Removal of US Navy Secretary John Phelan:
দৈনিক অগ্ৰদূত ডিজিটেল ডেক্স:-আমেৰিকাৰ নৌসেনাৰ সচিব জন ফেলানক পদৰ পৰা অপসাৰণ কৰা হৈছে। বুধবাৰে এই কথা ঘোষণা কৰে আমেৰিকাৰ প্ৰতিৰক্ষা বিভাগৰ মুখ্য কাৰ্যালয় পেন্টাগনে। পেন্টাগনে উল্লেখ কৰিছে যে নৌসেনাৰ সচিব জন ফেলনে তাৎক্ষণিকভাৱে কাৰ্যকৰী হোৱাকৈ ড’নাল্ড ট্ৰাম্প প্ৰশাসনে অপসাৰিত কৰে । ফেলনৰ অপসাৰণ এনে এক সময় কৰা হৈছে ,যিসময়ত আমেৰিকাৰ নৌসেনাই হৰমুজ প্ৰণালী আশে-পাশে ইৰাণৰ বন্দৰসমূহত অৱৰোধ কৰাৰ বাবে প্ৰস্তুতি চলাইছে। কাৰ্যত ইয়াৰ দ্বাৰা আমেৰিকা প্ৰশাসনৰ ভিতৰত হোৱা অস্থিৰতাক পুনৰ প্ৰতিফলিত হৈছে। ইৰাণৰ সৈতে যুদ্ধ আৰম্ভ হোৱাৰ পিছৰে পৰা ট্ৰাম্প প্ৰশাসনৰ কেইবাগৰাকীও শীৰ্ষস্থানীয় পদবীধাৰীয়ে পদত্যাগ কৰিছে।
উল্লেখ্য যে পেন্টাগনৰ মুখ্য মুখপাত্ৰ ছিয়ান পার্নেলে ফেলানৰ অপসাৰণৰ কথা ঘোষণা কৰি আমেৰিকাৰ নৌসেনাত তেওঁ কৰা সেৱাৰ বাবে তেওঁক ধন্যবাদ জনায়। কিন্তু পাৰ্নেলে তেওঁৰ হঠাতে যোৱাৰ কাৰণ উল্লেখ কৰা নাছিল। পাৰ্নেলে কয় যে নৌসেনাৰ নতুন ভাৰপ্ৰাপ্ত সচিব হ’ব সহ: সচিব হাং কাও।
মনকৰিবলগীয়া যে মাৰ্কিন সংবাদ পত্ৰ গাৰ্ডিয়ানে দাবী কৰিছে যে প্ৰতিৰক্ষা সচিব পিট হেগছেথ আৰু অন্যান্য জ্যেষ্ঠ বিষয়াৰ সৈতে ফেলানৰ কেতবোৰ বিষয়ক লৈ মতানৈক্য হৈছিল। যাৰ বাবে তেওঁৰ ওপৰত ক্ষুন্ন হৈছিল হোৱাইট হাউচ । শেষত এনেবোৰ কাৰণতে ট্ৰাম্প প্ৰশাসনে ফেলানক অপসাৰণ কৰিবলৈ তৎপৰ হৈ পৰে ৷ ইয়াৰ আন সেনাবাহিনীৰ শীৰ্ষ বিষয়া জেনেৰেল ৰেণ্ডী জৰ্জক অপসাৰণ কৰাৰ সমান্তৰালভাৱে যোৱা ডেৰটা পষেকত সপ্তাহত কেইবাজনো শীৰ্ষ জেনেৰেল, এডমিৰেল আৰু অন্যান্য বিষয়াক অপসাৰণ কৰা হৈছিল।
স্মতৰ্ৱ্য যে নৌসেনাৰ অপসাৰিত সচিব জন ফেলানৰ কোনো সামৰিক পটভূমি নাই। ২০২৪ চনৰ শেষৰ ফালে ড’নাল্ড ট্ৰাম্পে নৌসেনাৰ সচিব পদৰ বাবে মনোনীত কৰিছিল।ফেলানে ট্ৰাম্পৰ নিৰ্বাচনী প্ৰচাৰৰ বাবে ডাঙৰ দাতা আছিল আৰু ৰুগাৰ মেনেজমেণ্ট এল এল চি নামৰ এটা ব্যক্তিগত বিনিয়োগ সংস্থা প্ৰতিষ্ঠা কৰিছিল। ইৰাণৰ সংঘাতৰ মাজতে ফেলানে পদত্যাগ সন্দৰ্ভত এতিয়াও কোনো মন্তব্য কৰা নাই ৰাষ্ট্ৰপতি ড’না ট্ৰাম্পে ।
ইপিনে ,নৌসেনাৰ নতুন সচিব হিচাপে নিযুক্তি দিয়া হৈছে হাং কাওত৷ বৰ্তমান নৌসেনাৰ উপ-সচিব ৰূপে কাৰ্যৰত হাং কাওৱে এতিয়াৰ পৰা আমেৰিকাৰ নৌসেনাৰ ভাৰপ্ৰাপ্ত মুৰব্বী হিচাপে কাৰ্যনিৰ্বাহ কৰিব। ২৫ বছৰীয়া নৌসেনাৰ অভিজ্ঞতা থকা কাওৱে ২০২৫ চনৰ অক্টোবৰ মাহত উপ -সচিবৰ পদ গ্ৰহণ কৰে।তেওঁ ১০ লাখ নৌসেনা, মেৰিন কৰ্পছ আৰু অসামৰিক কৰ্মচাৰীৰ তদাৰক কৰে আৰু বাৰ্ষিক ২৫০ বিলিয়ন ডলাৰৰ বাজেট পৰিচালনা কৰে।
উল্লেখযোগ্য কাও ১৯৭৫ চনত ভিয়েটনামী শৰণাৰ্থী হিচাপে আমেৰিকালৈ আহিছিল চাইগনৰ পতনৰ পিছত। ১৯৮৯ চনত নৌসেনাত নাৱিক নিযুক্তি হিচাপে যোগদান কৰা কাওৱে ১৯৯৬ চনত আমেৰিকাৰ নৌসেনা একাডেমীৰ পৰা বিশেষ অভিযান বিষয়া হিচাপে কমিচন লাভ কৰি নৌ বিষয়া ৰূপে নিযুক্তি লাভ কৰিছিল।