Hailakandi:পাক সন্ত্ৰাসবাদীৰে সম্পৰ্ক থকাৰ অভিযোগত হাইলাকান্দিত জেহাদী গ্ৰেপ্তাৰ

Hailakandi:

দৈনিক অগ্ৰদূত ডিজিটেল ডেস্ক:ৰাজ্যৰ ভাৰত -বাংলাদেশ সীমান্তৱৰ্তী অঞ্চলত দিনক দিনে বৃদ্ধি পাইছে জেহাদীৰ কুজকাৱাজ ৷ পাকিস্তানী বেচ সন্ত্ৰাসবাদী সংগঠনৰ সম্পৰ্ক থকাৰ অভিযোগত মঙলবাৰে হাইলাকান্দি আৰক্ষীৰ জালত পৰিল এজন দুৰ্ধৰ্ষ জেহাদী। পাকিস্তানী মদদপুষ্ট ছাহজ্জাদ ভাট্টী নেটৱৰ্ক নামৰ জেহাদী সংগঠনৰ লগত জড়িত থকাৰ অভিযোগত ফজল ইছলাম বৰভূঞা নামৰ একৈশ বছৰীয়া যুৱকজনক এছটিএফ দলে হাইলাকান্দিৰ ৰামনাথপুৰত অৰ্তকিতে অভিযান চলাই আটক কৰিবলৈ সক্ষম হয় ৷

উল্লেখ্য যে ধৃত ফজল চেহজাদ ভাট্টি নেটৱৰ্কৰ হৈ কামকাজ অব্যাহত ৰাখিছিল ভাৰত -বাংলাদেশ সীমান্তৱৰ্তী অঞ্চলত ৷ এই সন্দৰ্ভত আৰক্ষীয়ে তথ্য লাভ কৰাৰ বিষয়ে নিশ্চিত হৈ দীৰ্ঘদিন ধৰি পলাতক হৈ আছিল ফজল ইছলাম। অৱশেষত আৰক্ষীৰ জালত পৰে দুৰ্ধৰ্ষ জেহাদীটো ৷ ইতিমধ্যে এছটিএফৰ উচ্চ পদস্থ বিষয়াই অধিক তথ্যৰ বাবে জেৰা চলাই আছে ৷