Saif Ali Khan Attack:
ছেইফ আলী আক্ৰমণকাৰী’ৰ সন্দেহত এজন যুৱকক গ্ৰেপ্তাৰ কৰিছিল আৰক্ষীয়ে । দীঘলীয়া জেৰা আৰু নিৰ্যাতনৰ পাছত যুৱকজনক মুকলি কৰি দিয়া হয়।
তাৰ পাছতে এইবাৰ সেই যুৱকজনে অভিযোগৰ আঙুলি তুলিলৈ আৰক্ষীলৈ । কেৱল নিৰ্যাতনেই নহয়, অভিনেতা চেইফ আলী খানৰ আক্ৰমণকাৰী বুলি প্ৰচাৰৰ পাছতে তেওঁ চাকৰি হেৰুৱাৰ লগতে তেওঁৰ বিবাহো বিচ্ছেদ হয়।
৩১ বছৰীয়া যুৱকজনক নাম আকাশ কৈলাশ কনোজিয়া । ১৭ জানুৱাৰীৰ নিশা কলাবাৰ নিবাসী আকাশে দ্যানেশ্বৰী এক্সপ্ৰেছত উঠি বিলাসপুৰত নিজৰ হ’বলগীয়া পত্নীক লগ কৰিবলৈ যায় । তাৰ পাছতে তেওঁক দূৰ্গ ষ্টেচনত আৰপিএফ জোৱানে আটক কৰে ।
ছেফৰ আক্ৰমণকাৰী’ৰ সন্দেহত আৰম্ভ হয় জেৰা । কেৱল সেয়াই নহয়, আৰপিএফে আকাশৰ নাম আৰু ফটোৰে এখন প্ৰেছ বিবৃতিও প্ৰকাশ কৰে আৰু তাৰ পাছতে ছবিখন সামাজিক মাধ্যমৰ জৰিয়তে দ্ৰুত গতিত বিয়পি পৰে । পৰিস্থিতি এনেকুৱা আহি পৰে যে যুৱকজনে চাকৰিও হেৰুৱাব লগা হয় । ভাঙি যায় বিয়াও।
কোলাবাৰ এটা ভ্ৰমণ সংস্থাত কাম কাম কৰিছিল আকাশে । ১৭ জানুৱাৰীত যুৱকজনক মুম্বাই আৰক্ষীৰ ফোন আহে। ফোনত আকাশ ঘৰত আছে নে নাই প্ৰশ্ন কৰাত দুটামান প্ৰশ্নোত্তৰৰ পাছতে ফোনটো বন্ধ হৈ গ’ল। ইয়াৰ পাছতে সেই নিশা আৰ পি এফৰ হাতত ধৰা পৰে যুৱকজন।
অভিযোগ অনুসৰি কৰ্তব্যৰত আৰ পি এফৰ জোৱানসকলে বাৰে বাৰে বুজাবলৈ বা প্ৰমাণ দিবলৈ চেষ্টা কৰিছিল যদিও কোনো ফল নাপালে। আকাশে যে ছেইফক আক্ৰমণ কৰা নাছিল, সেই কথা মানি ল’বলৈ সকলোৱে অনিচ্ছুক হয় । অৱশ্যে সেই ভুলটো উপলব্ধি কৰাৰ পাছত পিছদিনা তেওঁক মুকলি কৰি দিয়া হ’ল। কিন্তু তেতিয়ালৈকে কি ঘটিছিল !
১৫ জানুৱাৰীৰ নিশা ছেফক আক্ৰমণ কৰা হয়। ছেফক মুম্বাইৰ লীলাৱতী চিকিৎসালয়ত ৰক্তাত্ত অৱস্থাত ভৰ্তি কৰোৱা হয়। তেতিয়াৰ পৰা, মুম্বাই আৰক্ষীৰ অপৰাধ শাখাৰ বিষয়াসকলে বান্দ্ৰাৰ সতগুৰু শৰণ হাউচিংত কে’বাটাও অনুসন্ধান চলাই আহিছে। মুম্বাই আৰক্ষীয়ে অঞ্চলটোৰ চিচিটিভি ফুটেজ স্কেন কৰাৰ পাছত প্ৰথমে চাৰিজন লোকক গ্ৰেপ্তাৰ কৰে। শ্বৰিফুল ইছলাম শ্বেহজাদ নামৰ অভিযুক্তজনক পাছত থানে অঞ্চলৰ শ্ৰমিক বসতিৰ পৰা গ্ৰেপ্তাৰ কৰা হয়।