তিনিগৰাকী মার্কিন অর্থনীতিবিদে লাভ কৰিলে ২০২১ অর্থনীতিৰ ন’বেল বঁটা। যুটীয়াভাৱে সেই নবেল বঁটা লাভ কৰা অর্থনীতিবিদ কেইগৰাকী হৈছে ক্ৰমে ডেভিড কার্ড, জ’চোৱা দি এংগ্রিষ্ট আৰু গুইড’ উইলহেলমছ ইমবেন্স। কার্ড হৈছে শ্রম অর্থনীতিবিদ, তেওঁৰ জন্ম ১৯৫৬ত।
আমেৰিকাৰ ইউনিভাৰছিটি অৱ কেলিফর্ণিয়াৰ তেওঁ অর্থনীতিৰ অধ্যাপক। ১৯৬০ত জন্মলাভ কৰা এংগ্রিষ্ট আমেৰিকাৰ মাছাছছেটছ। ইনষ্টিটিউট অৱ টেকনলজিৰ অৰ্থনীতিৰ অধ্যাপক। তেওঁ জন্মসূত্রে ইজৰাইলী লােক ইপিনে, ১৯৬৩ত জন্মলাভ কৰা ইমবেন্সৰ জন্ম হৈছিল পর্তুগালত।
তেওঁ ষ্টেনফ’র্ড বিশ্ববিদ্যালয়ৰ অধ্যাপক। নবেল কমিটীয়ে জনােৱা মতে, শ্রম অর্থনীতিত অভিজ্ঞতালব্ধ অৱদানৰ বাবে কার্ডক এই সম্মান আগবঢ়োৱা হৈছে। আনহাতে, ‘কেজুৱেল ৰিলেছনশ্বিপ’ সম্পর্কীয় বিশ্লেষণৰ বিৰুদ্ধে পদ্ধতিগত অৱদানৰ বাবে বাকী দুজনক ন’বেল বঁটাৰ বাবে মনােনীত কৰা হয়।
সমাজৰ প্রতি বৃহৎ অৱদান আগবঢ়াব পৰাকৈ তেওঁলােকৰ গৱেষণাই বিভিন্ন প্রশ্নৰ প্ৰতি আমাৰ উত্তৰ দিয়াৰ সামর্থ্য উল্লেখনীয়ভাৱে বৃদ্ধি কৰা বুলি কয় ন’বেল কমিটীয়ে। ইয়াৰ পূর্বেও অর্থনীতিৰ ন’বেল বঁটা মার্কিন প্রতিষ্ঠানসমূহে লাভ কৰি আহিছে আৰু এইবাৰাে এই ক্ষেত্ৰত কোনাে ব্যতিক্রম নহয়।
১৯৯০ৰ আৰম্ভণিত মার্কিন যুক্তৰাষ্ট্রৰ নিউজাৰ্ছিত ফাষ্টফুড খণ্ডত ন্যূনতম মজুৰি বৃদ্ধিৰ ফলত পৰা প্ৰভাৱৰ বিষয়ে কার্ডে পৰীক্ষা-নিৰীক্ষা কৰিছে। এনে মজুৰি বৃদ্ধিৰ ফলত সদায়ে নিয়ােগত প্ৰভাৱ পৰে বুলি থকা পৰম্পৰাগত ধাৰণাৰ পুনৰীক্ষণ কৰে কাৰ্ডৰ অধ্যয়নে।
আন এক অধ্যয়নত কিউবাৰ যিসকল লােকে দেশ ত্যাগ কৰিব বিচাৰে তেওঁলােকৰ এনে ইচ্ছাক ১৯৮০ত ফিডেল কাষ্ট্র’ৱে জনােৱা সন্মতিৰ ফলশ্ৰুতিত হােৱা প্ৰভাৱৰ বিষয়ে কোৱা হৈছে। এনে বিভিন্ন কাৰণ আৰু তাৰ ফলাফলক লৈ কাৰ্ডৰ গৱেষণাই উত্তৰ দিছে।
কার্ডে ১৯৯০ৰ দশকত এইদৰে ন্যূনতম মজুৰি লৈ থকা অর্থনীতিৰ কে’বাটাও প্রতিষ্ঠিত ধাৰণাৰ সমালােচনা কৰি সকলােৰে দৃষ্টি আকর্ষণ কৰে। তেওঁ আমেৰিকাৰ মায়ামিলৈ হােৱা বৃহৎ প্ৰব্ৰজনৰ ফলত কেনে প্ৰভাৱ পৰিছিল সেই বিষয়ত থকা ধাৰণাৰ ওপৰত গৱেষণা কৰে।
তেওঁ এইদৰে বিভিন্ন অভিবাসী সম্প্রদায়ৰ ওপৰত পৰীক্ষা-নিৰীক্ষা কৰি দেখুৱাই দিয়ে যে এনে প্ৰব্ৰজনৰ ফলত কোনাে দেশৰ অর্থনীতি বিশেষভাৱে ক্ষতিগ্রস্ত হয়। মায়ামিলৈ হােৱা বৃহৎ প্ৰব্ৰজনৰ ফলত মায়ামিৰ কম শিক্ষিত বাসিন্দাসকলৰ ওপৰত মজুৰি বা শ্ৰমৰ ক্ষেত্ৰত কোনাে নেতিবাচক প্রভাৱ পৰা নাছিল বুলি কার্ডে দেখুৱাই দিয়ে।
আমেৰিকা আৰু কানাডালৈ বিভিন্ন সময়ত হােৱা প্ৰব্ৰজনৰ বিশ্লেষণ কৰি তেওঁ কয় যে ইয়াৰ দ্বাৰা দুই দেশৰ অর্থনীতি ক্ষতিগ্রস্ত হােৱা নাই। তেওঁৰ মতে, আমেৰিকাৰ শ্ৰম বজাৰে শ্ৰমৰ অনুপ্ৰৱেশৰ পক্ষতে ছবি দাঙি ধৰে। তিনি ন’বেল প্রাপকৰ গৱেষণালব্ধ তথ্যই দেখুৱাই দিছে যে কাৰক আৰু ইয়াৰ প্ৰভাৱ সম্পর্কে থকা বহল পৰিসৰৰ প্ৰশ্নসমূহৰ উত্তৰ এতিয়াও সম্ভৱ আৰু প্রাকৃতিক গৱেণষা ব্যৱহাৰ কৰিয়ে এনে কৰিব পাৰি।