Actress-MP Kangana Ranaut:
ৰাজনীতিৰ পৰা হেৰাই গৈছে নেকি কংগনা ৰাণাৱত। কিছুদিন পূর্বে এক সাক্ষাৎকাৰত অভিনেত্রী তথা সাংসদ কংগনা ৰানাৱটে কৈছে যে তেওঁ এতিয়া ৰাজনীতিত ভাল নাপায়। হিমাচলৰ মাণ্ডী সমষ্টিৰ অভিনেত্রী তথা সাংসদ গৰাকীয়ে ৰাজনীতিক ‘চখ’ বুলি কৈছে।
পঞ্চায়ত পর্যায়ত সকলো সৰু সৰু সমস্যা লৈ তেওঁৰ ওচৰলৈ আহে। সেইবাবেই অভিনেত্ৰী গৰাকীয়ে ইংগিত দিলে যে তেওঁ এতিয়া সাংসদৰ কাম উপভোগ কৰা নাই। এইবাৰ তেওঁ উপাৰ্জনৰ প্ৰতি ক্ষোভ প্রকাশ কৰে।
এইবাৰ আন এটা সাক্ষাৎকাৰত কংগনাই কয় মই সদায় এটা কথা কওঁ, ৰাজনীতি এটা অতি ব্যয়বহুল চখ। আপুনি যদি সাংসদ হয় তেন্তে ৰাজনীতি পেছা হ’ব নোৱাৰে। কাৰণটো হ’ল ইয়াৰ লগতে চাকৰি এটাও প্রয়োজন হ’ব। অৱশ্যে সৎ মানুহ হ’লেহে। কংগনাই দাবী কৰে যে সৎ ৰাজনীতিৰ জৰিয়তে উপাৰ্জন কৰা আৰু সেই উপার্জনেৰে জীয়াই থকাটো কঠিন। সেইবাবেই আন এটা চাকৰিৰ প্ৰয়োজন। অভিনয়ৰ পৰাই ৰাজনীতিৰ জগতলৈ আহিছিল কংগনা।
অভিনেত্ৰী গৰাকীয়ে ক’লে, ‘এটা কথা বুজিলো। এজন সাংসদক যি দৰমহা দিয়া হয়, ৰান্ধনী বা চালকৰ দৰমহা দিয়াৰ পিছত মাত্র ৫০ পৰা ৬০ হেজাৰ টকা বাকী থাকে হাতত।’ ভাৰতত এজন সাংসদৰ’দৰমহা প্রায় ১.২৪ লাখ টকা।
কংগনাই লগতে কয় যে গাড়ীৰে তেওঁৰ সমষ্টিৰ যিকোনো অঞ্চল ভ্রমণ কৰিবলৈ গ’লেও বহুত খৰচ হয়। কাৰণ প্ৰতিটো অঞ্চলৰ মাজৰ দূৰত্ব প্রায় ৩০০-৪০০ কিলোমিটাৰ কংগনাই ক’লে। সেইবাবেই ৰাজনীতি বৰ ব্যয়বহুল চখ। সেইবাবেই সুকীয়া চাকৰিৰ প্ৰয়োজন। বহুত সাংসদ আছে যাৰ ব্যৱসায় আছে বুলি কয় সাংসদগৰাকীয়ে।
কংগনাই মন্ত্ৰীৰ পদবী বিচাৰিছিল নেকি? এই প্রসংগত অভিনেত্ৰী গৰাকীয়ে কয়, ‘মই এগৰাকী চলচ্চিত্ৰ পৰিচালক। মই এগৰাকী লেখিকা। মই পদ্মভূষণৰ দৰে সন্মান লাভ কৰিছো। এই প্রেক্ষাপটত ক’ব লাগিব যে মই এই দলৰ বাবে বহু কাম কৰিছো। মোৰ সমষ্টিত জয়ী হোৱাটো সহজ নাছিল। মই বহুদিন প্ৰচাৰ চলাব লগা হৈছিল। শেষ পৰ্যায়ৰ ফালে মোৰ সমষ্টিত নির্বাচন আহিল। সেয়েহে মই অনুভৱ কৰিছিলো যে মই অন্ততঃ মন্ত্রী পর্টফলিঅ’ এটা লাভ কৰা উচিত বুলি মন্তব্য কৰে কংগনা ৰাণাৱতে।