Assam Election:
দৈনিক অগ্ৰদূত ডিজিটেল ডেস্ক:শাৰদীয় দুর্গোৎসৱৰ আগে-পাছে ৰাজ্যত অনুষ্ঠিত হ’ব কে’বাটাও নির্বাচন ৷ গুৱাহাটী আৰু ডিব্ৰুগড়ৰ পিছতে ৰাজ্যৰ তৃতীয় খন মহানগৰীৰ স্বীকৃতি লাভ কৰা শিলচৰ পৌৰ নিগমৰ প্ৰথমবাৰৰ বাবে অনুষ্ঠিত হ’ব নির্বাচন ৷ ৪২ টা ৱাৰ্ডলৈ বৃদ্ধি পোৱা পৌৰ নিগম খনৰ খচৰা ভোটাৰ তালিকা ইতিমধ্যে প্ৰকাশ পাইছে ৷
আনহাতে ৰাজ্যৰ দুখনকৈ স্বায়ত্ত্বশাসিত পৰিষদ ক্ৰমেসোণোৱাল-কছাৰী স্বায়ত্ব শাসিত পৰিষদ আৰু মিচিং স্বায়ত্ব শাসিত পৰিষদৰ নিৰ্বাচন অনুষ্ঠিত হোৱাৰ সম্ভাৱনা ব্যক্ত কৰিছে ৰাজ্যৰ নিৰ্বাচন আয়োগে ৷
সোণোৱাল-কছাৰী স্বায়ত্ব শাসিত পৰিষদৰ নির্বাচনৰ ৩২ টা পৰিষদীয় সমষ্টিৰ বাবে ২ ছেপ্টেম্বৰত প্ৰকাশ পাব চূড়ান্ত ভোটাৰ তালিকা ৷ একেদৰে মিচিং স্বায়ত্ব শাসিত পৰিষদৰ নিৰ্বাচনো অনুষ্ঠিত কৰাৰ যাৱতীয় পদক্ষেপ গ্ৰহণ কৰিছে ৰাজ্যিক নিৰ্বাচন আয়োগে ৷ ৩৪টা পৰিষদীয় সমষ্টি বিশিষ্ট মিচিং স্বায়ত্ব শাসিত পৰিষদৰ চূডান্ত ভোটাৰ তালিকা প্ৰকাশ পাব ১১ ছেপ্টেম্বৰত ৷
