দৈনিক অগ্ৰদূত ডিজিটেল ডেস্ক:ঠিক এবছৰ পূৰ্বে আজিৰ দিনটোৰ আগদিনা অসম ভূমিক শেষ সুৰ্যোদয় চাই ছিংগাপুৰলৈ ওলাই গৈছিল প্ৰাণৰ জুবিন গাৰ্গ৷সেই যাত্ৰা যে জীৱিত জুবিনৰশেষ যাত্ৰা আছিল,সেই যাত্ৰাই যে প্ৰতিজন অসমীয়াৰ বুকু চিৰদিনলৈ উদং কৰিব,কোনে জানিছিল৷ সেই দিনটোৰ এবছৰ পাছত জুবিন দিৱস পালন কৰিব লগীয়া হৈছে তাতকৈ দুৰ্ভাগ্য আৰু অসমবাসীৰ নাই৷মূৰৰ ওপৰত লৈ, বুকুত শিল বান্ধি অসমবাসীয়ে আজি ‘উদযাপন’ কৰিছে জুবিন দিবস। বিগত বৰ্ষত ১৯ ছেপ্টেম্বৰত সমগ্ৰ অসমবাসীক শোকৰ অথাই সাগৰত পেলাই থৈ সুদূৰ ছিংগাপুৰৰ সাগৰত প্রাণ হেৰুৱাই ছিল অসমৰ হিয়াৰ আমঠু প্ৰাণৰ শিল্পী জুবিন গার্গে। সেইদিন ধৰি আৰু আজিও, হয়তো অনাদি অনন্ত কাললৈ ‘জয় জুবিনদা’ ধ্বনিত হৈ থাকিব। অমৰত্বৰ ধ্বনিও প্রতিধ্বনিত হৈ ৰ’ব এইখন অসমত আৰু পৃথিৱীৰে বহু জুবিন প্ৰেমীৰ মাজত।

জুবিন গাৰ্গ কেৱল এজন গায়ক নাছিল, তেওঁ আছিল অসমৰ সাংস্কৃতিক আত্মা। ১৮ নৱেম্বৰ ১৯৭২ ত মেঘালয়ৰ তুৰাত জন্ম (আচল নাম জুবিন বৰঠাকুৰ) আৰু । ৩৩ বছৰীয়া কৰ্মজীৱনত তেওঁ যি সৃষ্টি কৰি গ’ল সেয়া অসমত দ্বিতীয় নাই।

জুবিনৰ সংগীতৰ সৃষ্টিৰাজী:

৪০ টাতকৈ বেছি ভাষা-উপভাষাত প্ৰায় ৩২,০০০ গীত। অসমীয়া, বাংলা, হিন্দী, ইংৰাজী, তামিল, তেলেগু, মাৰাঠী, নেপালী, কাৰ্বি, মিচিং, বড়ো আদি।

বাদ্য:

১২ বিধ বাদ্যযন্ত্ৰত পাকৈত – তবলা, কী-ব’ৰ্ড, গীটাৰ, ঢোল, দোতাৰা, মেণ্ডলিন, ড্ৰাম, হাৰমনিয়াম ইত্যাদি।

এলবাম:

১৯৯২ ত ‘অনামিকা’ৰে বিপ্লৱ আৰম্ভ। তাৰ পিছত মায়া, আশা, হিয়া দিয়া নিয়া, মেঘৰ বৰণ, ৰুমাল, চিলা, নাহৰ, ৰং আদি ২০০ ৰো অধিক এলবাম।

বলীউড:

হিন্দী – ১৯৯৫ ত প্ৰৱেশ, কিন্তু খ্যাতি ২০০৬ ত ‘Ya Ali’ (Gangster) গীতেৰে। GIMA Best Singer Award পায়।

বাংলা – ‘মন’, ‘শুধু তুমি’, ‘চিৰদিনই তুমি যে আমাৰ’ ৰ “পিয়া ৰে”, “মন মানে না” আজিও কালজয়ী।

চলচ্চিত্ৰ জগত:

একাধাৰে অভিনেতা, পৰিচালক, সংগীত পৰিচালক, প্ৰযোজক সকলো আছিল জুবিন গাৰ্গ ।

অসমীয়া কথাছবি:

মিছন চাইনা(২০১৭), কাঞ্চনজংঘা(২০১৯),দীনবন্ধু,ৰ’দৰ চিঠি

শেষ ছবি: ‘ৰৈ ৰৈ বিনালে’

১৯ বছৰ ধৰি বুকুত কঢ়িওৱা সপোন। তেওঁৰ মৃত্যুৰ পিছত ২০২৫ ত ৮০০ খন স্ক্ৰীণত Housefull চলিছিল।

ৰাষ্ট্ৰীয় বঁটা: Echoes of Silence.ছবিৰ সংগীতৰ বাবে।

সাহিত্য আৰু সমাজকৰ্ম:

গীতিকাৰ, কবি, ‘মুক্ত’ মানসিকতাৰ প্ৰতীক – “মোৰ কোনো জাতি নাই, ধৰ্ম নাই, মই মুক্ত”

কলাগুৰু Artist Foundation* – বানপীড়িত, অনাথ শিশু, আহত জীৱ-জন্তুৰ বাবে কাম।

CAA বিৰোধী আন্দোলন, কামাখ্যাত পশুবলি বিৰোধী আন্দোলনত সক্ৰিয় ভূমিকা।

সন্মান:

২০০৬ তGlobal Indian Film Award, ২০২৪ ত ই উএছটিএমৰ পৰা ডি -লিট,PETA ৰ Hero Award

ভূপেন হাজৰিকাৰ পিছত অসমৰ সাংস্কৃতিক পৰিচয়ক বিশ্ব দৰবাৰত দাঙি ধৰা একমাত্ৰ শিল্পী জনেই হৈছে জুবিন গাৰ্গ । জুবিনৰ এটা বিখ্যাত উক্তি আছিল ‘জীৱন মানে ধুমুহাৰ স’তে যুঁজি যুঁজি আগুৱাই যোৱা।”

#ZubeenGarg #lifehistory #দৈনিকঅগ্ৰদূত #অগ্ৰদূত #dainikagradoot #agradoot #dainikagradootdigital