Nitin Gadkari:
দেশৰ ৰাজপথ সমূহত দিনক দিনে বৃদ্ধি পাইছে পথ দুৰ্ঘটনাৰ ৷ পথ দুৰ্ঘটনা সংঘটিত হোৱা সময়ত তাৎক্ষণিকভাৱে চিকিৎসা নোপোৱাৰ বাবে বহুজনে কৰুণ মৃত্যু সাৱটি ল’বলগীয়া হয় ৷ এনে প্ৰেক্ষাপটত কেন্দ্রীয় পৰিবহন মন্ত্ৰণালয়ে লৈছে এক ব্যতিক্ৰমী পদক্ষেপ ৷ দিল্লীত ৰাজ্য সমূহৰ পৰিবহণ মন্ত্ৰীৰে হোৱা এক বৈঠকত কেন্দ্রীয় পৰিবহন দপ্তৰৰ মন্ত্ৰী নীতিন গাদকাৰীয়ে সদৰী কৰে যে এতিয়াৰ পৰা ৰাজপথত দুৰ্ঘটনাত আহত হোৱা আহতক চিকিৎসাললৈ অনা ব্যক্তিক ২৫০০০ টকাৰ পুৰস্কাৰ আগবঢ়াব কেন্দ্ৰীয় চৰকাৰে ৷ একেদৰে আহত ব্যক্তিজনে লাভ কৰিব ১,৫০,০০০ টকাৰ চিকিৎসা সেৱা । পথ সুৰক্ষা পুঁজি তথা গাড়ী কিনাৰ সময়ত কৰা থার্ড পার্টী বীমাৰ যোগেৰে এই ধন দিয়া হ’ব বুলি ঘোষণা কৰে কেন্দ্ৰীয় মন্ত্ৰী গৰাকীয়ে ৷ উল্লেখ্য যে কেন্দ্রীয় পৰিবহন মন্ত্ৰণালয়ৰ এক সমীক্ষাত প্ৰকাশ কৰা তথ্য মতে দুৰ্ঘটনাৰ ৬০ মিনিটত ভুক্তভোগীয়ে চিকিৎসা পালে মৃত্যু ৩০ শতাংশলৈ কমাব পাৰি ৷
