Bangladesh government warns India:
চুবুৰীয়া বাংলাদেশৰ অন্তৱৰ্তীকালীন চৰকাৰে ভাৰতক পুনৰ দিলে সকীয়নি ৷ দেশখনৰ প্ৰধানমন্ত্ৰী পদৰ পৰা অপসাৰিত হৈ ভাৰতত আত্মগোপন কৰি থকা শ্বেখ হাছিনাৰ আবামী লীগক বাংলা চৰকাৰে নিষিদ্ধ কৰাৰ পিছত শেহতীয়াকৈ কলকাতাত দলটোৰ কাৰ্যালয় স্থাপনক লৈ ক্ষুন্ন হৈ পৰিছে ড:ইউনুছ নেতৃত্বাধীন অন্তৱৰ্তীকালীন চৰকাৰ ৷
কলকাতাৰ পৰা আবামী লীগে ঢাকা বিৰোধী কাৰ্যকলাপ আৰম্ভ কৰিছে বুলি অভিযোগ কৰি দেশখনৰ চৰকাৰে অচিৰেই ভাৰত চৰকাৰক শ্বেখ হাছিনাৰ আৱামী লীগৰ কাৰ্যালয় বন্ধ কৰিবলৈ আহ্বান জনাইছে ৷ ঢাকাৰ মতে “বাংলাদেশৰ স্বাৰ্থৰ বাবে ক্ষতিকাৰক” আৱামী লীগ ৷
বাংলাদেশৰ বৈদেশিক পৰিক্ৰমা মন্ত্ৰালয়ে এক বিবৃতিত কয় যে, “বাংলাদেশী নাগৰিকে বিশেষকৈ নিষিদ্ধ ৰাজনৈতিক দলৰ পলাতক নেতা-কৰ্মীসকলে বাংলাদেশৰ স্বাৰ্থৰ বিৰুদ্ধে প্ৰচাৰ চলোৱা যিকোনো ধৰণৰ ৰাজনৈতিক কাৰ্যকলাপ, আইনী বা অবৈধভাৱে ভাৰতৰ মাটিত থকা, কাৰ্যালয় স্থাপনকে ধৰি জনসাধাৰণ আৰু ৰাষ্ট্ৰৰ বিৰুদ্ধে চৰম অপমান।”
অন্তৱৰ্তীকালীন চৰকাৰে দাবী কৰে যে নিজ দেশত অপৰাধমূলক অভিযোগৰ সন্মুখীন হোৱা এ এলৰ জ্যেষ্ঠ নেতাসকল ভাৰততে আশ্ৰয় লৈ আছে আৰু তেওঁলোকে বাংলাদেশ বিৰোধী কাৰ্যকলাপ তীব্ৰতৰ কৰি তুলিছে। ঢাকাই ২১ জুলাইত এটা এন জি অ’ৰ বেনাৰত আয়োজিত দিল্লী প্ৰেছ ক্লাবত অনুষ্ঠিত হোৱা এক অনুষ্ঠানৰ উদ্ধৃতি দি কয়, য’ত এ এলৰ নেতাসকলে পুস্তিকা বিতৰণ কৰে। ইয়াৰ পিছত ভাৰতীয় সংবাদ মাধ্যমত প্ৰকাশিত বাতৰিয়ে ভাৰতৰ মাটিত দলটোৱে “বৰ্ধিত অপপ্ৰচাৰ” অব্যাহত ৰাখিছে ।
ঢাকাই সকীয়াই দিয়ে যে এনে কাৰ্য্যকলাপে “বাংলাদেশত জনসাধাৰণৰ আৱেগক আঘাত হানিব পাৰে,” ৰাষ্ট্ৰৰ ৰাজনৈতিক পৰিৱৰ্তনত প্ৰভাৱ পেলাব পাৰে আৰু “দুয়োখন ঘনিষ্ঠ প্ৰতিবেশী দেশৰ মাজৰ সম্পৰ্ক আৰু অধিক বৃদ্ধিৰ ক্ষেত্ৰত কুটনৈতিক সম্পৰ্ক বিঘ্নিত হোৱাৰ আশংকা নুই কৰিব নোৱাৰি ৷ এনে প্ৰেক্ষাপটত দিল্লীয়ে অবিলম্বে কলকাতাৰ পৰা উচ্ছেদ কৰক আৱামী লীগৰ কাৰ্যালয় ৷