ক’ভিড পৰিস্থিতিক লৈ উত্তৰ-পূর্বাঞ্চলৰ ৰাজ্যসমূহ অধিক সতর্ক হােৱাৰ প্ৰয়ােজন আছে। বৃহস্পতিবাৰে কেন্দ্রীয় স্বাস্থ্য আৰু পৰিয়াল কল্যাণ মন্ত্রণালয়ে ইউনিছেফৰ সহযােগত উত্তৰ-পূৰ্বাঞ্চলৰ ৰাজ্যসমূহৰ বাবে আয়ােজন কৰা এক অনলাইন মিডিয়া মত বিনিময় অনুষ্ঠানত মন্ত্রণালয়ৰ যুটীয়া সচিব লৱ আগৰৱালাই দাঙি ধৰা তথ্যত এনে উদ্বেগজনক ছবি প্রতিফলিত হয়।
তেওঁ কয় যে দেশজুৰি ক’ভিড আক্রান্তৰ সংখ্যা হ্রাস হােৱাৰ সময়তে উত্তৰ-পূর্বাঞ্চলত সংক্ৰমণৰ বর্ধিত প্ৰৱণতা এক উদ্বেগৰ বিষয় হৈ পৰিছে। উত্তৰ-পূবৰ ৰাজ্যসমূহৰ ভিতৰত সংক্ৰমণৰ প্রাবল্য থকা ৰাজ্যসমূহ একাদিকক্রমে হৈছে অসম, মণিপুৰ, মেঘালয়, ত্ৰিপুৰা, মিজোৰাম, অৰুণাচল প্রদেশ, ছিকিম আৰু নগালেণ্ড।
দেশত বর্তমান মুঠ সংক্ৰমণৰ সংখ্যা চাৰি লাখ ৬০ হেজাৰ ৭০৪জন। ইয়াৰে ভিতৰত অসমত ২৩,৩৭১জন সংক্রমিত হৈছে। মণিপুৰৰ দৰে এখন সৰু ৰাজ্যতে আক্রান্তৰ সংখ্যা ৬,৫৩৪। আনহাতে, মেঘালয়ত ৪,২২৩, ত্ৰিপুৰাত ৪,২১১, মিজোৰামত ৩,৯৬০, অৰুণাচল প্রদেশত ৩,৩৬৩, ছিকিমত ১,৯৭৫ আৰু নগালেণ্ডত এই পর্যন্ত আক্ৰান্তৰ সংখ্যা ১,০৭০জন বুলি তেওঁ তথ্য দাঙি ধৰে।
তেওঁ কয় যে বিগত ২৪ ঘণ্টাত অসমত আক্রান্ত হৈছে ২,২৮৯জন। মণিপুৰত বিগত ২৪ ঘণ্টাত ৭৬০জন আক্রান্ত হৈছে। মেঘালয়ত ৩৫৪, ত্ৰিপুৰাত ৪০৭, মিজোৰামৰ দৰে সৰু ৰাজ্যত ৫৪৮, অৰুণাচল প্রদেশত ৪০৪জন বিগত ২৪ ঘণ্টাত আক্রান্ত হৈছে।
এইসমূহ তথ্য দাঙি ধৰি আগৰৱালাই কয় যে উত্তৰ-পূর্বাঞ্চলত ৰাজ্যসমূহৰ মৃত্যুৰ সংখ্যাও এক চিন্তনীয় বিষয় হৈ আছে। অসমত বিগত ২৪ ঘণ্টাত মৃত্যুৰ সংখ্যা ২৬জন, মণিপুৰত ১১জন বুলি আঙুলিয়াই দি তেওঁ কয় যে অসমৰ উপৰি মেঘালয়, মিজোৰাম, ত্ৰিপুৰাৰ দৰে উত্তৰ-পূর্বাঞ্চলৰ সৰু ৰাজ্যতাে মৃত্যুৰ সংখ্যা যথেষ্ট বেছি।
বিগত সাত সপ্তাহত দেশজুৰি সংক্ৰমণৰ হাৰ হ্রাস পাইছে, সেই সময়ত মৃত্যুৰ সংখ্যা সৰু ৰাজ্যসমূহত শূন্য হ’ব লাগিছিল বুলি কেন্দ্রীয় স্বাস্থ্য মন্ত্রণালয়ে আশা কৰিছিল যদিও এনে হােৱা নাই। আগৰৱালাই কয় যে দেশত প্রতি ১০ লাখত সংক্রমিতৰ সংখ্যা ২২,২৫৩জন। অথচ মণিপুৰৰ দৰে সৰু ৰাজ্যত ৰাষ্ট্ৰীয় হাৰতকৈ অধিক সংক্রমণ, অৰুণাচলতাে সংক্ৰমণৰ ঘটনা ৰাষ্ট্ৰীয় হাৰতকৈ অধিক।
