3 US Scientists Get Nobel Prize In Physics For Work In Quantum Mechanics: ৩ আমেৰিকাৰ বিজ্ঞানীলৈ পদার্থ বিজ্ঞানৰ ন’বেল বঁটা

মঙলবাৰে ষ্টকহ’মত ঘোষণা কৰা হ’ল পদার্থ বিজ্ঞানৰ ন’বেল বঁটা প্ৰাপকৰ নাম ৷ তিনি মাৰ্কিন পদার্থ বিজ্ঞানী মিছেল এইছ ডেভৰেট ,জন ক্লার্ক, আৰু জন এম মার্টিনিছলৈ পদাৰ্থ বিজ্ঞান শিতানত ২০২৫ বৰ্ষৰ বাবে আগবঢ়োৱা হয় ন’বেল বঁটা ৷ তিনি বিজ্ঞানীয়ে “এটা বৈদ্যুতিক বৰ্তনীত মেক্ৰ’স্কোপিক কোৱাণ্টাম মেকানিকেল টানেলিং আৰু শক্তি কোৱাণ্টাইজেচনৰ আৱিষ্কাৰ কৰা বাবে নোবেল বঁটা লাভ কৰে।

বঁটা প্ৰদানকাৰী সংস্থাটোৱে এক বিবৃতিত কয় যে এইবাৰৰ পদাৰ্থ বিজ্ঞানৰ নোবেল বঁটাৰ জৰিয়তে কোৱাণ্টাম ক্ৰিপ্টোগ্ৰাফী, কোৱাণ্টাম কম্পিউটাৰ, কোৱাণ্টাম চেন্সৰকে ধৰি পৰৱৰ্তী প্ৰজন্মৰ কোৱাণ্টাম প্ৰযুক্তি বিকাশৰ সুযোগ লাভ কৰা হৈছে।

উল্লেখ্য যে, পদাৰ্থ বিজ্ঞানৰ নোবেল বঁটাটো ৰয়েল ছুইডিছ একাডেমী অৱ চাইন্সে প্ৰদান কৰে আৰু ইয়াত মুঠ ১ কোটি ১০ লাখ ছুইডিছ মুকুট (১২ লাখ ডলাৰ) পুৰস্কাৰৰ ধনৰাশি অন্তৰ্ভুক্ত কৰা হয় |

নোবেল বঁটা প্ৰতিষ্ঠা কৰা হয় আলফ্ৰেড নোবেলৰ ইচ্ছামতে| যিয়ে নিজৰ ডাইনামাইট আৱিষ্কাৰৰ পৰা ধন সংগ্ৰহ কৰিছিল। ১৯০১বৰ্ষৰৰ পৰা একাদিক্ৰমে এই পুৰস্কাৰসমূহে বছৰি বিজ্ঞান, সাহিত্য আৰু শান্তিৰ ক্ষেত্ৰত কৰা কৃতিত্ব দেখুৱা সকলক প্ৰদান কৰি অহা হৈছে ।

নোবেলৰ উইলত উল্লেখ কৰা প্ৰথম শিতানটোৱে আছিল পদাৰ্থ বিজ্ঞান, সম্ভৱতঃ তেওঁৰ সময়ত এই ক্ষেত্ৰখনৰ প্ৰাধান্য প্ৰতিফলিত হৈছিল। আজিও পদাৰ্থ বিজ্ঞানৰ নোবেল বঁটা এই শাখাৰ আটাইতকৈ সন্মানীয় বঁটা হিচাপে বহুলভাৱে গণ্য কৰা হৈছে।

পূৰ্বৰ নোবেল পদাৰ্থ বিজ্ঞান বঁটা বিজয়ীসকলৰ ভিতৰত আছে বিজ্ঞানৰ ইতিহাসৰ কিছুমান প্ৰভাৱশালী ব্যক্তি, যেনে এলবাৰ্ট আইনষ্টাইন, পিয়েৰ আৰু মেৰী কিউৰি, মেক্স প্লেংক আৰু কোৱাণ্টাম তত্ত্বৰ পথ প্ৰদৰ্শক নীলছ বহৰ।

যোৱা বছৰৰ পুৰস্কাৰ লাভ কৰিছিল আমেৰিকাৰ বিজ্ঞানী জন হপফিল্ড আৰু ব্ৰিটিছ-কানাডিয়ান জিঅ’ফ্ৰে হিণ্টনে মেচিন লাৰ্নিঙৰ ক্ষেত্ৰত অগ্ৰগতি লাভ কৰাৰ বাবে যিয়ে কৃত্ৰিম বুদ্ধিমত্তাৰ উত্থানক প্ৰেৰণা যোগাইছিল।

পৰম্পৰা অনুসৰি পদাৰ্থ বিজ্ঞান হৈছে এই সপ্তাহত দ্বিতীয়টো নোবেল বঁটা, ইয়াৰ পূবে দুজন আমেৰিকান আৰু এজন জাপানী বিজ্ঞানীয়ে ৰোগ প্ৰতিৰোধ ক্ষমতা ক্ষেত্ৰত অগ্ৰগতি লাভ কৰাৰ বাবে চিকিৎসা বঁটা লাভ কৰিছে। ৰসায়ন বিজ্ঞানৰ পুৰস্কাৰ সমূহ বুধবাৰে ঘোষণা কৰা হ’ব ৷

আনহাতে ১০ ডিচেম্বৰত আলফ্ৰেড নোবেলৰ মৃত্যুৰ বাৰ্ষিকীত ষ্টকহ’মত অনুষ্ঠিত হোৱা এক অনুষ্ঠানত ছুইডেনৰ ৰজাই বঁটা বিজয়ীসকলক নোবেল বঁটা প্ৰদান কৰিব । শুকুৰবাৰে ঘোষণা হ’বলগীয়া শান্তি বঁটাটো এক সুকীয়া অনুষ্ঠানত প্ৰদান কৰা হ’ব ।