’টিনসমৃদ্ধ খাদ্য তৈয়াৰ কৰাটো সম্ভৱ। গৱেষকৰ দলটোৰ মতে, বিশ্বৰ কোটি কোটি মানুহ ক্ষুধার্ত আৰু তেওঁলোকৰ স্বাস্থ্যকৰ খাদ্য ক্ৰয়ৰ সামৰ্থ নাই। সেয়ে খাদ্য নিৰাপত্তাহীনতাৰ সমস্যা সম্প্রতি আঞ্চলিক নহয়, বিশ্বজনীন।
বিশ্ব স্বাস্থ্য সংস্থাৰ ২০২৬ৰ তথ্য অনুসৰি, বিশ্বৰ ৭.৮ শতাংশ অর্থাৎ আনুমানিক ২১০ কোটি মানুহে অনাহাৰত ভুগি আছে। গৱেষকৰ দলটোৰ মতে, তেওঁলোকৰ এই পদ্ধতিয়ে এফালো যিদৰে খাদ্য সংকটৰ মোকাবিলাত সহায় কৰিব পাৰে; আনফালে, প্লাষ্টিকৰ আবৰ্জনাও নিয়ন্ত্রণত ৰাখিব।
# প্লাষ্টিকৰ বটলৰ পৰা কিদৰে কুকী তৈয়াৰ হয়?
গৱেষকৰ দলটোৱে এই কামত প্রথমে ‘পেট’ (PET) প্লাষ্টিক ব্যৱহাৰ কৰে। সাধাৰণতে খোৱাপানীৰ বটল তৈয়াৰ কৰাত এই ধৰণৰ প্লাষ্টিক ব্যৱহাৰ হয়। ইয়াৰ লগত লোৱা হ’ল পেলাই দিয়া মাকৈ গছৰ কাণ্ড, পাত আৰু অন্যান্য বায়ো-মাচ। এই উপাদান সমূহক অক্সিডেটিভহাইড্র’ থার্মাল ডিছলিউচন প্ৰক্ৰিয়াৰ মাধ্যমেৰে লৈ যোৱা হয়। ফলত সেইবোৰ ভাঙি ব্যৱহাৰযোগ্য উপাদানত পৰিণত হয়। পৰৱৰ্তী স্তৰত বিশেষ ইষ্টৰ সংস্পৰ্শলৈ আহে এই উপাদানবোৰ। এই ইষ্টে সেইবোৰক নতুন খাদ্য উপাদানলৈ ৰূপান্তৰিত কৰে। ইয়াৰ ভিতৰত আছে প্ৰ’টিন, ফেট আৰু বিভিন্ন এচিড।
আশা কৰা হৈছে যে আগন্তুক দিনত এই কুকীসমূহক সুস্বাদু আৰু সুগন্ধী কৰি তুলিব পৰা যাব। ভেনিলা ফ্লেভাৰো যোগ কৰা হ’ব পাৰে। অৱশ্যে এই প্লাষ্টিক-জাত কুকীৰ এই পর্যন্ত কোনা প্রাতিষ্ঠানিক অনুমোদন লাভ কৰা নাই বিজ্ঞানীসকলে। অৱশ্যে তেওঁলোকে বিশ্বাস কৰে যে গৱেষণাৰ পৰৱৰ্তী স্তৰত সঁচাকৈয়ে সেয়া সম্ভৱ হ’ব। সেয়ে এতিয়াই এই প্লাষ্টিকৰ বিস্কুটক মানুহৰ খাদ্য উপযোগী বুলি কৈ দিব পৰা হোৱা নাই।