If India stops rice, porridge and water, what will Bangladesh eat?:
শেখ হাছিনা চৰকাৰৰ পতনৰ পাছত অন্তৱর্তী চৰকাৰৰ শাসনত সংখ্যালঘু নির্যাতনৰ ব্যাপক অভিযোগ উঠিছে বাংলাদেশত। এনে ঘটনাৰ পৰিপ্ৰেক্ষিতত ৰাষ্ট্ৰসংঘৰ প্ৰশ্নৰ সম্মুখীন হৈছে মহম্মদ ইউনুছ চৰকাৰ। কিন্তু ইয়াৰ পাছতো বাংলাদেশত হ্রাস পোৱা নাই সংখ্যালঘুক আক্রমণ আৰু নির্যাতনৰ ঘটনা।
শেহতীয়াভাৱে ইস্কনৰ বাংলাদেশৰ মুৰব্বী চিন্ময় কৃষ্ণ দাস ব্রহ্মচাৰীক গ্রেপ্তাৰ কৰাক লৈ বিশ্বজুৰি প্রতিক্রিয়াৰ সৃষ্টি হৈছে। ব্রহ্মচাৰীৰ গ্রেপ্তাৰৰ ঘটনাক তীব্র নিন্দা কৰি সামাজিক মাধ্যমৰ জৰিয়তে ইউনুছ চৰকাৰক তীব্র কটাক্ষ কৰিলে
স্বনির্বাসিত বাংলাদেশী লেখিকা তছলিমা নাছৰিনে।
ফে’চবুকত ভাৰতৰ পৰা বাংলাদেশে কৰি অহা ৰপ্তানিৰ প্ৰসংগ উল্লেখৰে তছলিমাই এইদৰে লিখিলে, ‘ইউনুছ আৰু তেওঁৰ সন্ত্রাসবাদী বন্ধুসকল প্রচণ্ড ভাৰত বিদ্বেষী। ভাৰতে যদি চাউল, দাইল, পিঁয়াজ, নহৰু, আলু, পটল, নিমখ, চেনি, গৰু-ছাগলী প্রেৰণ বন্ধ কৰি দিয়ে, তেন্তে বাংলাদেশৰ মানুহে কি খাই জীয়াই থাকিব সেয়া এবাৰ চাব বিচাৰো। যদি পানী বন্ধ কৰি দিয়ে, বিদ্যুৎ বন্ধ কৰি দিয়ে?’ তছলিমাই লগতে প্রশ্ন কৰে যে সন্ত্রাসক পৃষ্ঠপোষকতাৰ কাৰণত যদি পাশ্চাত্যৰ দেশসমূহে বাংলাদেশত উৎপাদিত সাজ-পোছাক ক্রয় বন্ধ কৰে, তেন্তে দেশখনৰ কি হ’ব ?