চৰকাৰী সকীয়নি উপেক্ষা কৰি বুধবাৰে মাজনিশা ইছলামাবাদত উপস্থিত হয় প্রাক্তন পাক প্রধানমন্ত্রী ইমৰান খানৰ আজাদি মার্চ । ইয়াৰ পাছতেই পাকিস্তানৰ ৰাজধানীৰ বিভিন্ন অঞ্চলত আৰম্ভ হয় বিক্ষিপ্ত সংঘর্ষ আৰু অশান্তি ।
পৰিস্থিতি নিয়ন্ত্রণৰ বাবে প্রধানমন্ত্রী শ্বাহবাজ শ্বৰিফে ইছলামাবাদৰ স্পর্শকাতৰ ৰেড জ’নৰ নিৰাপত্তাৰ দায়িত্ব দিছে সেনাবাহিনীক । ইছলামাবাদৰ এই অংশতেই আছে পাক ৰাষ্ট্ৰপতি আৰু প্রধানমন্ত্রীৰ বাসভৱন, কেন্দ্রীয় সচিবালয় আৰু বিভিন্ন বিদেশী দূতাবাস ।
নেছনেল এছেম্বলি ভংগ কৰি নতুনকৈ নিৰ্বাচনৰ দাবীত মঙলবাৰে খাইবাৰ-পাখতুনখোৱাৰ ৰাজধানী পেশোৱাৰৰ পৰা ইছলামাবাদৰ ডি-চকৰ উদ্দেশ্যি ‘আজাদি মার্চ’ আৰম্ভ কৰে পাকিস্তান তেহৰিক-ই-ইনছাফ দলৰ প্রধান ইমৰান আৰু তেওঁৰ সমৰ্থকসকলে । হিংসা ৰোধ কৰিবলৈ শ্বাহবাজ চৰকাৰে ইমৰানৰ কর্মসূচীৰ ওপৰত নিষেধাজ্ঞা জাৰি কৰিছিল । কিন্তু বুধবাৰে পাক উচ্চতম ন্যায়ালয়ত ইছলামাবাদৰ প্রান্তত পেশোৱাৰে সমাৱেশৰ অনুমতি দিয়ে ইমৰানৰ দলক ।
যদিও পাক চৰকাৰৰ অভিযোগ, ইতিমধ্যে ৰাজধানীৰ কেন্দ্রৰ ডি-চক কার্যত দখল কৰিছে পিটিআই কর্মী-সমর্থকসকলে । বুধবাৰৰ পৰা তেওঁলোকৰ স’তে কে’বাবাৰো সংঘর্ষ হৈছে আৰক্ষীৰ । কন্দোৱা গেছ, গুলি চালনাও হৈছে । ইমৰানৰ অভিযোগ, ১৯৬০ৰ গণ নিৰাপত্তা আইনত গ্রেপ্তাৰ কৰা হৈছে পিটিআই কর্মীসকলক । শ্বাহবাজক উদ্দেশ্যি, তেওঁলোকক দীর্ঘ দিন কাৰাগাৰত বন্দি ৰখা । বৃহস্পতিবাৰে তেওঁ কয়, ‘‘পাকিস্তানত গণতন্ত্র ঘূৰাই অনাৰ দাবীত আমাৰ আন্দোলন চলিব ।’’
