Yogi adityanath Election Rally In Barpeta And Barchalla:
দৈনিক অগ্ৰদূত ডিজিটেল ডেক্স:ৰাজ্যৰ বিধানসভা নিৰ্বাচনলৈ মাজত মাত্ৰ পাঁচটা দিন থকা অৱস্থাত হাই প্ৰফাইল তাৰকা প্ৰচাৰকে উবুৰি খাই পৰিছে প্ৰচাৰাভিযানত ৷ শাসক- বিৰোধীৰ প্ৰাৰ্থীৰ হৈ দৈনিক ইজনৰ পিছত সিজনকৈ ষ্টাৰ প্ৰচাৰকে অংশ গ্ৰহণ কৰিছে প্ৰচাৰ সভাত ৷
ৰাজ্যৰ ৰাজনীতি বতাহৰ মাজতে শুকুৰবাৰে অসমত উপস্থিত হয় কট্টৰ হিন্দুত্ববাদী নেতা ৰুপে পৰিচিত উত্তৰ প্ৰদেশৰ মুখ্যমন্ত্ৰী যোগী আদিত্যনাথ ৷ মুখ্যমন্ত্ৰী গৰাকীয়ে বিজেপি মিত্ৰজোঁটৰ প্ৰাৰ্থীৰ হৈ দুখনকৈ জন সভাত অংশ লয় । প্ৰথমে হিন্দুত্ববাদী নেতাজনে প্ৰথমে গুৱাহাটী পৰা হেলিকপ্টাৰেৰে উপস্থিত হয় বৰপেটাত ৷ বৰপেটাত সমষ্টিটোৰ অগপৰ প্ৰাৰ্থী দীপক কুমাৰ দাসৰ হৈ আয়োজিত বিশাল সভাত অংশ লৈ কংগ্ৰেছৰ বিৰুদ্ধে সৰৱ হৈ পৰে ৷ ৰাজ্যখনৰ অধিক সময়কাল অসমৰ শাসনৰ গাদীত থকা কংগ্ৰেছে অবৈধ অনুপ্ৰৱেশকাৰী চৰণীয়া পথাৰ বনালে অসম ৷ খিলঞ্জীয়া জাতি- জনগোষ্ঠীৰ সবাংগীন উন্নয়নলৈ পিঠি দি অসমক এক বিশেষ গোষ্ঠীৰ হাতত গতাই দিয়ে ৷ আনকি কাজিৰঙাৰ গড়ো সুৰক্ষিত নহ’ল ৷ বিগত একেলেথাৰিয়ে ১৫ টা বৰ্ষত অসম গৌৰৱ এশিঙিয়া গড় ইটোৰ পিছত সিটোকৈ নিধন হয় ৷আনকি কাজিৰঙাৰ অধেক অংশ বেদখলকাৰীৰ কবলত পৰে ৷কিন্ত বিজেপি চৰকাৰ অহাৰ লগে লগে কাজিৰঙা সহ ৰাজ্যৰ কে’বা লক্ষ ভূমি সন্দেহযুক্ত নাগৰিকৰ কবলৰ পৰা উদ্ধাৰ কৰা হয়। পইচাৰ বিনিময়ত চাকৰি বিক্ৰী কৰা কংগ্ৰেছে এবাৰ অনুধাৱন কৰক ৷ বিজেপিৰ দহটাবৰ্ষৰ কাৰ্যকালত মেধাৱী শিক্ষাৰ্থীয়ে নিজৰ মেধাৰ বলত যোগ্যতাৰে চৰকাৰী চাকৰি লাভ কৰিছে ৷
উত্তৰ প্ৰদেশৰ মুখ্যমন্ত্ৰী গৰাকীয়ে এআইইউডিএফকো টাৰ্গেট কৰি কয়,এই দলটোৱে অসমত বছৰ বছৰ ধৰি বেদখলকাৰী মিঞাক প্রশ্রয় দি আহিছে। অসমক বেদখলকাৰীৰে ভৰাই দখল কৰিব বিচাৰে ৷ কাৰ্যত:ভাৰত আৰু ভাৰতীয়ক সদায় অপমান কৰি আহিছে কংগ্ৰেছ আৰু এআইইউডিএফে। আচলতে দুয়োটা দল টকাটোৰ ইপিঠি-সিপিঠি ৷এওঁলোকৰ উদ্দেশ্য হৈছে বাংলাদেশী প্ৰীতি । সেয়েহে অসমবাসীৰ সুৰক্ষা আৰু