RakshaBandhan2026 : দৈনিক অগ্ৰদূত ডিজিটেল ডেস্ক: অহা ২৮ আগষ্টত ৰাখী পূর্ণিমা। সেইদিনা দেশজুৰি পালিত হ’ব ৰাখী বন্ধন উৎসৱ। ভ্রাতৃসকলৰ মংগল কামনা কৰি ভগ্নীসকলে হাতত ৰাখী পিন্ধায়। অথচ কেতিয়াবা চিন্তা কৰি চাইছেনে নে সদায় কিয় ভ্রাতৃৰ সোঁ হাততে ৰাখী পিন্ধোৱা হয়?
বহুতেই কিন্তু ইয়াৰ অন্তৰালৰ কাৰণ নজনাকৈয়ে কেৱল এক ৰীতি বুলি ভাবিয়েই পালন কৰে। অৱশ্যে ইয়াৰ এক বিশেষ কাৰণো আছে। হিন্দু ৰীতি অনুসৰি, কিবা দিয়া বা গ্ৰহণ কৰাৰ বাবে সোঁ হাতখনেই ব্যৱহাৰ কৰা হয়।
আনকি আশীর্বাদ দিয়া, কোনো নিয়ম-নীতি পালন কৰা, যিকোনো কাম কৰা বা দায়িত্ব পালনৰ বাবেও এই সোঁ হাতখন ব্যৱহাৰ কৰা হয়। সেয়ে ৰাখীও সোঁ হাততে পিন্ধোৱা হয়।
ভ্রাতৃৰ সোঁ হাতত ৰাখী পিন্ধাই মনত পেলাই দিয়া হয় যে তেওঁ যি কাম কৰিছে সেয়া কৰাৰ আগতে যেন ভালকৈ বিবেচনা কৰে। ভগ্নীৰ প্ৰতি যেন দায়িত্ব নাপাহৰে। সদায় যাতে তেওঁলোকক সুৰক্ষা প্ৰদান কৰে।
ভ্রাতৃৰ হাতখনে যেন সকলো সময়তে ভগ্নীসকলক চম্ভালি ৰাখে, সন্মান জনায় আৰু সহায় কৰে। ৰাখীক ৰক্ষাৰ প্ৰতীক বুলিও গণ্য কৰা হয়। ভগ্নীসকলে ভাতৃৰ মংগল কামনা কৰি সেয়া হাতত পিন্ধাই দিয়ে।
সোঁ হাততে পিন্ধায়, যাতে কিবা কৰিবও যাওঁতে ভ্রাতৃৰ কোনো বিপদ নহয়। সোঁ হাতৰ ধৰ্মৰ স’তেও সম্পর্ক আছে। কেৱল ধর্মই নহয়; দায়িত্ব, কর্ম, ব্যৱহাৰ, শৃংখলাৰ স’তেও সোঁ হাতৰ সম্পৰ্ক আছে। লগতে ইতিবাচক শক্তি আৰু উদ্যম যাতে বৃদ্ধি পায়, সেয়াও বুজায়।উল্লেখ্য যে অহা ২৮ আগষ্টত ৰাখী পিন্ধোৱাৰ বাবে শুভ সময় হৈছে পুৱা ৫-৫৭ৰ পৰা ৯-৪৮ বজা।