উত্তৰ প্ৰদেশৰ গৌতমবুদ্ধ নগৰৰ বিজেপিৰ নেতা মহেশ শৰ্মাই ক’ভিড-১৯ সংক্ৰমণৰ বাবে ইনকুলেছন গ্ৰহণ কৰা ভাৰতৰ প্ৰথম ৰাজনৈতিক নেতা । তেওঁ সাংসদ স্বাস্থ্যকৰ্মী হিচাপে আজি কৰ’না প্ৰতিষেধক গ্ৰহণ কৰে ।
প্ৰতিষেধক গ্ৰহণ কৰা ডাঃ শৰ্মা এজন প্ৰশিক্ষণপ্ৰাপ্ত চিকিৎসক । তেওঁ নইডা চেক্টৰ ২৭ত দিনৰ ১১ বজাত প্ৰতিষেধক গ্ৰহণ কৰে । ৬১ বছৰীয়া অৱসৰপ্ৰাপ্ত কেন্দ্ৰীয় মন্ত্ৰীগৰাকীক প্ৰতিষেধক গ্ৰহণ কৰাৰ পাছত ৩০ মিনিটৰ বাবে পৰ্যৱেক্ষণত ৰখা হয় ।
ডাঃ শৰ্মাই টুইট কৰে, ‘প্ৰধানমন্ত্ৰী নৰেন্দ্ৰ মোদীয়ে বিশ্বৰ বৃহত্তম টিকা প্ৰদান কাৰ্যসূচী আৰম্ভ কৰাৰ লগতে ক’ভিড-১৯ৰ অন্ত সূচনা আৰম্ভ হৈছে । এজন চিকিৎসক হিচাপে মই প্ৰতিষেধক গ্ৰহণ কৰিলো । মই সম্পূৰ্ণ সুস্থ অনুভৱ কৰিছো । প্ৰতিষেধকটো সম্পূৰ্ণ নিৰাপদ আৰু আপোনালোক সকলোৱে গ্ৰহণ কৰা উচিত ।’
कोरोना के अंत की शुरुआत आज मा. प्रधानमंत्री @narendramodi जी ने विश्व के सबसे बड़े टीकाकरण अभियान का शुभारंभ करके की|
एक डॉक्टर के नाते मुझे भी कोरोना वैक्सीन लगाई गयी| पूरी तरह से अच्छा महसूस कर रहा हूँ| वैक्सीन पूरी तरह से सुरक्षित है, आप सभी भी लगवाएं| #LargestVaccineDrive pic.twitter.com/yErR0E9mZ3
— Dr. Mahesh Sharma (मोदी का परिवार) (@dr_maheshsharma) January 16, 2021
সূত্ৰ অনুসৰি, পশ্চিমবংগৰ পূৰ্ব বৰ্ধমান জিলাৰ তৃণমূল কংগ্ৰেছৰ বিধায়ক ৰবীন্দ্ৰনাথ চেট্টাৰ্জীয়েও ৰোগীৰ কল্যাণ কমিটিৰ অংশ হিচাপে প্ৰতিষেধক গ্ৰহণ কৰে ।
অপূৰণীয় ক’ভিড প্ৰতিষেধকৰ দাবীৰ লগতে প্ৰথম পৰ্যায়ত কোনখিনি লোকে প্ৰতিষেধক গ্ৰহণ কৰিব পাৰিব সেইটোও লক্ষ্যণীয় আছিল ।
প্ৰধানমন্ত্ৰী মোদীয়ে সোমবাৰে কৰ’না ভাইৰাছ প্ৰতিষেধক প্ৰদান কৰাৰ পূৰ্বে ৰাজ্যৰ মুখ্যমন্ত্ৰীসকলৰ স’তে হোৱা বৈঠকত সকীয়াই দিছিল যে ৰাজনৈতিক নেতাসকলে যাতে প্ৰথম শাৰিত জপিয়াই নপৰে । তেওঁলোকৰ পাল অহালৈ অপেক্ষা কৰা উচিত ।
চৰকাৰে প্ৰথম পৰ্যায়ৰ প্ৰতিষেধক প্ৰদানৰ বাবে অগ্ৰাধিকাৰৰ এখন তালিকা প্ৰস্তুত কৰি দিছিল । য’ত এক কোটি স্বাস্থ্যকৰ্মী, দুই কোটি ফ্ৰণ্টলাইন কৰ্মী যেনে আৰক্ষী, অসামৰিক বাহিনীসকল অন্তৰ্ভুক্ত হ’ব । তেওঁলোকৰ বাবে প্ৰতিষেধক বিনামূলীয়া হ’ব ।
আনহাতে, দ্বিতীয় পৰ্যায়ত ৫০ ৰ উৰ্দ্ধৰ আৰু ৫০ ৰ তলৰ কিন্তু আন ৰোগত আক্ৰান্ত যেনে মধুমেহ, উচ্চৰক্তচাপজনিত লোকসকলক প্ৰতিষেধক প্ৰদান কৰা হ’ব ।
প্ৰধানমন্ত্ৰী মোদীৰ এই নিৰ্দেশিকাই তেলেংগানাৰ স্বাস্থ্যমন্ত্ৰী এটালা ৰাজেন্দৰক প্ৰেৰিত কৰিলে । তেওঁ কৈছিল যে তেওঁৰ ৰাজ্যত প্ৰথম প্ৰতিষেধক তেঁৱে গ্ৰহণ কৰিব । কিন্তু প্ৰধানমন্ত্ৰী মোদীৰ ঘোষণাৰ পাছত তেওঁ প্ৰতিষেধক গ্ৰহণ নকৰে বুলি জনায় আৰু ইয়াৰ দ্বাৰা তেওঁ স্বাস্থ্যকৰ্মীসকলৰ বাবে পথ মুকলি কৰিছে বুলিও কয় ।