ছিকিমৰ দৰে সৰু ৰাজ্যত ৰাষ্ট্ৰীয় গড়তকৈ ৫০ শতাংশ সংক্ৰমণৰ ঘটনা। এই পৰিস্থিতি উদ্বেগজনক। এইদৰে মন্তব্য কৰি আগৰৱালাই এই ক্ষেত্ৰত সংবাদ মাধ্যমে সচেতনতা বৃদ্ধিৰ বাবে উল্লেখযােগ্য ভূমিকা গ্ৰহণ কৰিব পাৰে বুলি কয়।।
দেশজুৰি কিছুমান নির্দিষ্ট স্থানতে এতিয়া সংক্রমণ মাত্রাধিক্য হৈ আছে। দেশৰ ৯০খন জিলাত প্রতিদিনে সংক্ৰমণৰ সংখ্যা বাঢ়ি আছে। উদ্বেগৰ বিষয়টো হ’ল ইয়াৰে ১৪খন জিলাই উত্তৰ-পূবৰ। ৯০খন জিলাৰ পৰাই দেশৰ মুঠ সংক্রমিত ভিতৰত ৮০ শতাংশ নতুন সংক্ৰমণৰ ঘটনা ঘটি আছে।
ইয়াৰে ভিতৰত আছে অসমৰ নখন জিলা মণিপুৰৰ দুখন,মেঘালয়, মিজোৰাম আৰু ত্ৰিপুৰাৰ এখনকৈ জিলা। আগৰৱালাই এইদৰে কয়। তেওঁ দাঙি ধৰা আন এক তথ্য অনুসৰি ২৯ জুনৰ পৰা পাঁচ জুলাইলৈ এটা সপ্তাহত ভাৰতৰ ৭৩খন জিলাত ১০ শতাংশতকৈ অধিক সংক্রমণৰ হাৰ পৰিলক্ষিত হৈছে।
সেই ৫৭খন জিলাৰ ভিতৰত উত্তৰ-পূর্বাঞ্চলৰে ৪৭খন জিলা। ইয়াৰে ভিতৰত আছে অৰুণাচলৰ ১৮খন, মণিপুৰৰ নখন, মেঘালয়ৰ ছখন, ত্ৰিপুৰাৰ চাৰিখন, নগালেণ্ডৰ তিনিখন, অসমৰ দুখন আৰু মিজোৰামৰ এখন জিলা। এই পৰিস্থিতিৰ কেন্দ্রীয় স্বাস্থ্য মন্ত্রণালয়ে পুনৰীক্ষণ কৰি আছে বুলি আগৰৱালাই কয়।
উত্তৰ-পূৰ্বাঞ্চলৰ ৰাজ্যসমূহত ক’ভিডৰ দ্বিতীয় পালি টিকাকৰণত গুৰুত্ব দিয়াৰ প্ৰয়ােজন আছে বুলি কয় কেন্দ্রীয় স্বাস্থ্য যুটীয়া সচিবজনে। তদুপৰি ক’ভিডৰ প্ৰথমশাৰীৰ যােদ্ধাৰাে টিকাকৰণত গুৰুত্ব দিব লাগিব ৰাজ্যই।
একেদৰে ৪৫ বয়সৰ ঊর্ধ্বৰ সকলােকে টিকাকৰণত গুৰুত্ব আৰােপ কৰিব লাগিব বুলি আগৰৱালাই কয়। তেওঁ স্পষ্ট কৰে যে ক’ভিডৰ দ্বিতীয় টৌৰ এতিয়াও অন্ত পৰা নাই। সেয়েহে সকলােৱে সজাগ-সর্তক হৈ থকা অত্যন্ত প্রয়ােজনীয়।
উত্তৰ-পূৰ্বাঞ্চলৰ ৰাজ্যসমূহৰ ক্ষেত্ৰত ক’ভিড মােকাবিলাৰ প্ৰতি থকা ভৌগােলিক তথা অন্যান্য প্রত্যাহ্বানৰ কথাও উল্লেখ কৰি তেওঁ কয় যে কেন্দ্রীয় চৰকাৰে এই ৰাজ্যসমূহলৈ সম্পূর্ণ সহযােগিতা আগবঢ়াইছে। আজিৰ এই মত বিনিময়ত ১৩০জনতকৈ অধিক সাংবাদিকে অংশ লয়।