Bollywood:✒️যশ ৰাজ ফিল্মছৰ স্পাই ইউনিভাৰ্ছত আকৌ ডাঙৰ বিস্ফোৰণ ঘটিবলৈ ওলাইছে। সৌজন্যত তেওঁলোকৰ নতুন ছবি ‘ৱাৰ ২’। এই ছবিত মেজৰ কবীৰ হৈ পুনৰ উভতি আহিব হৃত্বিক ৰোছন। এইবাৰ তেওঁৰ লগত থাকিব দক্ষিণৰ ছুপাৰষ্টাৰ জুনিয়ৰ এনটিআৰ আৰু অভিনেত্রী কিয়াৰা আদৱানী।
ইতিমধ্যে বলিউদত চৰ্চাৰ শীৰ্ষত আছে ‘ৱাৰ ২’। ছবিখনে ইতিমধ্যে ইউ/এ প্রমাণ পত্ৰ লাভ কৰিছে। এই ছবিখনৰ দৈর্ঘ্য দুঘণ্টা ৫৩ মিনিট। অর্থাৎ স্পাইভাৰ্ছৰ ইতিহাসত দীর্ঘতম।
ইয়াৰ বাহিৰতো আছে এক পৃথক প’ষ্ট-ক্রেডিট ছিকুৱেন্স, যাক কেন্দ্ৰ কৰিয়ে জল্পনা তুংগত উঠিছে। সূত্রই মন্তব্য কৰিছে যে এয়া কেৱল টিজাৰ নহয়, বৰঞ্চ স্পাইভাৰ্ছৰ ভৱিষ্যতৰ ৰূপৰেখা সৃষ্টিৰ মূল চাবিকাঠি।
প’ষ্ট-ক্রেডিটত আছে চালে চকু চাট মৰা তাৰকাৰ সমাহাৰ। ‘ৱাৰ ২’ৰ প’ষ্ট-ক্রেডিট ছিকুৱেন্সত থাকিব শ্বাহৰুখ খান, ছলমান খান, আলিয়া ভাট আৰু শৰ্বৰী ৱাগ।
কোৱা বাহুল্য যে শ্বাহৰুখ আৰু ছলমানক দেখা যাব পাঠান আৰু টাইগাৰৰ ৰূপত। আনহাতে, আলিয়া আৰু শৰ্বৰীক আসন্ন ছবি ‘আলফা’ৰ প্ৰধান অপাৰেটিভৰূপে তুলি ধৰিব বিচাৰিছে যশ ৰাজ ফিল্মছে আৰু ‘ৱাৰ ২’ হ’ব সেই বৃহৎ হেণ্ডঅভাৰ পইন্ট।
‘ৱাৰ ২’ত ইয়াৰ প্ৰথমখন ছবিৰ দৰে ভাৰতীয় গুপ্তচৰ সংস্থা ৰ’ৰ এজেন্ট মেজৰ কবীৰৰ চৰিত্ৰতে অভিনয় কৰিছে হৃত্বিকে। প্রথম ছবিতো এই ছুপাৰ এজেণ্টজন তুমু উত্তেজনাৰ শীৰ্ষত আছিল।
জুনিয়ৰ এনটিআৰৰ চৰিত্ৰটো এই পর্যন্ত ৰহস্যাবৃত কৰি ৰাখিছে পৰিচালক আয়ান মুখার্জীয়ে। কিয়াৰাই এইবাৰ স্পাইভাৰ্ছত আছে কাব্যা লুথৰা। তেওঁক কেন্দ্ৰ কৰি সৃষ্টি হোৱা গুঞ্জনটো হৈছে তেওঁ বাৰু কর্ণেল লুথৰা (আশুতোষ ৰাণা)ৰ কন্যা নেকি?
উল্লেখ্য যে যশ ৰাজৰ পৰৱৰ্তী ছবি ‘আলফা’ত আলিয়া আৰু শৰ্বৰীক স্পাই এজেণ্টৰ ৰূপত দেখা পোৱা যাব।ইতিমধ্যেই চিত্রগ্রহণ চলি থকা ছবিখনো একচনৰে ভৰা হ’ব। ইপিনে, এক সূত্রই দাবী কৰিছে যে ‘ৱাৰ ২’ত যশ ৰাজ ফিল্মছৰ আন এক জনপ্রিয় ছবিৰ ফ্রেঞ্চাইজিৰ চতুৰ্থ ছবি ‘ধুম ৪’ৰ ইংগিতো পোৱা যাব। য’ত থাকিব পাৰে ৰণবীৰ কাপুৰ।