স্বাধীকাৰৰ বাবে কংগ্ৰেছ আৰু এআইইউডিএফক নস্যাৎ কৰি অগপ- বিজেপি মিত্ৰজোঁটৰ প্ৰাৰ্থী গৰাকীক ভোট দি জয়যুক্ত কৰক ৷ বৰপেটা সত্ৰ অসমীয়া জাতীৰ আৱেগ ৷ এই সত্ৰ সদায় সুৰক্ষিত কৰা আৰু সমষ্টিটোৰ সবাংগীন উন্নয়নৰ বাবে দীপক দাসক দিছপুৰলৈ পঠিওৱাত সকলোৱে সহযোগ কৰক ৷ এইয়া সময়ৰ আহ্বান ৷ বিশাল সভাখনত অগপ- বিজেপিৰ কে’বা গৰাকী জ্যেষ্ঠ নেতা উপস্থিত থাকে ৷
বৰপেটা পৰা যোগী আদিত্যনাথ হেলিকপ্টাৰেৰে উপস্থিত হয় বৰচলা সমষ্টিৰ মিছামাৰী৷ভূলবশত:হেলিকপ্তাৰখন জেএমএমৰ প্ৰচাৰ তাৰকাৰ বাবে নিৰ্মাণ কৰা অস্থায়ী হেলিপেডত নামিছিল যদিও পিছত গম পাই পুনৰ মিছামাৰীৰ বিজেপিৰ অস্থায়ী হেলিপেডত লেন্ডিং কৰে ৷ হেলিপেডত মুখ্যমন্ত্ৰী গৰাকীক উস্ম আদৰণি জনাই বৰচলাৰ বিজেপি প্ৰাৰ্থী ঋতুপৰ্ণ শৰ্মাই৷ ইয়াৰ পিছতে মুখ্যমন্ত্ৰী গৰাকীয়ে এক বিশাল সভা সম্বোধন কৰি কয়, অসম আৰু অসমীয়াৰ সুৰক্ষাৰ বাবে বিজেপিৰ বিকল্প নাই। বিগত এঘাৰটা বৰ্ষত ৰাজ্য খনৰ বাট- পথ দলং আদি যিগতিত নিৰ্মাণ হৈছে ৷ইয়ে উন্নয়ন গতি আৰু উচ্চ শিখৰলৈ নিলে ৷ আই- মাতৃ সকলৰ সুবিধা হোৱাকৈ নিতৌ নন আঁচনিৰ জৰিয়তে বিজেপি চৰকাৰে যি কৰিছে সেয়া কংগ্ৰেছে কোনো দিনেই কৰিব নোৱাৰিলি ৷ বছৰ বছৰ ধৰি চাহ জনগোষ্ঠীয় ৰাইজক ভোট বেংক হিচাপে ব্যৱহাা কৰা কংগ্ৰেছে কোনো দিনেই তেওঁলোকক স্থায়ী ভূমি দিবলৈ সক্ষম নহ’ল ৷কিন্ত ড :হিমন্ত বিশ্ব শৰ্মাই চাহ জনগোষ্ঠীয় ৰাইজৰ তেওঁলোকে থকা ভূমিৰে পট্টা দিলে ৷ অবৈধ বাংলাদেশী ৰক্ষক আৰু অসমীয়া বৃহত্তৰ জাতি জনগোষ্ঠী বিৰোধী কংগ্ৰেছক এইবাৰ সমূচিত উত্তৰ দিয়াৰ সময় আহি পৰিছে ৷ দেশক সততে অস্থিৰ কৰা কংগ্ৰেছ আজি ভাৰতীয় ৰাইজৰ দৃষ্টিত শত্ৰু ৰূপান্তৰিত হৈছে ৷ যাৰবাবে দিল্লীৰ শাসনৰ পৰা বহু গজ দূৰত থাকিবলগীয়া হৈছে ৷ এখন প্ৰগতিশীল আৰু জনকামী চৰকাৰ গঠনৰ ক্ষেত্ৰত এইবাৰ পুনৰ বিজেপি মিত্ৰজোঁটৰ প্ৰাৰ্থীক বিজয় কৰাওক ৷বিশেষকৈ বৰচলাৰ বিজেপি প্ৰাৰ্থী ঋতুপৰ্ণ শৰ্মাক বিপুল ভোটেৰে জয়যুক্ত কৰিবলৈ আহবান জনাই উত্তৰ প্ৰদেশৰ মুখ্যমন্ত্ৰী গৰাকীয়ে ৷