ঋণ লৈ ঘৰ বা ফ্লেট এটা কিনাৰ পাছত ইএমআই গণনা কৰি জানো কোনো লাভ আছে? বৰঞ্চ মাহেকীয়া কিস্তিত দুপইচা কেনেকৈ ৰাহি কৰিব পাৰি তাৰ পৰিকল্পনাতহে বেছি গুৰুত্ব দিয়া উচিত। বিশ্বাস – কৰক, এই পইচা বচোৱাৰ ইচ্ছাই আপোনাৰ ক্ষুদ্র চখবোৰ পূৰণ কৰি সুখী কৰি তুলিব পাৰে আপোনাক। বহু সময়ত প্রশ্ন উঠে, সঁচাকৈয়ে ইএমআই হ্রাস কৰাৰ কিবা উপায় আছেনে?
ঋণ পৰিশোধ কৰাৰ উপায় সৰল কৰিব পৰা বা ঋণৰ মাহেকীয়া কিস্তিৰ হেঁচা অলপ হ’লেও হ্রাস কৰিব পৰা উপায় কি? এক পৰিসংখ্যা অনুসৰি, আমাৰ দেশৰ ৮০ শতাংশ মানুহেই কোনোবাটো নহয় কোনেবাটো বিত্তীয় প্রতিষ্ঠানৰ পৰা ঋণ গ্রহণ কৰে। ঋণ লোৱাজনে সাধাৰণতে এক দীর্ঘ সময়ৰ বাবে ইএমআই বা মাহিলি কিস্তিত এই ঋণ পৰিশোধ কৰিব লাগে।
দীর্ঘকালীনভাবে দিবলগীয়া এই ঋণ বেছিভাগৰে বাবে বোজা হৈ পৰে। মাত্রাধিক ধাৰৰ বোজাত বহু লোকৰ ব্যক্তিগত জীৱনৰ সুখ-শান্তি নোহোৱা হৈ পৰে। কিন্তু ঋণ লোৱাজনে ইচ্ছা কৰিলে এই মানসিক ক্লান্তিৰ পৰা সহজতে মুক্তি পাব পাবে। ঋণৰ বোজা কমাব পৰা কেতবোৰ সহজ উপায় আছে। আহকচোন সেই বিষয়ে কিছু কথা জানো…
হাইব্রিড ঋণ
এই ধৰণৰ ঋণ আঁচনিত কিছু সময়ৰ বাবে নির্দিষ্ট সুতৰ হাৰৰ ওপৰত ভিত্তি কৰি ঋণৰাশি দিয়া হয়। কিন্তু পাছত হাইব্রিড ঋণৰ ক্ষেত্রত ফ্লোটিং বেট অনুসৰি সুতৰ হাৰ নিৰ্ধাৰণ কৰা হয়। অর্থাৎ প্রথম তিনি বছৰৰ সুতৰ পাছত গ্রাহকে সুতৰ ভাসমান হাৰ বা সুতৰ পৰিৱৰ্তনশীল হাব বাছি ল’ব পাৰে। নতুন সুতৰ হাৰৰ গাঁথনি বাছনি কৰক
২০১৯ৰ পাছৰে পৰা আমাৰ দেশৰ বিত্তীয় প্রতিষ্ঠানসমূহব সকলো ঋণ এক্সটার্পেল বেঞ্চমার্ক বেট (External Benchmark Rate) অর্থাৎ ৰেপ’ৰ স’তে জড়িত হাৰৰ ভিত্তিত নির্ধাৰণ কৰাৰ নিয়ম চলি আহিছে যদিও পুৰণি ঋণগ্রহীতাই সুতৰ হাৰ পৰিৱৰ্তনৰ বাবে আবেদন কৰিলে ইবিআৰ পদ্ধতিৰ জৰিয়তে সলনি কৰাটো সম্ভব। কিয়নো গ্রাহকে উন্নত ক্রেডিট স্ক’ৰৰ ভিত্তিত সুতৰ হাৰ হ্রাস কৰিবলৈ বেংকত নিজাববীয়াকৈ আবেদন কৰিব পাৰে। এই সুবিধাৰ বিষয়ে অবশ্যে বহু গ্রাহকেই নাজানে।
আন বেংকৰ ঋণৰ সুতৰ হাৰ জনাটো আপোনাৰ বাবে গুৰুত্বপূৰ্ণ আপুনি দি থকা সুতৰ হাৰৰ লগতে আন বেংকৰ সুতৰ হাৰৰ ওপৰতো চকু ৰাখক। যদি আপুনি কম সুতৰ হাৰৰ কোনো সম্ভেদ বিচাৰি পাইছে, তেন্তে ঋণদাতা বেংক বা প্রতিষ্ঠানটো সলনি কৰাৰ কথাও চিন্তা কৰিব পাৰে।
ক্রেডিট স্ক’ৰক আপোনাৰ সুবিধাৰ বাবে ব্যৱহাৰ কৰক:
যদি আপুনি ঋণ পৰিশোধ কৰাৰ ক্ষেত্ৰত সঠিক অনুশাসন নিশ্চিত কৰে, তেন্তে আপুনি ইয়াৰ পুৰস্কাৰৰো যোগ্য। উন্নত ক্রেডিট স্ক’বৰ ভিত্তিত গ্রাহকে সুতৰ হাৰ হ্রাস কৰিবলৈ বেংকত আবেদন কৰিব পাৰে।
কার্যকাল বৃদ্ধি:
যদি আপুনি বৃদ্ধি পোৱা ইএমআই পৰিশোধ কৰাত অসুবিধা পায়, তেন্তে আপুনি ঋণদাতাক ম্যাদ বৃদ্ধিৰ মাধ্যমৰে মাহেকীয়া কিস্তি হ্রাস কৰিবলৈ অনুৰোধ কৰিব পাৰে।
