DubaiGoldDistrict : দৈনিক অগ্ৰদূত ডিজিটেল ডেস্ক: কল্পনা প্রসূত কাহিনী নহয়, বাস্তৱতে ডুবাইত নির্মাণ হৈছে স্বর্ণখচিত পথ। ডুবাইৰ বিশ্ববিখ্যাত স্বর্ণ বজাৰ ডেৰাক সংযোগ কৰি এই পথ নিৰ্মাণ কৰা হৈছে।
উল্লেখ্য যে ডেৰালৈ সমগ্র বিশ্বৰ সোণৰ ব্যৱসায়ীৰো আগমন ঘটে। এই স্বর্ণ বজাৰক অধিক আকর্ষণীয় কৰি তোলাৰ উদ্দেশ্যে বজাৰখন সংযোগী পথ সোণৰে নিৰ্মাণ কৰা হৈছে। ডেৰা স্বৰ্ণ বজাৰ ডুবাইৰ আল-ৰাছ অঞ্চলত অৱস্থিত। এই স্বৰ্ণ বজাৰৰ পৰা সমগ্র বিশ্বলৈ সোণ যায়। বজাৰখনত চাৰিশ সোণৰ দোকান আছে।
এই দোকানসমূহত ১৮ৰ পৰা ২৪ কেৰেটৰ সোণ বিক্রী হয়। তদুপৰি প্লেটিনাম, হীৰা আদি মূল্যৱান ধাতু এই বজাৰত বিক্ৰী হয়। বজাৰৰ কিছুসংখ্যক দোকানত ৰূপো কিনিবলৈ পোৱা যায়। ইয়াৰে কিছুসংখ্যক দোকানত আন বিলাসী সামগ্রীও পোৱা যায়। চৰকাৰী সূত্ৰই প্ৰকাশ কৰা অনুসৰি বজাৰখন সংযোগী সোণৰে নিৰ্মিত পথটো চলিত বৰ্ষৰ অন্তিমত পর্যটকসকলৰ বাবে মুকলি কৰি দিয়া হ’ব।
এই সম্পর্কত ডুবাই গ’ল্ড ডিস্ট্রিক্টৰ বাণিজ্য বিভাগৰ বিষয়া ৰছিদ আল হাৰমুদিয়ে প্ৰকাশ কৰা অনুসৰি পৰ্যটকৰ বাবে এই পথ নিতৌ পুৱাৰ পৰা নিশালৈ মুকলি ৰখা হ’ব। প্রতিদিনে পথৰ দুয়ো কাষত সোণৰ আ-অলংকাৰৰ প্রদর্শনীও থাকিব। গতিকে এই পথেৰে অহা-যোৱা কৰাসকলে ৰাজকীয় অনুভৱ কৰিব।