Salman Khan:এটা বৰফৰ উপত্যকা। চাৰিওফালে নিস্তব্ধতা। তাতেই ৰক্তাক্ত ছলমান খান। কপালৰ পৰা তেজ ওলাই আহিছে। আঘাতপ্রাপ্ত হাত। ৰঙা চকুৰে তেওঁ স্থিৰ হৈ চাই আছে।
শুকুৰবাৰে সন্ধিয়া এই বেশত ধৰা পৰিল ছলমান খান। লগে লগে অনুৰাগীসকল স্তম্ভিত হৈ পৰিল। হঠাতে ছলমানৰ কি হ’ল? গালৱান উপত্যকালৈ গৈ ছলমান খান কেনেকৈ ইমান ৰক্তাক্ত হৈ পৰিল? চলিত বৰ্ষত মুক্তি পাইছে ছলমানৰ ছবি ‘চিকন্দৰ’; কিন্তু সেই ছবিখন বক্স অফিচত বিফল হৈছিল।
ছবিখন মুক্তি পোৱাৰ কেইঘণ্টামানৰ ভিতৰতে নেট মাধ্যমত জৰিয়তে বিয়পি পৰিছিল। সেইবাবেই নির্মাতাসকলে ছবিখনে সফলতা লাভ কৰা নাছিল বুলি ভাবে। সেই বিফলতা পাছতে ভাইজান গলৱান উপত্যকা পালেগৈ। এইবাৰ তেওঁ দেশৰ বাবে যুঁজিব।
গতিকে এইবাৰ সৈনিকৰ বেশত দেখা যাব নেকি ছলমানক? ভাইজানৰ নতুন ছবি ‘বেটল অৱ গালৱান’ৰ প্ৰথম আভাস দেখাৰ পিছত সেইটোৱেই প্রশ্ন উত্থাপন হয়।
তেওঁ নিজেই ছবিখনৰ আভাস ছচিয়েল মিডিয়াত শ্বেয়াৰ কৰিছে। সেই আভাসৰ লগে লগে বাজি আছে ‘জয় হিন্দ’ গীতটো। ছলমানক এই ৰূপত দেখি মুগ্ধ হৈ পৰিছে তেওঁৰ অনুৰাগী।
তেওঁলোকে কয়, ‘বলিউদত কিবা এটা ডাঙৰ কথা হ’ব।’ এজন অনুৰাগীয়ে লিখিছে, ‘ছলমানক এনেকৈ দেখিলে মোৰ গাত কাঁইটে বিন্ধাৰ দৰে লাগে। তেওঁ শ্ৰেষ্ঠৰ ভিতৰত শ্রেষ্ঠ।’ আন এজনে লিখিছে, ‘টাইগাৰ ঘূৰি আহিছে।’
জনা যায় যে হিমেশ ৰেশমিয়াই বেকগ্রাউণ্ড মিউজিক কৰিছে। তেওঁ ছবিখনৰ গীতসমূহো পৰিচালনা কৰিছে। ছবিখনৰ পৰিচালক অপূর্ব লাখীয়া। সত্য কাহিনীৰ আধাৰত নির্মিত হ’ব এই ছবিখন।
২০২০ত লাডাখৰ গালৱান উপত্যকাত ভাৰতীয় সেনাই চীনা সেনাৰ স’তে মুখামুখি হৈছিল। সেই সংঘর্ষত ২০ জন ভাৰতীয় জোৱান আৰু কিছু সংখ্যক চীনা জোৱানৰ মৃত্যু হয়।
জানিব পৰা মতে সেই অঞ্চলতে ছবিখনৰ দৃশ্যগ্ৰহণ কৰা হ’ব। ইয়াৰ উপৰিও ছবিখনৰ কিছু অংশ মুম্বাইত শুটিং কৰা হ’ব। কর্ণেল বি সন্তোষ বাবু নামৰ এটা চৰিত্ৰত দেখা যাব ছলমানক। জুলাইৰ শেষৰ পৰা আৰম্ভ হ’ব ছবিখনৰ শুটিং।