Baba vanga:✒️জীৱিকাত তেওঁ এগৰাকী মাংগা শিল্পী যদিও এতিয়া পৰিচিতি লাভ কৰিছে ‘জাপানৰ নতুন বাবা ভাংগা’ৰূপে। চাৰি বছৰৰ আগতেই তেওঁ ভবিষ্যদ্বাণী কৰিছিল যে ২০২৫ৰ জুলাইত ভয়ংকৰ ছুনামিৰ কবলত পৰিব জাপান।
সেই ভবিষ্যদ্বাণীয়েই যোৱা বুধবাৰে সত্যত পৰিণত হয়। তাৰ পাছৰ পৰাই নতুনকৈ চর্চা লাভ কৰিছে ৰিঅ’ তাৎঢুকি নামৰ জাপানী মহিলাগৰাকীয়ে। অৱশ্যে তেওঁ পাঁচ জুলাইত ছুনামি আহিব বুলি কৈছিল।
সেই হিচাপত তেওঁৰ ভবিষ্যদ্বাণী ২৫ দিনৰ পাছত ফলিয়ালে। তৎসত্ত্বেও ইয়াতেই উৎফুল্লিত হৈ পৰিছে তাৎচুকিৰ অনুৰাগীসকল।
যোৱা বুধবাৰে ৮.৮ মাত্ৰাৰ কম্পন কঁপি উঠিছিল কামচটকা। তাৰ পাছতে ছুনামিৰ ঢৌ আছাৰ খাই পৰে জাপানৰ হোক্কাইডো উপকূলবর্তী অঞ্চলত। ইয়াৰ পাছতো জাপানসহ আন ঠাইত ছুনামিৰ ঢৌৱে আঘাত কৰিব পাৰে বুলি আশংকা কৰা হৈছিল।
সামাজিক মাধ্যমত ইতিমধ্যেই প’ষ্ট কৰি তাৎচুকিৰ এজন অনুৰাগীয়ে দাবী কৰিছে, ‘দিনটো হয়তো নিমিলল; কিন্তু আপুনি ৰিঅ’ তাৎচুকিক সম্মান জনাবই লাগিব।’ ১৯৯৯ত প্রকাশ পাইছিল তাৎছুকিৰ গ্ৰন্থ ‘দ্য ফিউচাৰ আই ছ”।
সেই গ্রন্থত বাবা ভাংগাৰ শৈলীতে তেওঁ ডায়েৰীৰ দৰে নানা সপোনৰ কথা লিখিছিল। কৰিছিল কেতবোৰ ভবিষ্যদ্বাণী। ইয়াৰে বহু ভবিষ্যদ্বাণী পৰৱৰ্তী সময়ত সত্য হোৱা দেখা গৈছিল।
২০২১ত সেই গ্ৰন্থৰে এক নতুন সংস্কৰণত তাৎছুকিয়ে যুক্ত কৰিছিল এটা নতুন ভবিষ্যদ্বাণী। জনাইছিল, তেওঁ স্বপ্নত দেখা পাইছে যে জাপান আৰু ফিলিপাইন্সৰ মাজত সাগৰৰ তলিত ফাট মেলিছে আৰু তাৰ পৰাই পৰিষ্কাৰ যে জুলাইত জাপানত ভয়াৱহ ছুনামি হ’ব। ইয়াৰ পাছতে চর্চা আৰম্ভ হয়।
দক্ষিণ কোৰিয়া আৰু চীনৰ পৰা যিসকল পর্যটকে সেই সময়ত জাপান ভ্রমণৰ পৰিকল্পনা কৰিছিল, তেওঁলোকে নিজৰ পৰিকল্পনা বাতিল কৰিবলৈ আৰম্ভকবে। যদিও একাংশ বিশেষজ্ঞই দাবী কৰে যে আধুনিক বিজ্ঞানত প্ৰায়েই ভূমিকম্পৰ এক আগতীয়া উমান পোৱা যায়; কিন্তু জুলাইত তেনে কোনো বিপদৰ আশংকা জাপানত নাই।
যোৱা বুধবাৰৰ পুৱা তেওঁলোকৰ দাবীত মিছা প্রমাণিত কৰি ‘জাপানৰ নতুন বাবা ভাংগা’ৰ আগজাননী মিলি যায়। ইয়াৰ ফলতে টাৎছুকিয়ে নতুনকৈ জনপ্রিয়তা পাবলৈ আৰম্ভ কৰিছে।