Viral video :
চৰকাৰী চিকিৎসালয়সমূহ লেতেৰা, ব্যৱহাৰৰ বাবে অনুপযুক্ত শৌচালয়, ৱাৰ্ডৰ চাৰিওফালে ঘূৰি ফুৰে কুকুৰ মেকুৰী । এনে ধৰণৰ অভিযোগ কেতিয়াবা শুনা যায়।
অৱশ্যে, এইটো প্ৰথম বাৰৰ বাবে যে গৰুৰ দৰে এটা ডাঙৰ জন্তু আইচিইউত প্ৰৱেশ কৰিছে। মধ্য প্ৰদেশৰ এখন চৰকাৰী চিকিৎসালয়ৰ বিৰুদ্ধে অৱহেলাৰ অভিযোগ উত্থাপন কৰা হৈছে।
ইতিমধ্যে সামাজিক মাধ্যমত ভাইৰেল হৈ পৰিছে আইচিইউত ঘূৰি ফুৰা গৰুটোৰ ভিডিঅ’ । ইয়াৰ পাছতেই ঘটনাটোৰ বিষয়ে হুলস্থূলীয়া পৰিৱেশৰ সৃষ্টি হয় । নিলম্বন কৰা হৈছে চিকিৎসালয় কৰ্তৃপক্ষই আইচিইউৰ ভাৰপ্ৰাপ্ত বিষয়া আৰু এজন নিৰাপত্তাৰক্ষীক ।
ভাইৰেল ভিদিঅ’টোত ঠাইখনৰ নাম উল্লেখ নাথাকিলেও, ঘটনাটো মধ্য প্ৰদেশৰ ৰাজগড়ত সংঘটিত হোৱা বুলি দাবী কৰা হৈছে। ৰাজগড় জিলা চিকিৎসালয়ৰ আইচিইউ বিভাগত ঘূৰি ফুৰা গৰুৰ ফটো আৰু ভিডি’অ ইতিম্যেই ভাইৰেল (Viral Video) হৈ পৰিছে।
গৰুটোক ৰোগীৰ বিচনাৰ কাষত ঘূৰি ফুৰা দেখা যায়। ইয়াৰ ওপৰিও আশে পাশে সিঁচৰতি হৈ থকা চিকিৎসা আৱৰ্জনাও খাই আছে গৰুটোৱে ।
তথ্য অনুসৰি গৰুটো কিছু সময় ৱাৰ্ডত ঘূৰি ফুৰাৰ পাছত, নিৰাপত্তাৰক্ষীয়ে চিকিৎসালয়ৰ পৰা গৰুটোক উলিয়াই দিয়ে।
ইফালে, চিকিৎসালয়ত গৰু ঘূৰি ফুৰাৰ ঘটনা জানিব পৰাৰ পাছতো অপৰাধীৰ বিৰুদ্ধে ব্যৱস্থা গ্ৰহণ কৰা হোৱা নাই বুলি অভিযোগ উত্থাপিত হৈছে।
ভিডিঅ’টো ভাইৰেল হোৱাৰ পাছত, পাছতেই এজন আইচিইউ ভাৰপ্ৰাপ্ত কৰ্মচাৰী আৰু এজন নিৰাপত্তাৰক্ষীক নিলম্বন কৰা হয়। অৱশ্যে, চিকিৎসালয়খনৰ চিকিৎসক ৰাজেন্দ্ৰ কাটাৰিয়ে এইকথা মানি ল’ব নিবিচাৰিছিল।
জিলা চিকিৎসালয়ৰ পৰা এক বিবৃতিত তেওঁ কয়, “আইচিইউত ঘূৰি ফুৰা গৰুৰ বিষয়ে তথ্য পোৱাৰ পাছত এই ব্যৱস্থা গ্ৰহণ কৰা হৈছিল।” দায়িত্বত থকা নিৰাপত্তাৰক্ষীজনক কৰ্তব্যত অৱহেলা কৰাৰ বাবে নিলম্বিত কৰা হৈছে। “
Viral video: Cow roams inside ICU in MP hospital
Read @ANI Story | https://t.co/izghfpef0i#MadhyaPradesh #ICU #hospital #cow pic.twitter.com/m3oEeD5Dgh
— ANI Digital (@ani_digital) November 19, 2022
ইফালে, এই ঘটনাৰ পাছতে বিৰোধীয়ে বিজেপি শাসিত ৰাজ্যখনত চিকিৎসা সেৱা সন্দৰ্ভত প্ৰশ্ন উত্থাপন কৰিছে। ৰোগীৰ আত্মীয়সকলেও এই অব্যৱস্থাৰ বিষয়ে জনাই।
তেওঁলোকে এইটোও কয় যে চিকিৎসালয়ৰ বিভিন্ন ঠাইত লেতেৰা পৰি আছে। অভিযোগ কৰা হৈছিল যদিও কৰ্তৃপক্ষই ব্যৱস্থা গ্ৰহণ কৰা নাছিল। অৱশ্যে, জিলা চিকিৎসালয় কৰ্তৃপক্ষ আই চি ইউ বিভাগত গৰু প্ৰৱেশৰ ঘটনা পোহৰলৈ অহাৰ পাছতে অতি অস্বস্তিকৰ হৈ পৰিছে।
