এইবাৰ স্বজনপ্ৰীতিৰ সন্দৰ্ভত চৰ্চালৈ আহিছে বলীউডৰ চৰ্চিত অভিনেত্ৰী স্বৰা ভাস্কৰ। অভিনেত্ৰী স্বৰা আৰু কৰণৰ কথোপকথনৰ এটা ভিডিঅ’ ভাইৰেল হৈছে । এই ভিডিঅ’টিত স্বৰাই ষ্টাৰ কিডক ছবিত অগ্ৰাধিকাৰ দিয়া প্ৰসংগত তীক্ষ্ণ প্ৰশ্ন কৰিছিল কৰণক । পিছে এতিয়া স্বৰাই সেই ভিডিঅ’টিতে নিজেই কমেন্ট কৰিছে । স্বৰাই লিখিছে “বাৰু অলপ সময় উলিয়াই ভাবি ল’লো যে কৰণ জোহৰে কোনো ধৰণৰ প্ৰতিক্ৰিয়া নকৰি নেপ’টিজমৰ সমালোচনাক সাধাৰণভাৱে লৈছে । আৰু সুন্দৰ আৰু নিৰপেক্ষতাৰে উত্তৰো দিছে ।” কৰণ আৰু স্বৰাৰ কথোপকথনৰ ভিডিঅ’টিত কৰণে নিপ’টিজমৰ ওপৰত কয় “মই মোৰ ছবিত বৰুন ধাৱান আৰু আলিয়া ভাট্টক ল’ন্স কৰিছো ৷ ইয়াৰ পূৰ্বে বৰুণৰ মাতৃয়ে মোক পুত্ৰক সহকাৰী পৰিচালক হিচাপে ল’বলৈ কৈছিল। ইয়াৰ বিপৰীতে সেই সময়তে সিদ্ধাৰ্থ মালহোত্ৰা মোৰ সহকাৰী পৰিচালক কৰণ মালহোত্ৰাক লগ কৰিবলৈ আহিছিল । আৰু এনেকৈয়ে তিনিওজনৰ কাষ্টিং হৈছিল ৷ লগতে মহেশ ভাট্টৰ লগত মোৰ কোনো সম্পৰ্ক নাছিল ৷ মই জনাই নাছিলো যে মহেশ ভাট্টৰ আলিয়া নামেৰে এজনী ছোৱালী আছে ।
লগতে কৰণে কয় “মই জানো যে যিসমূহ কথা সন্মুখত থাকে ৷ সেয়া বিশ্বাস কৰাটো সহজ ৷ আমি সাধাৰণতে যিটো দেখো সেইটোৱেই বিশ্বাস কৰোঁ ৷ তাৰ আঁৰত যে অন্য কিবা প্ৰসংগ থাকিব পাৰে সেয়া আমি নাচাও । আনহাতে কৰ’নৰ সপক্ষে কৰা এই টুইটৰ পিছতে স্বৰাক কিছুসংখ্যক চলচ্চিত্ৰ প্ৰেমীয়ে সমালোচনা কৰাৰ লগতে একাংশই আদৰি লৈছে ৷ ইপিনে সদ্যহতে মুক্তি পোৱা “ৰসভৰী” ৱেবচিৰিজক লৈ চৰ্চাত আছে স্বৰা ৷ উল্লেখযোগ্য যে বলীউডৰ অভিনেতা সুশান্ত সিং ৰাজপুতৰ আত্মহত্যাৰ পিছত নিপ’টিজম বা স্বজনপ্ৰীতিকে ধৰি আন বহু বিষয় সৰ্বাধিক চৰ্চিত হৈ আছে ৷ নিপ’টিজমৰ প্ৰসংগক লৈ কৰণ জোহৰক বিভিন্ন মাধ্যমত সমালোচনা কৰিছে ৷ অভিযোগ যে কৰণে নিজৰ ছবিত ষ্টাৰ কিড সকলকহে অগ্ৰাধিকাৰ দিয়ে ৷ ইয়াৰ বিপৰীতে কৰণ জোহৰে মুম্বাই চলচ্চিত্ৰ বৰ্ডৰ পৰা পদত্যাগ কৰিবলৈও বাধ্য হৈছে ৷
