Sore Throat:✒️ঠাণ্ডাৰ প্রকোপ বাঢ়িছে। লগে লগে বৃদ্ধি পাইছে নানা ধৰণৰ ভাইৰাছ আৰু বেক্টেৰিয়েল আক্রমণ। এনে সময়ত সবাতোকৈ বেছিকৈ ভোগে শিশুবোৰে। বিশেষকৈ ডিঙিৰ বিষ, জ্বৰ আৰু অন্যান্য উপসৰ্গত। বেছিৰ ভাগ ডিঙিৰ যন্ত্রণাই হৈছে শ্বাসযন্ত্রৰ ওপৰৰ অংশৰ প্রদাহজনিত কাৰণত। তাৰ লগতে জ্বৰ, মুৰৰ বিষ, কাণৰ বিষ হ’ব পাৰে, ঢোক গিলিবলৈ কষ্ট হয় বা কাহো হ’ব পাৰে।
বিভিন্ন ধৰণৰ ভাইৰাছ, বিশেষকৈ বাইনো ভাইৰাছ ইয়াৰ বাবে দায়ী। কেতিয়াবা স্ট্রেপটোকক্কাছ বেক্টেৰিয়াই আক্রমণ কৰিলেও ডিঙিৰ বিষ হয়। সেয়ে তাৰ পৰা পৰিত্ৰাণ পোৱাৰ বাবে কৰণীয়খিনিও আপুনি জানি থোৱা ভাল।
⇨ নিমখযুক্ত কুহুমীয়া গৰম পানীয়ে কেৱল জীবাণুবোৰকে পৰিষ্কাৰ নকৰে, লগতে প্রদাহ আৰু বিষ কমোৱাতো সহায় কৰে।
একাপ কুহুমীয়া গৰম পানীত আধা চামুচ নিমখ মিহলাই লওক। স্বাদৰ বাবে কেইটোপালমান মৌ মিহলাই ল’ব পাৰে। সেই মিশ্রণেৰে দিনে দুই বা তিনিবাৰ কুলকুলি কৰক।
⇨ হাঁচি, কাহ আৰু ডিঙিৰ ভিতৰত থকা প্ৰচুৰ তৰল পদাৰ্থ বা লেলাবটি নিঃসৰণৰ বাবে শৰীৰ কিছু জলশূন্য হৈ পৰে। সেয়ে প্ৰচুৰ পৰিমাণে পানী বা আন তৰল পদাৰ্থ পান কৰিব লাগে। অৱশ্যে শীতল পানী পৰিহাৰ কৰি চলিব লাগে। ধোঁৱা ওলাই থকা ছ্যুপে ডিঙিৰ প্রদাহ দূৰ কৰাত চমৎকাৰ কাম কৰে।
⇒ মেন্থল, ইউকেলিপ্টাছ বা ফেনল যুক্ত কেতবোৰ লজেঞ্চ পোৱা যায়, যিবোৰ চুহিলে প্রদাহ আৰু বিষ বহুখিনি হ্রাস পায়। এইবোৰে মূলতঃ ক্ল’ৰোছেপ্টিক অর্থাৎ ডিঙিলৈ একপ্রকাৰৰ আৰামদায়ক অনুভূতি আনি দিয়াৰ লগতে জীবাণু নাশতো সহায় কৰে।
⇒ দিনে দুই বা তিনিবাৰ গৰম চাহ পান কৰিলে বহুখিনি আৰাম পাব পাবে। গ্রীণ টি বা আন কোনো হার্বেল চাহ আৰু ভাল। ইচ্ছা কৰিলে চাহত সামান্য পৰিমাণে নেমুৰ ৰস বা লৱংগজাতীয় বস্তু যোগ কৰক। সেইবোৰে ভিটামিন ‘চি’ৰ অভাৱত হোৱা ৰোগ প্ৰতিৰোধত সহায় কৰে।
⇨ পর্যাপ্ত পৰিমাণৰ বিশ্রামে আপোনাক দ্রুতগতিৰে সুস্থ হোৱাত সহায় কৰিব। প্রয়োজন হ’লে অফিচ বা শিক্ষানুষ্ঠানৰ পৰা ছুটী লওক, অবসব পালন কৰক। কণ্ঠস্বৰত যদি পবিবর্তন ঘটে, তেন্তে কথা-বতৰাতো বিবতি লওক।
অধিকাংশ ক্ষেত্রত পেৰাছিটামল বা বিষনাশক ঔষধেই যথেষ্ট। কিন্তু ১০ শতাংশ ক্ষেত্রত ডিঙিত স্ট্রেপটোকক্কাছৰ সংক্ৰমণ ঘটিব পাৰে। সেইক্ষেত্রত এন্টিব্যয় ‘টিকৰ প্ৰয়োজন হ’ব পাৰে। ইয়াৰ বাবে চিকিৎসকৰ পৰামৰ্শ গ্রহণ কৰিব।
গৱেষণাত দেখা গৈছে যে ৪০ শতাংশ ডিঙিৰ বিষৰ উপসর্গ কোনো চিকিৎসা অবিহনেই তিনি দিনৰ ভিতৰতে ভাল হয়। ৮৫ শতাংশ ক্ষেত্রত সুস্থ হয় সাত দিনৰ মুৰত।