যোৱা বছৰৰ ২২ এপ্রিলত জন্ম-কাশ্মীৰৰ পহলগামৰ ঘটনাত শিয়ৰি উঠিছিল সমগ্র দেশ। সন্ত্রাসবাদীৰ আক্ৰমণত ২৬জন লোক নিহত হৈছিল। পর্যটকসকলৰ মাজৰ পৰা বাছি বাছি পুৰুষসকলক ‘লক্ষ্য’ কৰি লৈছিল সন্ত্রাসবাদীয়ে। তাৰ কিছুদিনৰ পাছতে প্রত্যাঘাত কৰিবলৈ ভাৰতীয় সেনাই চলাইছিল ‘অপাৰেচন সিন্দূৰ’।
আক্রমণ চলাইছিল পাকিস্তানত। সেই ঘটনাক কেন্দ্র কবিয়ে এইবাৰ বলিউদত ছবি নির্মাণ কৰিব পৰিচালক বিবেক অগ্নিহোত্রীয়ে। ছবি নির্মাণৰ বাবে হেনো ঘটনাৰ সকলেখিনি বিশ্লেষণ কৰি গৱেষণা কৰা হৈছে।
এই ছবিৰ বাবে প্রযোজক ভূষণ কুমাৰৰ স’তে যুটি বান্ধিছে বিবেকে। বিবেকে ছবিখন প্রযোজনাও কৰিব। ভূষণ থাকি সহযোগী প্রযোজকৰূপে। পহলগাম কাণ্ড আৰু অপাৰেচন সিন্দুৰৰ কথা উঠি আহিলেও এই ছবিয়ে কোনো চাঞ্চল্য সৃষ্টি নকৰিব, বৰঞ্চ ছবিখনত থাকিব বিশদ তথ্য। বিবেকে এই কথা জনাইছে।
বিবেকৰ বিৰুদ্ধে ইয়াৰ পূৰ্বেও ‘প্রোপাগাণ্ডা’ ছবি নিৰ্মাণৰ অভিযোগ উঠিছিল। ইয়াক লৈ বিস্তৰ বিতৰ্কও হৈছে। সম্প্রতি সামাজিক মাধ্যমত এই ছবিৰ প্রসংগত প্রযোজক-পৰিচালকজনে লিখিছে, ‘অপাৰেচন সিন্দুৰ ছবিৰ বাবে মই আৰু ভূষণ কুমাৰে জোঁট বান্ধিছো। পাকিস্তানে তেওঁলোকৰ পাৰমাণবিক শক্তিক লৈ যি কাহিনী শুনায়, তাৰ কিমান সঁচা আৰু কিমান মিছা, সেয়া ফাদিল কৰিছিল অপাৰেচন সিন্দূৰে।’
তেওঁ লগতে লিখিছে, ‘ভাৰতীয় সেনাৰ নানা শাখাৰ স’তে জোঁট বান্ধি ছবিখনৰ বাবে গৱেষণা কৰা হৈছে। বাস্তৱৰ পৰা উঠি আহিছে এই ছবি। কোনো চাঞ্চল্য সৃষ্টি কৰিবলৈ নহয়।
সঁচাটো সকলোৰে সন্মুখলৈ অনাৰ বাবে এই ছবিখন নিৰ্মাণ কৰা হৈছে। ইয়াত সকলো তথ্য স্বচ্ছতাৰে তুলি ধৰা হ’ব। লগতে অৱশ্যে চিনেমাৰ মেজিকো থাকিব। ‘ উল্লেখ্য যে ইয়াৰ পূৰ্বে বিবেকৰ ছবি ‘দ্য কাশ্মীৰ ফাইলছ’ আৰু ‘দ্য বেংগল ফাইলছ’ক কেন্দ্ৰ কৰি প্ৰচুৰ বিতর্ক হৈছিল।
