ব্ৰহ্মপুত্ৰৰ বুকুত ৬০ বছৰ পূৰ্বে নিৰ্মাণ কৰা ঐতিহ্যমণ্ডিত শৰাইঘাট দলংৰ সমীপতে কেন্দ্ৰীয় পথ পৰিবহন আৰু ৰাষ্ট্ৰীয় ঘাইপথ মন্ত্ৰণালয়ে নতুন দুখলপীয়া দলং এখন নিৰ্মাণৰ বাবে অনুমোদন জনায় ৯৯৬.৭৫কোটি টকা ৷ দুখলপীয়া দলং খনত ৰে’ল আৰু যানবাহনৰ চলাচলৰ সুবিধা থাকিব ৷ প্ৰধানমন্ত্ৰী গতিশক্তি মিছনৰ অধীনত নিৰ্মাণ হ’ব দলং খন ৷
আজি কেন্দ্ৰীয় পথ পৰিবহন আৰু ৰাষ্ট্ৰীয় ঘাইপথ দপ্তৰৰ মন্ত্ৰী নিতীন গাডকাৰীয়ে টুইট কৰি দলংখন নিৰ্মাণ বাবে অনুমোদন কথা সদৰি কৰে ৷
উল্লেখ্য যে শৰাইঘাটৰ পুৰণি দলংখনৰ ভগ্নপ্ৰায় বিভিন্ন অংশৰ মেৰামতি চেগাচোৰোকাকৈ হৈ থাকে ৷ যাৰ বাবে বহু অসুবিধা সন্মুখীন আৰোহী সকল ৷
Furthering PM Shri @narendramodi Ji's vision of #GatiShakti,
The project for Rail-cum-Road Bridge across Brahmaputra river near the existing Saraighat bridge at Guwahati has been approved at the cost of Rs. 996.75 Cr… #PragatiKaHighway— Nitin Gadkari (मोदी का परिवार) (@nitin_gadkari) September 28, 2022
উল্লেখ্য যে ১৯৫৯ ৰ মধ্য ভাগত নিৰ্মাণ কাৰ্য আৰম্ভ হোৱা শৰাইঘাটৰ পুৰণি দলং ১৯৬২ৰ ২৩ছেপ্তেম্বৰত মুকলি কৰা হয় ৷ হিন্দুস্থান কনষ্ট্ৰাকশ্বন কোম্পানীয়ে প্ৰায় ১০.৬ টকা ব্যয়েৰে নিৰ্মাণ কৰিছিল দলংখন ৷
