সন্ত্রাসবাদীসকলৰ বিৰুদ্ধে একেলগে যুঁজ দিব লাগিব । যিহেতু এইটো খুবেই সংবেদনশীল বিষয়, সেয়ে ইয়াক লৈ ‘ৰাজনীতি’ কৰা উচিত নহয় । BRICS সন্মিলনৰ পৰা গোষ্ঠীৰ সদস্য দেশসমূহক এয়ে আবেদন জনালে প্রধানমন্ত্রী নৰেন্দ্র মোদীয়ে (PM Modi) । নাম উল্লেখ নকৰাকৈ তেওঁ চীনকেই লক্ষ্য কৰি এই পদক্ষেপ ল’লে বুলি ধাৰণা কৰিছে সংশ্লিষ্ট মহলে ।
উল্লেখ্য, ব্রাজিল, ৰাছিয়া, চীন, দক্ষিণ আফ্রিকা আৰু ভাৰতক লৈ গঠিত ব্রিকছ গোষ্ঠী । সেই গোষ্ঠীৰ সন্মিলনত যোগ দিছিল মোদীয়ে । তেওঁ ইয়াৰ উপৰি ইয়াৰ অংশ লৈছিল চীনৰ ৰাষ্ট্ৰপতি ছি জিনপিং, ব্রাজিলৰ ৰাষ্ট্ৰপতি বলছোনাৰো, ৰুছ ৰাষ্ট্ৰপতি ভ্লাদিমিৰ পুটিন আৰু দক্ষিণ আফ্রিকাৰ ৰাষ্ট্ৰপতি ছিৰিল ৰামাফোছা । এই ভাৰ্চুৱেল সন্মিলনৰ শেষত বৈদেশিক মন্ত্রণালয়ৰ তৰফৰ পৰা জাৰি কৰা এক বিবৃতিত জনোৱা হৈছে, বৈঠকত প্ৰধানমন্ত্ৰী মোদীয়ে সন্ত্রাসবাদক লৈ ‘ৰাজনীতি’ৰ বিৰুদ্ধে বক্তব্য দিছিল ।
গোষ্ঠীৰ সদস্য দেশসমূহক মোদীয়ে আবেদন জনাইছিল, দেশসমূহে অন্য দেশৰ নিৰাপত্তাৰ বিষয়টোও বুজি পোৱা উচিত । লগতে তেওঁ সন্ত্রাসবাদৰ বিৰুদ্ধে একজোঁট হৈ যুঁজ দিব লাগিব বুলিও জনায় । এনে সংবেদনশীল বিষয়ত ‘ৰাজনীতি’ কৰা উচিত নহয় বুলিও উল্লেখ কৰে প্ৰধানমন্ত্ৰী মোদীয়ে ।
কোনো দেশৰ নাম উল্লেখ নকৰাকৈয়ে এনেদৰে বেইজিঙক তেওঁ কঠোৰ বার্তা দিলে বুলি মত সংশ্লিষ্ট মহলৰ । কিন্তু কিয় চীনৰ বিৰুদ্ধে এই বার্তা মোদীৰ ? প্ৰকৃততে পাক মদতপুষ্ট সন্ত্ৰাসবাদী সংগঠন লস্কৰ-ই-তইবাৰ প্রধান হাফিজৰ ছেলক মাক্কিক সন্ত্রাসবাদী মনোনীত কৰাৰ প্রস্তাৱত বাধা দিছে চীনে । কুখ্যাত সন্ত্ৰাসবাদী আব্দুল ৰহমান মক্কিক নিষিদ্ধ কৰাৰ বিষয়ত বাধা হৈ থিয় দিছে জিনপিঙৰ দেশ । প্ৰধানমন্ত্ৰী মোদীৰ মতে, সন্ত্রাসৰ বিৰুদ্ধে যুঁজত যদি চীনে ভিন্ন মেৰুত চলে তেনেহ’লে ই সুবার্তা নিদিয়ে ।
কি এই মক্কি ? মুম্বাই আক্ৰমণৰ অন্যতম ষড়যন্ত্রী হাফিজ ছইদৰ স’তে জেহাদী কাৰ্যত জড়িত হৈ আছে মক্কি । কাশ্মীৰ উপত্যকাত পাক সন্ত্ৰাসবাদীৰ অনুপ্রৱেশ আৰু অস্ত্র সৰবৰাহত জড়িত তেওঁ । পাকিস্তানত (Pakistan) আল কায়দাৰ ‘শ্লিপাৰ চেল’বোৰৰ স’তে যোগাযোগ মক্কিৰ । তেওঁক নিয়ন্ত্ৰণত আনিব পাৰিলেই বহু পৰিমাণে কোণ্ঠাসা হৈ পৰিবে লস্কৰ । এইবাৰ চীনৰ বিৰুদ্ধে তেওঁৰ ‘ৰক্ষাকর্তা’ হোৱাৰ অভিযোগেই কার্যত তুলিলে প্ৰধানমন্ত্ৰী মোদীয়ে । নাম উল্লেখ নকৰাকৈয়ে তেওঁ চীনৰ ওপৰত চাপ বঢ়ালে বুলি ধাৰণা কৰা হৈছে ।