বলীউডৰ অভিনেত্ৰী য়ামী গৌতমক তলব ইডি-ৰ, বৈদেশিক মুদ্ৰা সংক্ৰান্ত অনিয়মৰ অভিযোগ

বলীউড অভিনেত্ৰী য়ামী গৌতমক তলব কৰিলে এনফ’ৰ্চমেণ্ট ডিৰেক্টৰেটে । অৰ্থনৈতিক অনিয়মৰ তদন্তকাৰী এই সংস্থাই আগন্তুক সপ্তাহত য়ামীক তেওঁলোকৰ মুম্বাইৰ কাৰ্যালয়‌লৈ মাতিছে । তেওঁৰ বিৰুদ্ধে কি অভিযোগ দাখিল হৈছে সেই বিষয়ে ইডি-য়ে জনোৱা নাই । কেৱল কোৱা হৈছে, বিদেশী মুদ্ৰা বিনিময় বিষয়ক এটা গোচৰত অভিনেত্ৰীগৰাকীক সোধ-পোচ কৰা হ’ব ।

আগন্তুক সাত জুলাইত ইডি-ৰ মুম্বাই কাৰ্যালয়ত যাব য়ামী । অৱশ্যে অভিনেত্ৰীগৰাকীৰ তৰফৰ পৰা এই বিষয়ত কোনো প্ৰতিক্ৰিয়া লাভ কৰা নাই । য়ামীক ফ’ৰেইন এক্সচেঞ্জ মেনেজমেন্ট আইন ভংগৰ এক গোচৰত সোধ-পোচ কৰা হ’ব বুলি ইডি সূত্ৰে খবৰ ।

Mumbai: Enforcement Directorate (ED) summons actor Yami Gautam, asking her to appear before them next week to record her statement in connection with alleged irregularities under FEMA (Foreign Exchange Management Act).

(File photo) pic.twitter.com/orR0zzk2nn

— ANI (@ANI) July 2, 2021

বলীউডৰ ‘বিকি ড’নাৰ’, ‘বদলাপুৰ’, ‘কাবিল’ ইত্যাদি চলচ্চিত্ৰত অভিনয় কৰিছে জনপ্ৰিয় অভিনেত্ৰীগৰাকীয়ে ।